MATIMANGOU KAPYII 3:15 - KARANU KABI SAMTAM

¹⁵ “ ‘Gomah tha hang tei Inii tile, Nangnii majungdo majung makle, thiido thiimakle. Nangnii majung katu mak-kii thii katu Inii mareile.

MATIMANGOU KAPYII 3:15 Iomraidhean Croise

METIU 10:37

“N-gu sung Pfiigo mak-kii pwigo kisii lungkasyii ah teinii gutai kaswimei tiitang karam akajyii- makle, sateichii n-gu sung nah sapfii mpougo mak-kii nah sapwi mpeigo kisii lungkasyii ah teinii gutai kaswimei tiitang karam akajyii- makle.

METIU 24:12

Sateichii kashyii kahong tei moibuibui katu jangpiinii mei hangka mah kalungsyii kalungset katu tei nkhiitu tangle.

METIU 6:24

“Mei hangninanii apum mei hangnaki leipei wolakle, kadapokii ahnii hangniniigo ngourou tangle sateichii hangniniigo lungsyii tangle, sateichii ahnii hangniniigo dzyiirou tangle ninado hangninii go maning majang tangle. Gonyiinii Saraa nei kani kahii nga ngapei wolakle

ROMMEI 12:11

Tha teisii tiilo sateichii mahatshyii sulo, lung matum madum pyiisii Saraa nga ngalo;

1 KORENMEI 16:22

Bangpiigo lungsyii kasumei hang teinii sheeng kapyii tei doumatulo!

2 KORENMEI 12:20

Kadapokii Inii kagong tinglang kak, Inii kamarei takumpii gonyiigo Inii doukasu, sateichii gonyiinii kamarei takumpii gonyiinii n-gu doukasu malahle; n-girazyii kapat, kangourou katu, kararhii katu, mpou mpou jangpiinii kamaning, kalet kalou katii, samchet sampei katu, detkadi ninado matou kasu tei Inii ngoutang maniisii hingle.

PILIPIMEI 1:9

Kasang swirek kabi ninado lungswi kati kangouhang tei kaswisii gonyii mah lungkasyii tei kisii kisii dibuibui matu tang karam jangpii Inii riitale;

2 THESOLONIKAMEI 1:3

Kangsanamei, gonyii jangpii tinglang kaleita nyiinii Saraago hakalang tam tang karamle. Ai ai nyiinii tiimajyiile, kadaponii gonyii- mah kamalum tei hangkapii dikhiisii leile sateichii gonyiihang mei hang- ninanii hangniniigo kalungsyii katu tei dibuibuisii leitakle.

JEMS 1:8

tei kakum mei teinii Bangpii dato samah kado doutangle katu maninglak tang karamle.

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

MATIMANGOU KAPYII 2:2

Gomah tha, katii kapung, lung leh kati ninado kashyii kahongmeigo nangnii lung lehpei lakle katu ninado mpouroinapii mpougo tiilamlwi kapyiimeisii kalat, nlenii kasang kasumei hang go jai jusii ahnyiimah kachui nangnii doutakle katu Inii tile.

MATIMANGOU KAPYII 2:4

Nlenii go phyiiryiito mazhii kasu gumah sam ai leile; katunii nangnii gomah kareiki lungkasyii tei rat toi aitakle.

MATIMANGOU KAPYII 3:1

“Sardis kito kalei Charshmah rangii dakii ryiilo, Saraamah rangii sana sateichii sageiti sana kalei Ah teinii sam hang ai tam leile, Inii gomah tha hangtei tile, nangnii karing mah zei doukalei tei Inii tile, sateichii nangnii kataile.

MATIMANGOU KAPYII 3:16

Teipiinii nangnii lumlok loksii kalei sateichii thiido thiikasu, majungdo majung kasu jangpii Inii n-go gumah mwi kito masuitoi aitangle.