METIU 11:1 - KARANU KABI SAMTAM

¹ Sateichii Jisunii mpou boumei keariisiinakhii dateikii ralisang sek-kii, ahnyii mah namdi hang kiteito ralipyii ninado tam ralipyii tang karam jangpii Mpounii teibam kiteito tatpat takle.

METIU 11:1 Iomraidhean Croise

METIU 28:20

Inii gonyii dakii pyii kabam kakhatsam hangtei switang karam jangpii ahnyiigo ralipyiilo, sateichii julo, sazyii pouryii nlai katang tei Inii gonyiigo taksupii kaswi leile.”

METIU 4:23

Sateichii mpounii ahnyii mah ndwibam hang kito ralipyiisii, sateichii sating gam sazyii mah kabi rasam tam ralipyiisii sateichii ahnyii meihang kak kito arahang ninado katchiihang tei tii mbi pyiisii Galili sazyii hangki tatgong takle.

METIU 7:28

Jisunii ai tamsang ai sek-kii, mpounii ralikapyii kiteito shii wosii meimoi teinii sung gatkle;

METIU 9:35

Sateichii Jisunii Ndwibam hang kiteito ralipyiisii, Sagong sazyii mah kabi rasam tam ralipyiisii, sateichii ara katchii hang tei tii- mbipyiisii nam ninado namdi hangki tat gong takle.

MARK 6:12

Sateichii ahnyiinii tatpatsii meinii kem kito lungkali kabui kabi rasam tei tam ralipyii takle.

LUKNII KARYII KABI RASAM JUKAMATI 23:5

Nlenii ahnyiinii kisii sangtingsii tamle, “Mpounii Judiya sazyii hang kikii, Galili kito aiki bam katangpii, meigo n-gi nrung tiikaile.”

LUKNII KARYII KABI RASAM JUKAMATI 8:1

Tinglang shangniikii sou kaleitai Jisunii Namdi ninado nam kacheng hangki maasii, Saraa mah Sating Sazyii mah kabi rasam tei tam ralipyiitu takle; Mpou boumei keariisiinakhii tei mpoutai switakle.

JONNII KARYII KABI RASAM JUKAMATI 15:10

Inii Pfii mah kakhatsam hangtei swi wosii, mpoumah lungkasyii kiteito kalei takumpiinii, gonyiinii gumah kakhatsam hangtei swiwo leponii, gonyiinii gumah lungkasyii kito taksupii leitangle.

JONNII KARYII KABI RASAM JUKAMATI 15:14

Inii gonyii dakii kapyii kakhatsam hangtei gonyiinii swileponii, gonyii ai gu kangmei hangle.

TIILAMLWI KAPYIIMEI THA JUKAMATI 1:2

Mpougo pangkhii katu piinei leimik katang tei mpounii tha tiikahou sateichii ralipyii hou katu hang mah kaang kitole.

TIILAMLWI KAPYIIMEI THA JUKAMATI 10:38

teiteinii Nazaret ki Jisu rasam teile, kada takumpii mpougo Saraanii rangii kamatei ninado teimahampii thao manuk kaipyiisii mpounii tatsii tatsii tha kabi tei tiiwopo sateichii sara kashyiinii kaswi kaleimei go tii mbipyiipo katu teile; kadapokii Saraanii mpougo kaswipyiisii leile.

TIILAMLWI KAPYIIMEI THA JUKAMATI 10:42

Sateichii kabi rasam ai meidakii tam matutang karam jang- pii, sateichii kataimei nei karingmei mah samtak katii Saraa Bangpii mimatu wokalu tei Ah aile...katu sakchyii pyiitang karam jangpii mpounii nyii dakii kakhatpyii takle.

1 THESOLONIKAMEI 4:2

Kadapokii nyiinii gonyiigo tiilosii tam kapyii ralikapyii hangtei gonyiinii tile.

2 THESOLONIKAMEI 3:10

Kada- pokii nyiinii gonyiigo kaswisii kalei kak, nyiinii gonyii dakii kakhatsam ai pyiitakle: katunii, mei kata hangninanii tha tiisu leponii, ahnii chiido chiisu matulo.

2 THESOLONIKAMEI 3:6

Sateichii kangsanamei, nyiinii gonyiigo Bangpii Jisu Krista zei kito kakhat leile, katunii, mahat kashyii tiilung lungsii kalei ninado gonyiinii nyii dato doukalu tam ralipyii kabam hang taiswi kasumei dateito mpaa wolo.

1 TIMOTHI 6:14

Nyii Bangpii Jisu Kristanii gong kasuta katang kahong karum jai kashyii tei gasii kakhatsam tei ryii wolo;