METIU 10:19 - KARANU KABI SAMTAM

¹⁹ Ahnyiinii gonyiigo pyiikatoi kak kada takumpii mak-kii kadapei tam tangposii gonyii lungnaang sulo, kadapokii kadapei tam tangpo katu tei teitinglang kinii gonyii dakii pyiitangle;

METIU 10:19 Iomraidhean Croise

METIU 10:18

sateichii ahnyii doito ninado Lui kakimei doito sakchyii pyiimatu tang karam jangpii Governor mei ninado sagongmei hang doito gujangpiinii gonyiigo chyii karhiitat tangle.

METIU 6:25

Teijangpiinii Inii gonyii dakii tamleile, gonyiinii ringtang karam jangpii kadapei chiitang, kadapei saktang sateichii gonyii mah pumpot jangpii kadapei kaitangposii lung- naang sulo. Karing ainii kachii kasak sung maitingki makpo? Sateichii pumpot ainii peimani sung kisii maitingki makpo?

METIU 6:31

“Teijangpii nyiinii kadapei chiitang? kadapei sak tang? mak-kii kadapeiki peimani kaitangpo? sii gonyiinii lungnaang sulo.

METIU 6:34

Teijangpii supounei jangpii lungnaang sulo, kadapokii supounei tei ah-jangpiinii lungnang tang karam hangkii leitangle. Tingneikii mah mage teiroinii teipiinii teileimik mah tei bui matulo.

LUKNII KARYII KABI RASAM JUKAMATI 12:11

“Sateichii ahnyiinii gonyiigo Jehudimei mah Ndwiki, Sateichii sazyii kakoirakmei sateichii teima- ham kajum meihang doi pangkhiisii jai kaju kak, gonyiinii kadapei kada takumpiinii khela tangposii swi kamage sulo.

LUKNII KARYII KABI RASAM JUKAMATI 12:12

Kadapochiinii Rangii Kamateinii teiki tinglang sek-kii, gonyiinii kadapei tam tangpo katu tei gonyiigo tam ralipyii tangle.”

TIILAMLWI KAPYIIMEI THA JUKAMATI 6:10

Nlenii mpounii swirek kabi ninado rangiipii tam kalei doi teito ahnyiinii satpei wolak takle.

PILIPIMEI 4:6

mah kata hangninii jangpiiniido lungnaang sulo, nlenii gonyii mah kariita hang kito tinglang kaleita hakalangmah lungteipii gonyiinii kamarei hangtei Saraa dato khanglo.

2 TIMOTHI 4:17

Nlenii Inii kabi rasam tei mashangsii tam mpat kabui tiisii, sateichii Jehudimei kasu lui kakimei hangnii samtei shii matutang karam jangpii, Bangpiinii guda satpyiisii gudakii teimaham kaipyii takle; sateichii kounungsa mah mwi kito n-gu keipyii takle.

JEMS 1:5

Nlenii mei kata hangninanii swirek kabi tei tang suleponii, meihang go pyiisei kapyii ninado jumage kati Saraa dato ahnii khang matulo, sateichii mpounii ah dakii pyii tangle.