MATIMANGOU KAPYII 9:20 - KARANU KABI SAMTAM

²⁰ Sateichii Saraa rahum aihang ainii tiirang kasu mashak kalei meihang tei ahnyii bahpiinii katii tha hang kiteito lung kalimakle, mak-kii ngoudo ngoukasu shiido shii kasu, tatdo tatkasu, sona mah, sanah raguibamah, maikateeng kuitumah, kuitu ninado tingmah, tingtumah param hang go ninado sara kashyii hang go riitasii kalei tei toimakle;

MATIMANGOU KAPYII 9:20 Iomraidhean Croise

METIU 21:32

Kadapokii Jon-nii kasang kamajyii mah pwidi kito gongle, sateichii gonyiinii mpougo malum makle, nlenii aha kahamei ninado saha kahameinii mpougo malum wotakle sateichii gonyiinii teitei ngoukalu tai katangdo gonyiinii lung kali wosii mpougo malum womakle.

TIILAMLWI KAPYIIMEI THA JUKAMATI 17:29

Teijangpiinii nyii ai Saraa mah taa nahmei katu taiswisii, Saraa katu teinii meinahnii kamaning ninado gek kalu mah hangninii sana mak-kii sana raguiba mak-kii kuitu takum- lesii nyiinii maning kajyii makle.

TIILAMLWI KAPYIIMEI THA JUKAMATI 19:26

Sateichii bahpii- nii katii tei Saraa maklesii Pol ainii Ipisa kikado roisupii, Asiya bamlyii hang kikanakii meihangkago hemsii ajai tiikali aitakle katu tei gonyiinii ngoule ninado shiitakle.

TIILAMLWI KAPYIIMEI THA JUKAMATI 7:41

Teito ahnyiinii teitinglang ki twomnah hangninii tiiwosii, ating- tupiinii katii param dateikii pyiika- toi poigongsii ahnyii bah chempiinii tiiwo kalu param dateito ahnyiinii nta nlangtu takle.

2 KORENMEI 12:21

Inii nlaikai gong katu tinglang kak, gu Saraanii gonyii doito n-gu tii-nrou- pyii loisii, asung kareiki kem tiisii ahnyiinii tiikabam, matei kasu, kashyii kahong tha katii sateichii sapwimei sapfiimei kashyii kahong tha katii kito lungkali kasu ahnyiihang jangpii Inii lung magesii hat tang karam tei Inii hingle.

1 TIMOTHI 4:1

Rangiinii matei sageisii tamle, katunii kana tinglangki mei kangkanii kamalum tei rat toi aitangle; ahnyiinii kasang kasu rangii hangnii katam tei jaitangle sateichii seitan hangmah rali kapyii tei switangle;

MATIMANGOU KAPYII 15:1

Teito sating gamki ngouka- hing ninado kamadat kaki pat tang karam siiti hangninii katunii, Sararahum sana kalei sating gamlui sanago, Inii ngoutakle, Sararahum sana tei nale, kadapokii ahnyii hang dato Saraamah rakarhii tei kaluile.

MATIMANGOU KAPYII 16:8

Sateichii madai kashang sating gamlui teinii ahmah kok tei leimik gamkii rui mpat takle; sateichii meihang go ru matu takle,

MATIMANGOU KAPYII 9:19

Kadapokii takoi hangmah teimaham teinii ahnyiimah mwi ninado mee hang kiteito leile; ahnyii- mah mee hangtei sanhiigo raile, sateichii phyiibung pungle ninado teihang teipiinii meinahgo deng matule.

MATIMANGOU KAPYII 9:21

mak-kii ahnyiinii meigo kagi kito, ashoi kajum kito, sapwimei sapfiimei kashyii kahong tha katii kito, mak-kii mah karaga kito ahnyiinii lung kalimakle.