MATIMANGOU KAPYII 4:8 - KARANU KABI SAMTAM

⁸ Sateichii karing kounah madai tei kashii sarukruk pungle, sateichii lungdo poudo mikpiinii tokryiile; sateichii ahnyii teinii tinghum tingna ntak supii lhii tiile: “Kamatei, kamatei, kamatei, ndoushang, tingneishang ninado gongtang karam Ah ai Bangpii Saraa kadi teile!”

MATIMANGOU KAPYII 4:8 Iomraidhean Croise

TIILAMLWI KAPYIIMEI THA JUKAMATI 20:31

Teijang teipiinii tingkum hangtum katang tei Inii tinghum tingna mikdwi patsii meihang go ralikapyii matou makle katu tei gonyiinii maning wosii sakai wolo.

2 KORENMEI 6:18

Sateichii Inii gonyii Pfii tiipyii tangle, sateichii gonyiinii gunah sapfiimei ninado gunah sapwimei tei tiitanglesii katei kakhang Bangpiinii tamle.”

1 THESOLONIKAMEI 2:9

Kadaponii kangsanamei, nyiinii katii kapung sateichii kamage kalak kaleh tei gonyiinii maning leile, nyiinii gonyiigo kamaswi tei pung matulak tang karam jangpii, tinghum tingna tha tiisii, nyiinii Saraamah kabi rasam tei gonyii dakii tam ralipyii takle.

1 TIMOTHI 4:16

Goroinapii n-go julo sateichii gomah karali gotei julo. Aihang ai taksupii tiisii leilo, dapokii nangnii tiisii leileponii, nangnii goroinapii n-godo sateichii gosam shii kalumei godo keipyii tangle.

2 TIMOTHI 4:2

Samtei tam ralipyiilo, tinglang kido, tinglang kasu kido tiisii leihumlo, lungleh kati sateichii ralikapyii hangteipii njasii swiki liit matulo n-gipyiilo, ninado lung tiimadi pyiilo,

HEBRUMEI 13:8

Jisu Kristanii ndaneido, ting- neido kalui kaga tinglang katangdo njoile.

MATIMANGOU KAPYII 1:4

Jon-nii Asia kito kalei charsh sana dakii: Tingneishang, ndoushang ninado sushang gongtang karam Ah dato, Ahmah sagong bam doito kalei rangii sanamah.

MATIMANGOU KAPYII 1:8

Tingneishang, ndoushang ninado sushang gongtang karam kadi kathang, Saraa Bangpii teinii tamle, “Karei ninado kana tei Ile.”

MATIMANGOU KAPYII 11:17

Tamle, “Tingneishangdo, ndoushangdo kalei malyiihang teimaham kalei Bangpii Saraa, Inii n-go hakalang pyii leile, kadapokii nangnii gomah teimaham kadi tei poisii apum tiipat leitakle.

MATIMANGOU KAPYII 14:11

Ahnyiigo tiikamage katumah mika tei kalui gasii hamtu takle; sateichii saramkowgo ninado ahmah tingtu paramgo kamateimei hang teiniido, sateichii ahmah siiti dou- kalu ahnyiihang teiniido tinghum tingna ntak makle.”

MATIMANGOU KAPYII 14:3

sateichii ahnyiinii sagongbam doi- teito, sateichii karing kounah madai doiteito sateichii katingmei hang doiteito kasatai lhii hangninii tiile. Lhii tei sazyii pouryiito kalei kalumei lakh hangninii tang rekdaisii madai nkhii (144000) teisupiinii mei hang- ninii kado tei lhii tei ralipei wolak kiile.

MATIMANGOU KAPYII 15:3

Sateichii ahnyiinii Saraaki kaleipii, Moses mah ninado jaonah mah lhii tei aitiisii tiile: “Bangpii Saraa kadi, gomah tha hangtei daziikapiinii madatpo! Luihang mah sagong, gomah pwidi hangtei kadaziikapiinii majyiipo sateichii kasangpo!

MATIMANGOU KAPYII 15:7

Sateichii karing kounah madai kak kito hangninanii sating gamlui sana dateikii kalui gasii ringkalei Sa- raamah rakarhii teipiinii katokryii Sona kok sana pyiitakle.

MATIMANGOU KAPYII 16:14

Ahnyii teinii sung kaga tha hang tiisii kalei sara ka- shyiimah rangiihang teile. Ai rangii hangtum ainii ahnyiihang go Saraa kadimah leimik kadipiinei saryii tiitang karam jangpii poi nkom tang karam jangpii sazyii pouryiimah sagong hangda tatpatle.

MATIMANGOU KAPYII 16:7

Teito Saraago pyiikatoibam kiteito aitiisii tam kalei rok hangninii Inii shiile, “Bangpii Saraa kadi! Gomah samtak katii hangteinii majyiile ninado kasangle!”

MATIMANGOU KAPYII 19:15

Lui hang go mpounii ngam tangle, mwi kabi saryiikhang hangninii tei Ahmah mwi kito pat takle. Ahnii ahnyiigo sagyii tingrang- pii ahnyii phyiiryiito apum tiitangle, sateichii Ahnii Saraa kadimah hangkapii hungsii rakarhiimah darkhati jou kakaryii bamtei pipii kusii paryii tangle.

MATIMANGOU KAPYII 19:4

Sateichii katingmei makaisiimadai nkhii sateichii karing kounah madai teinii koumang sanii, sagongbam kito bamkalei Saraa gotei matasii tamle, “Amen; haleluiyah!”

MATIMANGOU KAPYII 21:22

Sateichii namdi lung teikii Inii Saraa kamaningki tei ngoumakle, kadapokii Bangpii Saraa kadi kathang ninado jaonah teinii teimah Saraa kamaningki teile.

MATIMANGOU KAPYII 3:7

“Philadelphiya kito kalei charsh- mah rangii dakii ryiilo, kamatei, kasang, Devit mah chabyii jumsii kalei, laat aisekchii mei kaniido takam kalak, sateichii takam aisekchii mei kaniido laat kalak ah teinii sam hang ai tam leile.

MATIMANGOU KAPYII 4:4

Sateichii sagongbamgo baangmagui kabam nitei sagongbam makaisii madai nkhii leile; sateichii sagong- bam phyiiryii tei peimani kaha kai- kalei sateichii ahnyiimah phyiibung gamtei sona mah sagong phyiihung choikalei katingmei mei makaisii madai nkhii bam kalei tei Inii ngoutakle.

MATIMANGOU KAPYII 4:6

Sateichii sagongbam doitei ralekgo karai malikpeek katu dwijai takum katu leile, sateichii sagongbam doitei ninado teigo magui kabang tei atai adoi mikpiinii katokryii karing kounah madai leile.

MATIMANGOU KAPYII 4:9

Sateichii karing kounah hang- teinii sagongbam gamto bam kalei, kalui gasii ringkalei ah dakii pumtei kava, sadzyii ngariit katii ninado hakalang kapyii tinglang kak,

MATIMANGOU KAPYII 5:6

Teito karing kounah madai ninado katingmei hangteinii bang- magwisii kabam, sagongbam sumteito Jaonah hangninii sat kalei tei Inii ngoutakle. Jaonah teinii gitat kabam takumle, sateichii teitei kha sana mik sana pungle, teiteinii sazyii pouryii bamlyii hang kikii lang mpat kabam Saraamah rangii sana teile.

MATIMANGOU KAPYII 6:1

Aitoinii Jaonah teinii seal sana kak kito seal karei tei tiipaksii kalaat tei Inii ngoutakle, sateichii karing kounah madai kak kito hangninanii sating katuimah rok takumpiinii, “Patlo!” sii katam tei Inii shiitakle.

MATIMANGOU KAPYII 6:6

Sateichii karing kounah madai kak kito pat kalei takumpii, “Gihu ser hangniniigo sanah dinar hangninii sateichii achyiiti ser hangtumgo sanah dinar hangniniile, nlenii thao ninado darkhati jou gonii tiimashyii sulo” sii katam tei Inii shiitakle.

MATIMANGOU KAPYII 7:11

Sateichii sating gamlui hang teinii sagongbam ninado katingmei ninado karing kounah madai gotei sat ma- guibang wotakle, sateichii ahnyiinii sagongbam doiteito makumpii koumang Saraago matasii tamle.

MATIMANGOU KAPYII 7:15

Teijangpii ahnyiinii Saraamah sagongbam doiteito leile, ninado ahnyiinii tinghum tingna mpoumah kamatei kiteito mpougo nga ngasii bamle. Sateichii sagongbam gamto bam kalei ahteinii mpoumah taksupii haikalei teipiinii ahnyiigo dangpyii tangle.