MATIMANGOU KAPYII 7:1 - KARANU KABI SAMTAM

¹ Aitaito sazyii pouryiito dwijai kito mak-kii ruibang hang phyiiryiito tingkai teinii mah kado gwimatu kasu tiisii, sating gamlui madainii sazyii pouryii ska madaito satsii sazyii pouryiimah tingkai tei jum kaleiloisii kalei tei Inii ngoutakle.

MATIMANGOU KAPYII 7:1 Iomraidhean Croise

METIU 24:31

Sateichii mpounii mpou mah sating gamlui hang go kachem kong kalei roktei kaswisii lang mpat tangle sateichii ahnyiinii mpoumah kalei kalumei hang go sating nlai hangninii kito nlai hangninii katang saka madaito poi ndwi tangle.

MARK 13:27

Teito mpounii Sating gamluigo lang mpat tangle, sazyii nlai sekto sating nlai katang, siika madaito mpounii kalai kalumei hang gotei poi ndwi tangle.

MATIMANGOU KAPYII 20:8

sateichii sazyii pouryii saka madaito kalei luihang, Gog ninado Magog go kasang kasu teipii chuisii hem tang karam jangpii ninado saryii kikii poi ndui tang karam jangpii pat tangle. Ahnyii teinii dwi- jaimah kangneng jyiika moitangle.

MATIMANGOU KAPYII 6:6

Sateichii karing kounah madai kak kito pat kalei takumpii, “Gihu ser hangniniigo sanah dinar hangninii sateichii achyiiti ser hangtumgo sanah dinar hangniniile, nlenii thao ninado darkhati jou gonii tiimashyii sulo” sii katam tei Inii shiitakle.

MATIMANGOU KAPYII 7:3

“Nyiinii nyiimah Saraamah kikaleimei hang go saiphang gamkii seal kai kasuta sazyii pouryiigo, dwijai go, sateichii ruibang hang go tiimashyii aisulo.”

MATIMANGOU KAPYII 8:7

Sating gamlui karei teinii ahmah kachem tei kongtakle, teito siiti ninado mi, zaigo ryii njasii sazyiikii rui m-mangtakle. Sateichii sazyii pouryii njai hangtum kito njai hangninii tei sungtoi aitakle, ruibang hang njai hangtum kito njai hangninii, sateichii sagei hiinhii kamadek hangtei sungtoi aitakle.

MATIMANGOU KAPYII 9:14

Kachem poikalei saruk kashang sating gamlui dateikii, “Euphrates” karyii kadi kiteikii reng kuikabam sating gamlui madai gotei mpat ailo, sii tam kalei tei Inii shiitakle.

MATIMANGOU KAPYII 9:4

Sateichii ahnyiimah saiphang gam teikii Saraamah seal kagamei hang go teipou teinii sazyii pouryiimah sanhii mak-kii ruibang mak-kii bang kamadek kata hang- ninii kagodo ahnyiinii tiimashyii sulosii ahnyii dakii tampyii takle.