METIU 12:50 - KARANU KABI SAMTAM

⁵⁰ Kadapokiisating gamto kalei gu pfiinii kamaning kamazhii katiimei hangtei gu sanamei, gu taipwimei ninado gu pwile.”

METIU 12:50 Iomraidhean Croise

METIU 12:49

Sateichii mpounii mpou boumei lamkii bah ntaapatsii tamle, “Julo, gu pwi ninado gu sanamei hangtei aiki leile!

METIU 13:1

Teipiinei leimik sek tei Jisu ki kiteito tatpat tosii dwijai kuto bam wotakle.

METIU 17:5

Mpounii tam leibangpii julo, vakabi mongjyii hangninanii ahnyiigo gomnei wotakle, sateichii julo, mongjyii kiteito rok hangninanii tamle, “Ai ai Inii lungkasyii gunah sapfii mpou teile; Inii mpougo hangkapii lung mangle, gonyii mpounii katam tei shiilo!”

METIU 25:40

Sateichii Sagong teinii ahnyiigo khekalat tangle, ‘Inii gonyii dakii kasangpii tam leile, gukang sanamei kacheng chengsang hangninii dakii gonyiinii tiikapyii tatei gonyiinii gudakii tiipyii bamle.’

METIU 25:45

Tei tinglang kak mpounii ahnyii dakii khekalat tangle, ‘Inii gonyii dakii kasangpii tam leile, ai kacheng chengsang hangninii dakii gonyiinii tiiha kasutatei gonyiinii gudakii tiiha sutakle.’

METIU 28:10

Teito Jisunii mpoupeina dakii tamle, “Hingsulo, tat tulo, gukang sanameigo Galiliki tat tulosii tampyiilo, teito ahnyiinii n-gu ngoutangle.”

MARK 3:35

Dapokii Sa- raanii kamaning kamazhii tiisii kalei meihang tei gusanameile ninado gutaipwi meile ninado gu pwile.”

LUKNII KARYII KABI RASAM JUKAMATI 8:21

Nlenii mpounii ahnyii dakii khekalatle, “Saraa mah samtam tei shiiwosii swi kalumei hangtei gu pwile ninado gu sanameile.”

JONNII KARYII KABI RASAM JUKAMATI 15:14

Inii gonyii dakii kapyii kakhatsam hangtei gonyiinii swileponii, gonyii ai gu kangmei hangle.

JONNII KARYII KABI RASAM JUKAMATI 20:17

Jisunii mpoupei dakii tamle, “N-gu deng sulo, kadapokii Inii gu pfii bamki pi womakle rei, nlenii gukangsanamei hangda mangsanii ahnyii dakii tampyiilo, Inii gu pfiido gonyiipfiido, gu Saraado gonyii Saraado tiisii kalei Ah bam kitei pitune leitakle.”

JONNII KARYII KABI RASAM JUKAMATI 6:29

Jisunii ahnyii dakii khekalatle, “Mpounii lang magong kabam ahgo gonyiinii kamalum katu ai Saraanii kamarei tha teile.”

JONNII KARYII KABI RASAM JUKAMATI 6:40

Kadapokii gu pfiinii kamaning kamazhii tei aile, meinah sapfii mpou gotei ngouwosii, ahgo malum kalumei hangteinii kalui kaga karing doumatu tang karam teile, Sateichii Inii ahnyiigo kalui piinei leimik tiimaringpyii tangle.”

TIILAMLWI KAPYIIMEI THA JUKAMATI 17:30

Teijangpii tikasu tinglang gotei Saraanii ju majupyii takle, nlenii aitoinii bamlyii hang kito meihangnii lung kali matutang karam jangpii mpounii mwija pyii leile.

TIILAMLWI KAPYIIMEI THA JUKAMATI 26:20

Nlenii karei reisang kito Damaskas kito kaleimei dakii tei taito Jerosalem kito kaleimei dakii, Judiya sazyii hang kikii sateichii lui kakimei dakii ahnyiinii Saraada ngaryii gong tang karamle ninado lung kali kalumah malum kabui tha tei tiitang karamlesii Inii tam ralipyiile.

ROMMEI 8:29

Kadaponii mpounii reipii juti kalumeigo mpou nah sapfii mpou- mah jaitalui gotei njoi matu tang karam jangpii ndouto reipii tiikada aitakle. Nah sapfii mpou teinii kangsanamei hang kak kito manaa karei tei tiimatu tang karam jangpiile.

1 KORENMEI 9:5

Tiilamlwi kapyii kakimei sateichii Bangpii taikarhiimei, sateichii Kaifas, ahnyii takumpii nyiinii Kristenmei nou hangniniigo nyiimah mbuini kaswisii katat tei nyii majyii gapo?

2 KORENMEI 11:2

Saraanii lung kanhii takumpii, gonyii jangpii Inii lungkanhii hang- kapii leile; sapwimei hangninanii mpoupeigo manou tang lesii n-nhii- tak kalei sapfiimei hangniniigo bisii kalei, sateichii myiikapang leimik tei gong kasuta mateisii kalei takum- piinii, gonyiinii Jisu Kristago tiigatpii matwi mashangsii bisii kalei tei Inii mareile.

GALATIMEI 5:6

Kadapokii Krista Jisu dato tiigyii kamalem mak-kii tiigyii malem kasu teipii mah kado tham kaki gale. Nlenii lungkasyii paito tha tiikalei kamalum teile.

GALATIMEI 6:15

Kadapokii tiigyii kamalem mak-kii tiigyii malem kasu teinii samah kado makle, nlenii kasatai baichem teile.

KOLOSIMEI 3:11

Kasatai mei aikito, Grikmei ninado Jehudimei, tiigyii malem kaleimei ninado tiigyii malem kasumei, dikhiikasumei, meijai tika- sumei, kabangmei ninado Abangmei katu gale, nlenii Kristanii mahlyii hangle, sateichii mahlyiihang kito leile.

1 TIMOTHI 5:2

sapwimei katingmeigo pwimei takumpii, sateichii sapwimei kara- numeigo go taipwi takumpii lung matei sageisii katwikai pyiilo.

HEBRUMEI 5:9

sateichii mpounii sajek gasii bimatui wokalu taiswisii, mpounii katam kaswimei hang jangpii kalui kaga keikapyii karing- mah kapat bam tei mpounii tiiwo takle,

1 PITAR 4:2

teipiinii gonyiinii gonyiimah mashak kalei tiilung tei sazyii pouryiimah kamarei ka-ntha taiswisii lungkai supii, Saraanii kamaning kamazhii tai- swisii lung tang karamle.

1 JON 2:17

Sazyii pouryiido sateichii sazyii pouryiimah kamarei ka-ntha hang teido gatule. Nlenii Saraamah kamaning kamazhii katiimei teinii kalui gasii taksupii ringleile.

MATIMANGOU KAPYII 22:14

Ahnyiinii karingmah ruibang dateito riiti chiitang karam majyii tei doukabui tiisii sateichii namdi lung tei takam kamjao kito liit kabui tiisii ahnyiimah peijou kathang tei shyii matei kaleimei hangtei sadoibile.