MATIMANGOU KAPYII 7:2 - KARANU KABI SAMTAM

² Teito karing Saraamah seal poikalei sating gamlui kaki hangninanii leimik kapat lamto tat kapi tei Inii ngoutakle. Sateichii sazyii pouryiigo ninado dwijaigo tiimashyii matutang karam jangpii teimaham pyiikabam sating gamlui madai dateikii rok sagoisii sating gamlui teinii saasii tamle.

MATIMANGOU KAPYII 7:2 Iomraidhean Croise

METIU 16:16

Simon Pitarnii khekalatle, “Nang karing Saraanah sapfii mpou teile.”

METIU 26:63

Nlenii Jisunii malhii sutakle sateichii Tingditupii teinii mpou dakii tamle, “Saraa nah sapfii mpou Krista tei nangle katu, nang makle katu nyii dakii tam matutang karam jangpii karing Saraa zei kito Inii n-go riishii n-nhii leile.”

JONNII KARYII KABI RASAM JUKAMATI 6:27

Ga aitang karam chiitak jangpii tha tiisulo, nlenii meinah sapfii mpou teinii gonyii dakii pyiitang karam kalui kaga karing mah chiitak jangpii ngam tiilo; kadapokii mpou gamkii Pfii Saraanii seal kaibam takle.”

2 KORENMEI 1:22

mpounii nyii phyiiryiikii apum katii mah siiti tei kaipyiibam takle, sateichii mpounii nyii jangpii poi ndwi kabam hangtei soisupii pyii mashang tang karam mah kamazhii ai hangninii takumpii, mpounii mpoumah rangii kamatei tei nyiilung kikii pyiibam takle.

IPISAMEI 1:13

Sateichii gonyiigo keikapyii karing poigong kapyii kasang kabi rasam tei gonyiinii shiikalu kito, gonyiiniido Saraamah mei tei tiiwo takle, sateichii Kristago gonyiinii malum wotakle; ninado mpounii go- nyiigo pyiitang lesii riishii tiikabam, pyiisii kalei rangii kamatei teipii Saraanii mpoumah apum katiimah siiti tei gonyii phyiiryiikii toukai pyiitakle.

IPISAMEI 4:30

Sa- teichii Saraamah rangii kamatei gotei swi tiimashyii sulo; kadapokii Saraanii gonyiigo matapii laat ka-mpat leimik tei gong tangle katu mah soisang soikalak, gonyii phyii- ryiito apum tiisii kalei Saraamah siiti tei rangiile.

1 THESOLONIKAMEI 1:9

Nyiinii gonyiida kagong kak gonyiinii nyiigo kada takumpii lukaipyiipo, sateichii gonyiinii tingtugo matasii kalei kito, kasang ninado karing Saraago nga ngatang karam jangpii,

2 TIMOTHI 2:19

Teitii kido Saraamah bangmaa kasangting teinii nlaisupii satsii leile, aimah siiti ai pungsii; katunii “Bangpiinii mpoumah katu- mei hang go tile,” sateichii “Bangpii zeigo latsii kaleimei hangteinii kakui kama kiteito mpaa matulo.”

HEBRUMEI 12:22

Nlenii Zaiyon zang ninado karing Saraa mah namdi, sating gam mah Jerosalem ki, fiipei kalak sating gamlui hangda,

MATIMANGOU KAPYII 1:3

Saa mpat kalei sam hang aigo lat patsii kafiimei ninado shiikalu ahnyii, ninado teilung kito ryii kabam hangtei swikalu ahnyii tei sadoi bile, kadapokii tinglang tei natakle.

MATIMANGOU KAPYII 10:1

Teito sating gamlui kaki kadi hangninii sating gamto humkalei tei Inii ngoutakle; sateichii phyiibung gamtei tuipiirok leile, sateichii ahmah jutei leimik takumle, ninado ahmah pitei mimah kaching takumle.

MATIMANGOU KAPYII 10:4

Sateichii sating katwi sana teinii ka-nra tinglang kak, Inii ryiikai aina takle; “Sateichii sating katwi sana teinii tam ka-mpat hangtei seal kai ailo, nlenii ryiinii ryiikai sulo,” sii katam sating gamto rok hangninii Inii shiitakle.

MATIMANGOU KAPYII 16:12

Sateichii siiruk kashang sating gamlui teinii ahmah kok tei Eu- phrates karyii kadi kiteikii rui mpat takle; sateichii leimik kapat lamto kagong sagongmei hang jangpii pwidi tiikada tang karam jangpii teimah dwitei tang matu takle.

MATIMANGOU KAPYII 5:2

“Sateichii larek tei laat tang karam sateichii teimah seal tei tiipak tang karam jangpii tiikamajyiimei ta leipo?” sii rok sagoisii tam mati kalei kadi kathang sating gamlui hang- ninii Inii ngoutakle.

MATIMANGOU KAPYII 8:3

Sateichii sona mah tiiroutou poikalei sating gamlui kaki hang- ninanii gongsii pyiitoi tang karam bam kiteito sat takle, teito ahnii sagongbam doiteito kalei sonapii katii pyiitoi tang karam bam phyii- ryiito kamateimei hangmah kariita gotei kai mpam matutang jangpii ah dakii tiiroutou hangkii pyiibam takle.

MATIMANGOU KAPYII 9:14

Kachem poikalei saruk kashang sating gamlui dateikii, “Euphrates” karyii kadi kiteikii reng kuikabam sating gamlui madai gotei mpat ailo, sii tam kalei tei Inii shiitakle.

MATIMANGOU KAPYII 9:4

Sateichii ahnyiimah saiphang gam teikii Saraamah seal kagamei hang go teipou teinii sazyii pouryiimah sanhii mak-kii ruibang mak-kii bang kamadek kata hang- ninii kagodo ahnyiinii tiimashyii sulosii ahnyii dakii tampyii takle.