MATIMANGOU KAPYII 3:5 - KARANU KABI SAMTAM

⁵ Ngam kalu ah gotei aitiisii peimani kaha kaipyii tangle; sateichii Inii ahmah zei tei karingmah larekbung kiteito poisang poitoipyii lakle, sateichii Inii ahmah zeitei gu pfii doito sateichii mpoumah sating gamluihang doito mazhiipyii tangle.

MATIMANGOU KAPYII 3:5 Iomraidhean Croise

METIU 10:32

“Teijangpii meihang doito n-gu mazhii katumei hang gotei Iniido sating gamto kalei Gu pfii doito ahgo mazhiipyii tangle.

LUKNII KARYII KABI RASAM JUKAMATI 10:20

Nlenii sara kashyii hangteinii gonyii sam swile katu aipii gonyiinii nta sulo; nlenii gonyii zei sating gamkii ryiibam taklesii ntalo.”

LUKNII KARYII KABI RASAM JUKAMATI 12:8

“Sateichii Inii gonyii dakii tam leile, meihang doito n-gu mazhii katumei hang gotei meinah sapfii mpou teiniido Sating gamlui doito mazhiipyii tangle.

PILIPIMEI 4:3

Kamaswi pot pung njoi katu meihang, karing mah larekbung ki zei kalei, sapwimei aimeigo tiihalosii gonyii godo Inii khangleile, Daponii Klement sateichii n-gu njoisii tha katiimei hang go kaswisii kabi rasam tam katat kito ahnyiinii n-gu kaswisii teisii tha tiibamle.

JUD DATO KAGONG CHITI JUKAMATI 1:24

Aitoinii koutang karam kito gonyiigo masat kabui ninado sajek gasii rangasii mpoumah pumtei kava doikii gonyiigo masatto kabui kangam–

MATIMANGOU KAPYII 13:8

Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.

MATIMANGOU KAPYII 17:8

Saramkow tei tinglang hangninii kinii ringsii leile, nlenii ringsii bamloi sutakle, ahtei nlai kaga ahom kangto patlesii leitakle ninado ahnii tiikamaga kitei tat tutakle. Sazyii pouryii tii mpat kasuniito karing larek bung kikii zei ryiikai kasu sazyii pouryiito lung- kalei ahnyii hang teinii saramkow- nah gotei jusekchii sung gatangle, dapodinchii teitei tinglang hangninii kinii ringsii leile; aitoinii teitei ringloi sutakle, nlenii teitei gongloi tangle.

MATIMANGOU KAPYII 19:8

Sateichii manoi kabi, vakabi ninado kamateeng peimani tei kaimatu tang karam jangpii mpoupei dakii pyiitakle,” kadapokii manoi kabi pei teinii kamateimei mah kasang kamajyii tha teile.

MATIMANGOU KAPYII 2:11

“Rangiinii Charsh dakii tam kalei tei khoi pung kaleimei hangnii shiimatulo. Ngam kalumei hang gotei hangna kashang katai teinii kadeng tei gatangle.

MATIMANGOU KAPYII 2:7

“Rangiinii Charsh dakii tam kalei tai khoi pungkalei meihang teinii shiimatulo, ngam kalu ah dakii Saraamah Paradais kito kalei karingmah ruibang kiteito chii matu- tang karam jangpii Inii pyiitangle.’

MATIMANGOU KAPYII 20:12

Sateichii kataimei- hang, kadi kacheng, sagongbam doi teito sat kalei tei Inii ngoutakle; sateichii larek hangtei laat mpat takle, sateichii larek kikii hangninii karingmah larek bung tei laat mpat takle. Sateichii kataimei hang gotei ahnyiimah tha taiswisii larek hang kikii ryiikai kabam taiswisii samtak tiitakle.

MATIMANGOU KAPYII 20:15

Sateichii karingmah larekbung lungkii mei kata hangniniimah zei ryiikabam tei dousuleponii, ah gotei mimah jailungkii toikai aitakle.

MATIMANGOU KAPYII 21:27

Nlenii Jaonah mah karingmah larekbung kikii zei ryiikai kabam mei tei supiinii, matei kasu, ka-nrou tha katiimei, mak-kii kachuimei hang- teinii teiki lungtei liitsang liitlakle.

MATIMANGOU KAPYII 22:19

Sateichii mei kata hangninanii ai saa ka mpat sam mah larekmah samhang kiteito poitoi aileponii, Saraanii karingmah ruibang kito ninado kamatei namdi kiteito katunii larek ailungto ryiikai kabam ki teito, ahmah njai tei poitoi aitangle.

MATIMANGOU KAPYII 3:12

Ngam kalu ah gotei Inii gumah Saraamah kamateiki mah ki acheng hangninii tiimatu tangle sateichii ahnii bam teiki teito tatsang tat tulakle, sateichii gumah Saraamah zei, gumah Saraamah namdimah zei gumah Saraa dato, Sating gamto kahum kasatai Jerosalem sateichii gumah kasatai zeitei Inii ah phyiiryiikii ryiikai pyii tangle.

MATIMANGOU KAPYII 3:4

Nlenii teiki Sardis kito mei chengniikanii ahnyiimah peimani tiimahong supii kaibam wotakle. Peimani kaha kai wosii ahnyiinii n-gu kaswisii tat tangle, kadapokii ahnyiinii teitei tiimajyiile.

MATIMANGOU KAPYII 6:11

Teito ahnyii mei nsang nsang go paijou pi rot katang kaha pyiitakle. Sateichii ahnyiigo takumpii gitang karam, ahnyiigo kaswisii kikaleimei tiisii kaleimei hangdo ahnyiimah kangsanameido gikat kasuta, ahnyiinii aitoi tinglang shangniikii jangpii ntak matulosii ahnyii dakii tampyii takle.