MATIMANGOU KAPYII 6:1 - KARANU KABI SAMTAM

¹ Aitoinii Jaonah teinii seal sana kak kito seal karei tei tiipaksii kalaat tei Inii ngoutakle, sateichii karing kounah madai kak kito hangninanii sating katuimah rok takumpiinii, “Patlo!” sii katam tei Inii shiitakle.

MATIMANGOU KAPYII 6:1 Iomraidhean Croise

JONNII KARYII KABI RASAM JUKAMATI 1:29

Adoipiinei tei Jisunii mpoulam pang gongkalei tei ngouwosii mpounii tamle, “Julo, Saraa mah Jaonah, sazyii pouryiimei mah kem kama hang poitoi kapyii tei!

TIILAMLWI KAPYIIMEI THA JUKAMATI 4:20

Kadapokii nyiinii ngou kalu ninado shiikalu tei tam- supei wolakle.”

MATIMANGOU KAPYII 11:19

Sateichii sating gamto kalei Saraamah Saraa kamaning kitei laatpyii takle, sateichii mpoumah sat tang karam samtam mah rangbung tei mpoumah Saraa kamaning kilungto ngoutakle; sateichii kaka- peekmah kava, rok hang, sating katwi hang, malyii kachyii ninado hungsii kashiiti tak kamangtei pat takle.

MATIMANGOU KAPYII 13:8

Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.

MATIMANGOU KAPYII 14:2

Sateichii sating gamto rok hang- ninii dwi nrung takumpii ninado katei sating katwi koi takumpii Inii shiitakle, sateichii shii katu roktei ketat-tung kakongmeinii ahnyiimah ketat-tung kakongmah rok takum;

MATIMANGOU KAPYII 19:6

Sateichii meimoimah rok takumpiinii, dwi hangkii ninado sating katwimah khoi takumpiinii, aitiisii katam Inii shiitakle, “Haleluiyah! Kadapokii kadi kathang Saraa nyii Bangpiinii magong leile.

MATIMANGOU KAPYII 4:8

Sateichii karing kounah madai tei kashii sarukruk pungle, sateichii lungdo poudo mikpiinii tokryiile; sateichii ahnyii teinii tinghum tingna ntak supii lhii tiile: “Kamatei, kamatei, kamatei, ndoushang, tingneishang ninado gongtang karam Ah ai Bangpii Saraa kadi teile!”

MATIMANGOU KAPYII 5:1

Sagongbam gamto bam kalei hangninii mah bah ajiilam pang- kii poulung lamna ryiikabam seal sana laak kabam kajui kabam larek gwum hangninii Inii ngoutakle.

MATIMANGOU KAPYII 5:12

Ahnyiinii rok sagoisii tamle, “Gitat kalei jaonah teinii, teimaham, kani kahii, swirek kabi ninado katei kamaham, sadzyii ngariit katii, pumtei kava ninado tam kamatoi ai dou kajyiisekle!”

MATIMANGOU KAPYII 5:8

Sateichii Ahnii larek tei poikatu tinglang kak, karing kounah madai sateichii katingmei makaisii madai nkhii teinii jaonah doitei kou- mang takle. Ahnyii mpou mpoumah kitat tung poisii sateichii kamateimei mah kariita tiisii tiiroutou piinii katokryii sanah mah koklat tei leile.

MATIMANGOU KAPYII 6:3

Sateichii ahnii seal hangna kashang tei kalaat tinglang kak, hangna kashang karing kounah teinii, “Patlo,” sii katam tei Inii shiitakle.

MATIMANGOU KAPYII 6:5

Sateichii ahnii hangtum kashang seal tei kalaat tinglang kak, Hang- tum kashang karing kounah teinii “Patlo!” sii katam tei Inii shiitakle. Sateichii julo takoi katek hangninii sateichii teiphyiiryii tongkalei ahbah kitei masui chyii kajupii hangninii leile.

MATIMANGOU KAPYII 6:7

Sateichii ahnii madai kashang seal tei kalaat tinglang kak, madai kashang karing kounah teinii “Patlo!” sii katam tei Inii shiitakle.

MATIMANGOU KAPYII 8:1

Jaonah teinii sana kashang seal tei kalaat tinglang kak pung aphang kakum sating gam tei malhiisupii bam takle.