MATIMANGOU KAPYII 7:12 - KARANU KABI SAMTAM

¹² “Amen! Sadoi kabi, pumtei kava, swirek kabi, tam kamatoi, sadzyii ngariit katii, teimaham ninado kalui gasii katei kamaham tei nyii Bangpii dakii matulo, Amen.”

MATIMANGOU KAPYII 7:12 Iomraidhean Croise

METIU 6:13

Sateichii nyiigo kahemki maliitsei sulo, nlenii kashyii kiteito nyiigo keipyiilo. (Kadapokii sagong sazyii, teimaham ninado pumtei kava tei kalui kaga gomahle. Amen.)

ROMMEI 11:36

Kadapokii Saraanii amahlyii hang tiipyiile, sateichii amahlyiihang ai mpou dato sateichii mpou paito sateichii mpou jangpii ring leile. Saraago kalui gasii tam matoi matulo. Amen.

1 KORENMEI 14:16

Kadapokii nangnii rangii kito hakalang tam leponii sateichii nangnii kadapei tam leipo katu tei ahnii tisu leponii, sabato kaleimei kata hangninanii gomah hakalang tam kalei gotei kada takumpii Amen tam wotangpo?

2 KORENMEI 4:15

Kadapokii Saraa- mah jumage kapyii tei mei moida kisii kisii gongtang sekchii, Saraamah pumtei kava kiteikii kisii hakalang- mah kariita tei nyiinii pyiitangle, ai kalei kaga hang ai gonyiimah kabi jangpiiniile.

KOLOSIMEI 2:7

Gonyiimah maa tei mpoudato tuksii bamlo, mpou gamkii gonyiimah tiilung tei tiimakhiilo sateichii gonyiimah kamalum kito teibui builo sateichii hakalang katam teipiinii tokryiilo.

KOLOSIMEI 3:17

Sateichii gonyiinii katalyii hang katii kito, samtam kito, mak-kii katii kapung kito pfii Saraa Jisu paito hakalang tamsii, Bangpii Jisu zeikito mahlyiihang tei tiilo.

JUD DATO KAGONG CHITI JUKAMATI 1:25

Nyii Bangpii Jisu Krista zei kito hangniniisang hangninii roinii kalei Saraa, nyiigo keikapyiipii dakii pumtei kava, magong kalei kadi kathang, apum katii, ninado teimaham kajum tei ndou karei tinglang hang kito, aitoi ninado kalui kaga tei matulo, Amen.

MATIMANGOU KAPYII 1:18

sateichii karing teile. Inii taitakle nlenii julo, aitoinii Inii kalui gasii ring takle sateichii kataimei ninado kataimei- mah sazyii pouryii chabyii tei guda leile.

MATIMANGOU KAPYII 19:4

Sateichii katingmei makaisiimadai nkhii sateichii karing kounah madai teinii koumang sanii, sagongbam kito bamkalei Saraa gotei matasii tamle, “Amen; haleluiyah!”