METIU 10:17 - KARANU KABI SAMTAM

¹⁷ Mei dateito sakai wolo, kadapokii ahnyii- nii gonyiigo samtak katii kikii pyiitoi tangle sateichii ahnyii mah ndwibam hang kiteito gonyiigo dat tangle;

METIU 10:17 Iomraidhean Croise

METIU 10:18

sateichii ahnyii doito ninado Lui kakimei doito sakchyii pyiimatu tang karam jangpii Governor mei ninado sagongmei hang doito gujangpiinii gonyiigo chyii karhiitat tangle.

METIU 20:19

sateichii mpougo Lui kakimei dakii hoksii nuimatu tang karam jangpii, lak matutang karam jangpii, sateichii Krosh gamto gi matu tang karam jangpii pyiitoi aitangle, sateichii leimik hangtum kashang piinei mpounii ringkhii tangle.”

METIU 23:34

Teijangpii Inii gonyii dakii tam leile, Inii gonyii dakii Lungkakalingmei, kati kangoumei ninado ajaitingshang kati ojameigo lang magong tangle, ahnyii mei kangkago gonyiinii gitangle, sateichii Krosh gamkii dhangsii gitangle sateichii kangkagonii gonyii mah ndwibam hang kito kache chesii pyiitangle, sateichii namdi hangninii kito hangninii kikii baakai tangle.

METIU 26:59

Aitoinii tingdimei ninado katingmei hangteinii Jisugo gitang karam jangpii kama tei fiile; sateichii kasang kasu sakchyii kapyiimei hangkanii gong kido; ahnyiinii samah kado doumakle.

METIU 5:22

Nlenii Inii gonyii dakii tamleile, mei kata kangkanii mpou sanapiigo rarhii leponii, samtak tiitangle, sateichii kata kangkanii sanapiigo kalet kalou katiisam tam leponii, samtak katiibamki pangkhii tangle, sateichii kata kangkanii ‘ka- pang kamangpii nang sii’ tamleponii, sadoi kashyii mibamki liit tangle.

MARK 13:12

Sateichii asanapiinii asanapiigo ninado Pfiinii nah-go tai matu tang karam jangpii pyiitoi tangle; nahmeinii pwi-pfiigo mazhiirou tangle, sateichii ahnyiigo gi malei tangle.

MARK 13:9

“Gonyii rangtiisii sakai wolo; dapochiinii ahnyiinii gonyiigo jumsii samtak-ki pangkhii tangle; sateichii Jehudimei mah ndwibamni hang kito gonyiigo dat tangle, sateichii gonyii- nii gu jangpii sakchyii pyiimatu tang karam jangpii sazyii apum katiimei ninado sagongmei doito sat tangle.

LUKNII KARYII KABI RASAM JUKAMATI 12:11

“Sateichii ahnyiinii gonyiigo Jehudimei mah Ndwiki, Sateichii sazyii kakoirakmei sateichii teima- ham kajum meihang doi pangkhiisii jai kaju kak, gonyiinii kadapei kada takumpiinii khela tangposii swi kamage sulo.

JONNII KARYII KABI RASAM JUKAMATI 11:47

Teipiinii kanat kajum ting- dimei ninado Farasismei hangteinii katingmei hang gotei pang nkom wosii tamle, “Nyiinii kadapei tii- tangpo? Kadapokii sapfii mpou ainii tiikamangou siiti hangka tiitakle.

JONNII KARYII KABI RASAM JUKAMATI 16:2

Ahnyiinii Jehudimei mah ndwini teito gonyiigo paktoi tangle, sateichii gonyiigo kagimei kata hangninanii tiikalei aipii mpounii Saraago nga ngalei lesii maning tang karam tinglang tei gong leitakle.

TIILAMLWI KAPYIIMEI THA JUKAMATI 17:14

Teito kangsana- mei teinii manoisekkii, Polgo dwijai ki katang tat matutang karam jangpii lang mpat aitakle, sateichii Sailas nei Timothi teinii teiki teito bamtu takle.

TIILAMLWI KAPYIIMEI THA JUKAMATI 22:19

Teito Inii tamle, ‘Bangpii ahnyiinii tile, Inii Jehudimei mah ndwini hang kito n-go kamalum meihang go kabang kikado jumkaile sateichii lakdo lakle.

TIILAMLWI KAPYIIMEI THA JUKAMATI 26:11

Sateichii Jehudimei ndwihang kito ahnyiigo tiikamagesii kanat kanhii go tam kamashyii tei Inii tiimatule; sateichii ahnyii phyii- ryiikii kisii tiirakarhiimei takum- piinii meiki sazyii kito katangpii ahnyiigo baasii tiikamage pyiile.

TIILAMLWI KAPYIIMEI THA JUKAMATI 9:2

Bangpii mah pwidi swikalei sapfiimei godo sapwimei godo kata kangkago douwoleponii, ahnyiigo jum wosii Jerosalem kikii poigong katu mazhiitang karam jangpii Damaskas ki Jehudimei mah ndwi kito kalei mei dakii pyiitang karam mwija tei khangtakle.

PILIPIMEI 3:2

Achyii hang dateito sakai wolo; kashyii kahong tha katiimei hang dateito sakai wolo; pum dang katoimei hang dateito sakai wolo,

2 TIMOTHI 4:15

Nangniido mpou dato sakai wolo; daponii mpounii nyiimah kabi rasam aigo mazhiisang mazhii makle.

HEBRUMEI 11:36

sateichii kakimei hang- teinii hoksii kanui ninado tingrang lak katu, sagyiirengpii kapei ninado kabang kikii bang katu tei leh wotakle.