MATIMANGOU KAPYII 8:2 - KARANU KABI SAMTAM

² Teito Saraa doito sat kalei sating gamlui sana ninado ahnyii dakii kachem sana pyii katu tei Inii ngoutakle.

MATIMANGOU KAPYII 8:2 Iomraidhean Croise

METIU 18:10

“Gonyiinii ai kacheng hang kak kito hangninii godo maning kamala tiikasu tiisii tiigat tolo; kadapokii Inii gonyii dakii tam leile, Sating gamto ahnyii mah sating gamlui hangnii sating gamto kalei gu pfii jutei taksupii ngou leile.

METIU 24:31

Sateichii mpounii mpou mah sating gamlui hang go kachem kong kalei roktei kaswisii lang mpat tangle sateichii ahnyiinii mpoumah kalei kalumei hang go sating nlai hangninii kito nlai hangninii katang saka madaito poi ndwi tangle.

LUKNII KARYII KABI RASAM JUKAMATI 1:19

Sateichii Sating gamlui teinii mpougo khekalatle, “Saraa doito sat kalei Gabrel I-le; sateichii karashii tang karam sateichii nha kabi ai godakii punghum tang karam jangpii n-gu lang m-mangle.

LUKNII KARYII KABI RASAM JUKAMATI 21:36

Nlenii pat tang karam matum madum hang kito gonyiinii nlek kabui mah teimaham dou kabui ninado meinah sapfii mpou doi tei gonyiinii satto kabui jangpiinii tinglang kaleita leh wolo.”

1 KORENMEI 15:52

Nlenii binasek-kii, mik hiit binakii, kalui buika kongsekchii, nyiihang go tiikalipyii tangle. Kadapokii buika tei kong tangle, sateichii nyiigo gatu kalak tiisii ring matu tangle.

1 THESOLONIKAMEI 4:16

Kadapokii Bangpii pumsekpiinii sating gamto kahum mah kasagoi rok teipii, aphyii kasat sating gamlui mah rok teipii, sateichii Saraamah buika koi teipii kaswisii Bangpiinii sating gamto hum tangle; Sateichii Krista dato tai kaleimei teinii reipii ringkhii tangle;

MATIMANGOU KAPYII 1:4

Jon-nii Asia kito kalei charsh sana dakii: Tingneishang, ndoushang ninado sushang gongtang karam Ah dato, Ahmah sagong bam doito kalei rangii sanamah.

MATIMANGOU KAPYII 11:15

Sateichii sana kashang sating gamlui teinii kongtakle, ninado “Sating sazyii tei nyii Bangpii mah ninado mpoumah Kristamah tiiwo takle. Sateichii mpounii kalui tiisupii magonglung tangle.”

MATIMANGOU KAPYII 15:1

Teito sating gamki ngouka- hing ninado kamadat kaki pat tang karam siiti hangninii katunii, Sararahum sana kalei sating gamlui sanago, Inii ngoutakle, Sararahum sana tei nale, kadapokii ahnyii hang dato Saraamah rakarhii tei kaluile.

MATIMANGOU KAPYII 16:1

Sateichii Saraa kamaning kilungto rok kasagoi hang- ninanii sating gamlui sana dateikii aitiisii katam Inii shiitakle, “Tat tulo, Saraanii rakarhii mah kok sana tei sazyii pouryiikii rui mpat ailo.”

MATIMANGOU KAPYII 8:13

Teito Inii jule, sateichii sating sumteito jung kalei kalaang ruinah hangninanii rok sagoisii katam tei Inii shiitakle; “Kongtang karam sating gamlui kaki hangtum mah kachem hang jangteipii sazyii pouryiito lung kalei hang jangpiinii kamagele, kamagele, kamagele!”

MATIMANGOU KAPYII 8:6

Teito kachem sana poikalei sating gamlui sana teinii kachem tei kongtang karam jangpii tiikada wotakle.

MATIMANGOU KAPYII 9:1

Teito mangii kashang sating gamlui teinii ahmah kachem tei kongtakle sateichii sating gamto sageiti hangninii sating gamto sazyii tak kamang tei Inii ngoutakle. Kathok nlai kaga ahom mah chabyii tei ahgo pyiitakle,