MATIMANGOU KAPYII 7:16 - KARANU KABI SAMTAM

¹⁶ Ahnyii teinii nlailoisii moi mazyii lakle, nlailoisii saryiilakle sateichii ahnyii phyiiryii teikii leimik ninado mi kamagaa kata hangninii kaniido rulakle.

MATIMANGOU KAPYII 7:16 Iomraidhean Croise

METIU 13:21

nlenii ahnyiinii maa gale, sateichii ahnyiinii malum mathang makle; sateichii samtam aijangpiinii kamage kalak mak-kii kaset kalak kadou katu tinglang kagong kak, ahnyiinii binasek-kii kougale.

METIU 13:6

Nlenii leimik teitu sek-kii, teitei raguitu takle, sateichii maa kaga taiswisii raguido raguipitu takle.

METIU 5:6

“Kasang kamajyii jangpii mazyii saryiisii kaleimei sadoi bile; kadapokii ahnyiigo tiitokryii pyiitangle!

MARK 4:17

sateichii ahnyii tei amaa gale, teipiinii sat mathang makle, kabi rasam jangpii ajai kaju mak-kii, tiikamage katu tinglang tei gong sek-kii ahnyiinii kousekle.

MARK 4:6

nlenii leimik tei sagoitu sek-kii lwi tei raguitu takle ninado taang gatakle; amaa kaga jangpiinii;

LUKNII KARYII KABI RASAM JUKAMATI 1:53

Mpounii mazyii kaleimeigo kabi hang teipii tii tokryii pyiitakle, sateichii kanimeigo mpounii bah marongpii mpatpyiile.

LUKNII KARYII KABI RASAM JUKAMATI 6:21

“Aitoi moi mazyiisii kaleimei, gonyii doibile; dapochiinii gonyiigo tiitokryii pyiitangle. “Aitoi hatsii kalei mei, doibile; dapochiinii gonyiinii nuitangle.

JONNII KARYII KABI RASAM JUKAMATI 4:14

Nlenii Inii pyiitang karam dwitei sak kalumei hangteinii saryii- sang saryiiloi lakle; Inii pyiitang karam dwitei mpou lung kito kalui tiisupiinii ringtang karam jangpii pok kapat dwipok hangninii tiitangle.”

JEMS 1:11

Kadapokii leimiknii mpoumah mishong kamaga tei njasii teipii hiinhii gotei ragui matule, mpoumah hiipa tei nrai mang tule, ninado mpoumah ngoukabi tei gatule. Tei takumpiinii mah kanimei teido mpounii mpoumah lu tha kito pusii nangleibang piinii huiga tangle.

MATIMANGOU KAPYII 21:4

Sateichii ahnii ahnyiimah mik kiteito mikdwi hangtei piit toipyii tangle; kataido leikei lakle; sateichii madaksii magee katu ninado kahat tei leiloi lakle, sateichii katchii kanhii teido leiloi lakle, kadapokii kareimah hangtei maju aitakle.”