MATIMANGOU KAPYII 5:13 - KARANU KABI SAMTAM

¹³ Sateichii sating gamto, sazyii pouryiito, sazyii pouryii kangto dwi kito ninado sating sazyii lung kito kalei hangnii aitiisii lhii katii tei Inii shiitakle. “Sagongbam kito bam kalei Ah dakii ninado jaonah dateikii tam kamatoi, sadzyii ngariit katii, pumtei kava ninado kalui gasii katei kamaham tei matulo!”

MATIMANGOU KAPYII 5:13 Iomraidhean Croise

METIU 6:13

Sateichii nyiigo kahemki maliitsei sulo, nlenii kashyii kiteito nyiigo keipyiilo. (Kadapokii sagong sazyii, teimaham ninado pumtei kava tei kalui kaga gomahle. Amen.)

LUKNII KARYII KABI RASAM JUKAMATI 2:14

“Sagoi kaki kiteito Saraago toilo, sateichii Sazyii pouryiito bangpiinii lungkasyii meihang teinii kamajung tei doulo!”

JONNII KARYII KABI RASAM JUKAMATI 1:29

Adoipiinei tei Jisunii mpoulam pang gongkalei tei ngouwosii mpounii tamle, “Julo, Saraa mah Jaonah, sazyii pouryiimei mah kem kama hang poitoi kapyii tei!

ROMMEI 11:36

Kadapokii Saraanii amahlyii hang tiipyiile, sateichii amahlyiihang ai mpou dato sateichii mpou paito sateichii mpou jangpii ring leile. Saraago kalui gasii tam matoi matulo. Amen.

ROMMEI 16:27

Hangninii roinii kalei kamatei Saraa dakii Jisu Krista paito, kalui gasii tam matoi matulo. Amen.

ROMMEI 9:5

Ahnyii teinii Hebrumei peipao dato lung humle, sateichii meinah hangninii tiisii Krista tei, ahnyii mah atat areng kitole, kalei kaga hang pyiiryiito apum tiikalei Saraago tei kalui gasii tam matoi matulo. Amen.

IPISAMEI 3:21

Charsh kito ninado Jisu Krista zei kito meilui meiha hangnii kalui gasii pumtei kava tei matulo, Amen.

PILIPIMEI 2:10

katunii, sating gamto, sazyii pouryiito sateichii sazyii kangto kalei karing hangmah kakhok tei Jisu zei kito nkui tangle,

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

1 TIMOTHI 4:16

Goroinapii n-go julo sateichii gomah karali gotei julo. Aihang ai taksupii tiisii leilo, dapokii nangnii tiisii leileponii, nangnii goroinapii n-godo sateichii gosam shii kalumei godo keipyii tangle.

1 PITAR 4:11

Tam ralipyiisii kaleimei teinii Saraamah samtam takumpii tam ralipyii tang karamle; nga ngasii kaleimei teinii ahgo Saraanii pyiisii kalei teimaham teipiinii nga ngatang karamle, dapokii teipiinii mahlyii hang kito Saraago Jisu Krista zei kito tam matoi tang karam jangpiile. Mpou dato kalui kaga pumtei kava ninado teimaham tei leile, Amen.

1 PITAR 5:11

Kalui kaga teimaham tei mpou dato matulo, Amen.

JUD DATO KAGONG CHITI JUKAMATI 1:25

Nyii Bangpii Jisu Krista zei kito hangniniisang hangninii roinii kalei Saraa, nyiigo keikapyiipii dakii pumtei kava, magong kalei kadi kathang, apum katii, ninado teimaham kajum tei ndou karei tinglang hang kito, aitoi ninado kalui kaga tei matulo, Amen.

MATIMANGOU KAPYII 1:6

sateichii nyiigo sagong sazyii ninado mpoumah Pfii Saraamah bam kiteito kanat kajum Atingmei tiimatu kapyii mpou dakii pumtei kava ninado magongsii kalung tei kalui kaga tei matulo. Amen.

MATIMANGOU KAPYII 13:8

Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.

MATIMANGOU KAPYII 5:1

Sagongbam gamto bam kalei hangninii mah bah ajiilam pang- kii poulung lamna ryiikabam seal sana laak kabam kajui kabam larek gwum hangninii Inii ngoutakle.

MATIMANGOU KAPYII 5:12

Ahnyiinii rok sagoisii tamle, “Gitat kalei jaonah teinii, teimaham, kani kahii, swirek kabi ninado katei kamaham, sadzyii ngariit katii, pumtei kava ninado tam kamatoi ai dou kajyiisekle!”

MATIMANGOU KAPYII 5:3

Sateichii sating gamtodo sazyii pouryiitodo mak-kii sazyii pouryii katangdo, larek tei kalaat mak-kii teitei jukatu meika- niido ngam womakle.

MATIMANGOU KAPYII 5:6

Teito karing kounah madai ninado katingmei hangteinii bang- magwisii kabam, sagongbam sumteito Jaonah hangninii sat kalei tei Inii ngoutakle. Jaonah teinii gitat kabam takumle, sateichii teitei kha sana mik sana pungle, teiteinii sazyii pouryii bamlyii hang kikii lang mpat kabam Saraamah rangii sana teile.

MATIMANGOU KAPYII 5:9

Sateichii ahnyiinii lhii kasatai tiile: “Kajui kabam larek nangnii kapoi ninado teimah seal tiipaksii laat majyiile. Kadapokii n-go gitat aitakle sateichii sadung, lat, meilui meirek hang kito gomah zai teipii meinahgo Saraa jangpii lyii mpatpyiile.

MATIMANGOU KAPYII 6:16

Ahnyiinii zang zang dakii ninado kuitu kadi kadi dateikii tamle, “Nyii phyiiryii takmangsii sagongbam gamto bam kalei ah doiteito, sateichii Jaonah mah rakarhii kiteito nyiigo kabai pyiilo,