MATIMANGOU KAPYII 6:12 - KARANU KABI SAMTAM

¹² Sateichii ahnii saruk kashang seal kalaat tei Inii ngoutakle. Sateichii malyii kachyii kadi pat takle, leimik teinii peitek takumpii tek takle, sateichii sakhii teinii zai takumpii ghang takle.

MATIMANGOU KAPYII 6:12 Iomraidhean Croise

METIU 11:21

Kadaziikapiinii kamage tangpo! He Korasin, kadaziikapiinii kamage tangpo! He Bethsaida, kadapokii gonyii dakii tiikabam sung kaga tha hangtei Tair ninado Sidon dakii tiileponii, ndou kato lhiipei basii sateichii rabiit manuksii lung kali lei tang takle.

METIU 24:29

“Kamage kalak mah leimik tinglang hangteitai sek leimik myiitu tangle, sakhii teinii ah mah kava tei pyiilakle sageiti hangtei sating gamto takmang tangle, sateichii sating gam mah pumtei hangtei kanuk nlai tangle.

METIU 24:7

Kadapokii Lui hangninanii Lui hangninii phyiiryiikii, sateichii sagong sazyii hangninanii sagong sazyii hangninii phyiiryiikii saryii tiipat tangle; sateichii bam katham katham kito tak kateeng sateichii malyii kachyii tei pat tangle;

METIU 27:45

Sateichii pung siiruk sekto pung sokchyii katang tei sazyii pouryii hang kamyii teipii gomnei wotakle.

METIU 27:54

Sateichii saryiimei mei hai phyiiryii kasatpii nei mpougo kaswisii Jisugo koikalei mei teinii malyii kachyii ninado pat kalei hangtei ngou wosek-kii, hangkapii hingsii tamle, “Kasangpii mpou ai Saraa nah sapfii mpoule!”

METIU 28:2

Sateichii julo, hangkapiinii malyii chyii takle, kadapokii Bangpii mah sating gamlui hangninii teinii sating gamto humsii kuitu tei koktoi aitakle sateichii tei phyiiryiito bam wotakle.

MARK 15:33

Pung saruk sekto sokchyii katang kaktei sazyii pouryii matum madum tei myii ai takle.

MATIMANGOU KAPYII 11:13

Teiki tinglang sek-kii, teisii malyii kachyii hangninii patsanii, namdi teimah njai kearii kito njai hangninii tei tiimaga aitakle; sateichii malyii kachyii kiteito mei thang sana taitakle. Sateichii mashaksii kaleimei tei hangkapii hingsii sating gam mah Saraago tam matoile.

MATIMANGOU KAPYII 16:18

Sateichii sating kapeek katu, rok hang, sating katwi koi hang, sateichii meinahnii sazyii pouryii lung katuto ngoulei kasu kadi malyii kachyii tei pat takle, teimah malyii kachyii tei hang- kapiinii dile.

MATIMANGOU KAPYII 16:8

Sateichii madai kashang sating gamlui teinii ahmah kok tei leimik gamkii rui mpat takle; sateichii meihang go ru matu takle,

MATIMANGOU KAPYII 8:12

Teito madai kashang sating gamlui teinii ahmah kachem kongtakle, sateichii leimikmah njai hangtum kito njai hangninii sakhiimah njai hangtum kito njai hangninii, sateichii sageiti hangmah njai hangtum kito njai hangninii, myii matutang karam jangpii, sateichii tingnamah njai hangtum kito njai hangninii, tinghum mahdo teitakumpiinii vamatulak tang ka- ram jangpii, leimikmah, sakhiimah ninado sageiti hangmah njai hangtum kito njai hangninii kakhii aitakle.

MATIMANGOU KAPYII 8:5

Teito sating gamlui teinii tiiroutou karubung tei poitakle, sateichii ahnii teitei pyiikatoimah mi teipiinii kaitokryii wosii sazyiikii rat toi aitakle, sateichii sating katwi, rok hang, sating kapeek liklik katu ninado malyii kachyii tei pat takle.