METIU 12:32 - KARANU KABI SAMTAM

³² Sateichii meinah sapfii mpougo mazhii kasu sam katam meihang gotei kaleipyii tangle, nlenii rangii kamatei go mazhii kasu sam katam meihang gonii sazyii pouryii kitodo gongtang karam kiteitodo kaleipyii lakle.

METIU 12:32 Iomraidhean Croise

METIU 11:19

Meinah sapfii mpou teinii chiisii saksii gongle, sateichii ‘Julo, apokrai kadi ninado Jou kasakpii, aha kahamei ninado kem kama katiimei mah kangpiilesii ahnyiinii tamle,’ Teitii kido Saraa mah swirek aigo Ah mah tha hangteipii kasangle katu mangou pyiitakle.”

METIU 12:31

Teijangpii Inii gonyii dakii tam leile, meinah mah kem ninado tam kamashyii hangtei kaleipyii tangle, nlenii rangiigo tam kamashyii teinii kaleipyii lakle.

METIU 12:8

Kadapokii Meinah Sapfii mpou teinii bam ntak piinei leimik mah Abangpiile.”

METIU 13:22

Sateichii tu tiirat kak kikii ralikai kabam ahnyii teinii samtam tei shii wosii, sazyii pouryii swi kamaning ninado kani kahii kamarei teinii samtam gotei giitnei wosii ti mati leimakle.

METIU 13:39

ahnyiigo ralikai kapyii ngou karoumei teinii sara kashyii teile, karachet tinglang teinii, sazyii pouryii mah kalui teile, sateichii lu karachet mei teinii sating gamlui hang teile.

METIU 13:40

Rhiimah tei poi ndwisii mi kikii toi kakai takumpii, sazyii pouryii kaluiki tei takum tangle.

METIU 13:55

Ai-ai ating mah chem mara tiisii kaleipii nah sapfii mpou chiimakde? Mpou-pwitei Meri sii lat makde? Sateichii mpou sanamei tei Jems, Joseph, Simon ninado Judas tei makde?

METIU 8:20

Jisunii mpou dakii tamle, “Sa- ramii kounah mah ki kachet bamle, sateichii sating gam ruinah hang mah mathiit leile; nlenii meinah sapfii mpou mah phyii nkum tang karamni gale.”

MARK 10:30

mpounii toi tinglangki kaset kalak dou katu njasii kihang, tai karhii sungka- tingmei, taipwimei, pwi-pfii ninado luhang njai haikii, sateichii gongtang karam tinglang ki kalui kaga karing tiilung doutangle.

MARK 3:28

“Inii kasangpii gonyii dakii tam leile, Meinah mah kem hangtei ninado ahnyii mah kama hangteinii kaleipyii wobuile,

MARK 3:29

nlenii mei kata kangkanii rangii kamatei go tam kamashyii teinii magasang magapyii lakle; dapokii ahnyiinii kalui tiikasu kem tei tiibam takle.”

LUKNII KARYII KABI RASAM JUKAMATI 12:10

“Sateichii Meinah Sapfii Mpou phyiiryiikii sam katam mei hang go magapyii tangle; nlenii Rangii kama- tei phyiiryiikii tam kamashyiimei goteinii magapyii lakle.

LUKNII KARYII KABI RASAM JUKAMATI 16:8

Teijangpiinii kasang kasu mahbam kajupii mah apumpii teinii mpougo tam matoile tei kakum kasang kasu tha katii jangpiinii; kadapochiinii sazyii pouryii meinah ainii ahnyiimah mah kajumhang kito kisii kasang mak buile kava kito kaleimei tei sung.

LUKNII KARYII KABI RASAM JUKAMATI 18:30

ahnii tinglang aikito njai moikisii sateichii gong tang karam kiteito kalui kaga karing tiilung tei doutangle.”

LUKNII KARYII KABI RASAM JUKAMATI 23:34

Teito Jisunii tamle, “He pfii-o! ahnyiigo maga pyiilo; kadapochiinii ahnyiinii kadapei tiiziipo katu tei ahnyiinii timakle.” Sateichii ahnyii kak kito doi kabi tei kajusii, ahnyii kakto mpou mah peimani tei njaitu takle.

LUKNII KARYII KABI RASAM JUKAMATI 7:34

Sateichii Meinah Sapfii Mpou teinii chiisii saksii gongle, sateichii gonyiinii tamle, ‘Julo, Apok kadi jou kasak, ha kahamei ninado kem kama katiimei hang go kang katiimei hangninii!’ lesii.

JONNII KARYII KABI RASAM JUKAMATI 7:12

Sateichii mpou kaang kito meihang teinii hangkapii samtiit tutakle. Meikangkanii tamle, “Mpou ai mei kabimei hangniniile,” kakimei teinii, “Makle, mpounii meihang go chyiitatma leitakle” sii tamle.

JONNII KARYII KABI RASAM JUKAMATI 7:39

Mpougo malum kalumei hangnii doutang karam rangii mah kaang kiteito mpounii ai ai tamle, kadapokii tei tinglang kak Jisunii pumtei kava tei dou kasu taiswisii, rangii tei aitoi pyii womakle.

JONNII KARYII KABI RASAM JUKAMATI 7:52

Ahnyiinii mpougo khekalatle, “Nangdo Galili kitode? Kabi rasam tei fiilo, sateichii Galili kito Lungkakalingmei mei kado patsang pat makle katu nangnii titangle.”

TIILAMLWI KAPYIIMEI THA JUKAMATI 3:19

Teijang- piinii gonyii mah kem hangtei tiimagapyii matu tang karam jangpii gonyiinii lung kali wosii nlaigonglo; teitei leponii Bangpii dato kamajung mah tinglang tei gongtangle.

IPISAMEI 1:21

Teikito Kristanii Sating gam apum katiimei hang, teimaham kajum meihang, pumtei hang ninado Abangmei hang phyiiryiito apum tiisii leile; sazyii pouryii aito roisupii gongtang karam sazyii pouryiimah zeihang doito sagoi kaki zei tei mpou dato leile.

1 TIMOTHI 1:13

Ndou kareiki Inii mpougo tam kamashyii, tiikamage katu sateichii kalet kalou tiisii leikado, Saraamah lungsyii kati tei Inii doutakle, kadapokii kamalum tei Inii doumakle. Teijangpii Inii dapei tiileipo katu tei Inii timakle.

1 TIMOTHI 1:15

Jisu Kristanii kakui kama meigo keipyii tang karam jangpii sazyii pouryii gongpyiile katu ai malum wobuile sateichii nyiinii lukai tang karam jangpii tam kalei sam ai kasangle sateichii kem kama mei hang kak kiteito kem tiikaki tei I-le,

1 TIMOTHI 4:8

kadapokii pumzaimah tiikarali teinii cheng- niikii jangpii roinii mai bamle, nlenii Saraago kamaning teinii aitoi jangpii sateichii gong tang karam mah ringtang karam riishii jumsii kalei jangpiinii mahlyiihang jangpii maiteengle.

1 TIMOTHI 6:17

Aitoi sazyii pouryii aito mah kanimei hang go tam kakhat pyiilo, katunii, ahnyiinii detdi matu sulo, nlenii tisek kasu kani kahii hang kikii supiinii, nyiigo samou matu tang karam jangpii mahlyii hang mah lasii kapyii Saraa dakii ahnyii mah kamaning kamalum tei sat matulo.

2 TIMOTHI 4:10

Kadapokii Demasnii sazyii pouryii aigo lungkasyii kito n-gu toi aisii Thesolonika ki tat tutakle; Kresens- nii Galatiyaki tat tutakle, sateichii Taitasnii Dalmotiyaki tat tutakle.

TAITAS 2:12

Nyiinii Saraa maning kasu ninado sazyii pouryii mah kamarei ka-ntha tei haisupii, lungswi jum matwisii, kanat bisii, sateichii Saraa maningsii aitoimah sazyii pouryii aito lungtang karam jumage kapyii ainii nyiigo ralipyiisii leile.

JEMS 1:27

Nyii Pfii Saraa doito kamatei ninado kahong kaga kanat teinii: pwi pfii kagamei sateichii kamipwimeigo ahnyiimah kamage kalak kito jukaha sateichii mpougo sazyii pouryiimah kashyii kahong kito rum matu kasu aile.