MATIMANGOU KAPYII 3:10 - KARANU KABI SAMTAM

¹⁰ Gumah lung leh kati samtei nangnii swikalu jang- piinii, sazyii pouryiito lungkalei hang go jaiju tang karam jangpii sazyii pouryii bamlyii hangki gongtang karam jai kaju tinglang kiteito Iniido n-go jupyii tangle.

MATIMANGOU KAPYII 3:10 Iomraidhean Croise

METIU 24:14

Sateichii sagong sazyii mah rasam ai Lui hang dakii sakchyii tiisii sazyii pouryii bamlyii hang kikii tam ralipyii tangle; teito kalui tei gongtangle.

METIU 26:41

Gonyiinii kahemki liit kasu tiisii mik raklo sateichii riitalo; rangiinii mazhiinyiile, nlenii pumzainii suile.”

METIU 6:13

Sateichii nyiigo kahemki maliitsei sulo, nlenii kashyii kiteito nyiigo keipyiilo. (Kadapokii sagong sazyii, teimaham ninado pumtei kava tei kalui kaga gomahle. Amen.)

MARK 14:9

Sateichii Inii gonyii dakii kasangpii tam leile, sazyii pouryii bamlyii hangki kabi rasam tamsii tat tang karam hangki sapwi mpei ainii tiikabam teido mpoupeigo maningloi tang karam jangpii tam mpat tangle.”

LUKNII KARYII KABI RASAM JUKAMATI 2:1

Teitinglang dou aitiisii pat takle; sazyii pouryiimei hangmah meilui fiilosii sagong Kaisor Agastas dato mwija pat takle.

JONNII KARYII KABI RASAM JUKAMATI 17:6

“Sazyii pouryiito nangnii gudakii pyiikabam meihang dateikii Inii go zei tei tam mangou takle, ahnyii tei- nii gomahle ninado nangnii ahnyiigo gudakii pyiile sateichii ahnyiinii gosam swiwo takle.

ROMMEI 1:8

Karei reisang kito Jisu Krista paito gu Saraa go Inii hakalang tamle, kadaponii gonyiimah kamalum tei sazyii pouryii hangnii shiilei takle.

1 KORENMEI 10:13

meinahnii lehwo kabui doito kisii kahemnii jum makle, nlenii Saraanii malum kabwi teile, gonyiinii ngam wokabui doito kisii gonyiigo mpounii hem matulakle; nlenii gonyiinii lehwo kabui jangpii kahem gotei kaswisii nlek tang karam pwidido mpounii pyiitangle.

IPISAMEI 6:13

Teijangpii kashyii ting- lang leimik tei gongchii gonyiinii satto kabui jangpii, sateichii matum madum tei tiisang takle sekchii sat tang karam jangpii, Saraamah saryiinat hangtei kai wolo.

2 TIMOTHI 2:12

Nyiinii kamage kalak hangtei pungwo leponii, nyiiniido mpougo kaswisii sagong tiisii magongsii lung tangle; nyiinii mpougo mazhiisu leponii, mpouniido nyiigo mazhiipyii lakle.

JEMS 3:12

Gukang sanamei, kadiitbang teinii sungchyiiti mak-kii darkha bang teinii kadiit-ti matiwo buipo? Zai dwi teinii dwi kabi ndat matupeiwo lakle.

1 PITAR 4:12

Lungkasyiimei, gonyiigo jaiju tang karam jangpii gonyii phyiiryii gongkalei mi karumah kamage kiteito asung kaga tha gonyii dato pat leitakle katupii sung gasulo.

2 PITAR 2:9

Teijangpiinii sam- tak tiikasuta kada takumpii kasang kamajyiimeigo jaikajumah kamage kalak kito keipyii tangpo sateichii kakui kama meigo kada takumpii tiikamage pyii tangpo katu tei Bangpiinii tile.

MATIMANGOU KAPYII 1:9

Gonyii sanapii ninado Jisutai kaswimei hangninii tiisii gonyiigo kaswisii kamage kalak, ninado sagong sating sazyii ninado lung leh kati mah njai dou njoisii kalei Jon Inii Saraamah samtam ninado Jisunii kamati kamangou tei saa ka-mpat jangpii Patmos-sii kalat dwipii maguisii kalei sazyii kiteikii n-gu kai aitakle.

MATIMANGOU KAPYII 11:10

sateichii sazyii pouryiito lungkalei meihangnii ahnyiimah kaang kito nta tangle, kungsang ngi tiitangle sateichii ahnyii hangninanii hang- niniigo mah pyiikathai tangle, da- jangpiipo dinchii ai lungkakalingmei hangna ainii sazyii pouryiito lung kalei meigo tiikamage pyiitakle.

MATIMANGOU KAPYII 13:10

Mei kata hangniniigo maringpouchyii chyiitat tutang karam leileponii, ahnii maringpouchyii kitei tat tangle; mei kata hangniniigo saryiikhang teipii gitang karam leileponii, ahgo saryiikhang teipii gitat tang ka- ramle. Lungleh kati ninado kamalum tei kamateimei jangpii aito lat leile.

MATIMANGOU KAPYII 13:14

sateichii karei saram- kow dateito tiimangou matutang karam jangpii ah dakii pyiikabam sung kaga hangteipii ahnii sazyii pouryiito lungkalei hang go chuisii hem wotakle, saryiikhangpii rajam wokido, ringkatu saramkow mah tingtu param hangninii ai sazyii pouryiito lungkalei hangnii tiilosii ahnii tam takle.

MATIMANGOU KAPYII 13:8

Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.

MATIMANGOU KAPYII 14:12

Saraamah kakhatsam ninado Jisumah kamalum go swisii kalei kamateimei hangnii lung lehti tang karam jangpii lat leile.

MATIMANGOU KAPYII 14:6

Teito sazyii pouryiito lungkalei hang dakii, lui, sadung ninado lat sateichii meihang dakii tam mpat tang karam jangpii, kalui kaga kabi rasam kaswi kalei sating gamlui hangninanii Sating gamto jungkalei tei Inii ngoutakle;

MATIMANGOU KAPYII 16:14

Ahnyii teinii sung kaga tha hang tiisii kalei sara ka- shyiimah rangiihang teile. Ai rangii hangtum ainii ahnyiihang go Saraa kadimah leimik kadipiinei saryii tiitang karam jangpii poi nkom tang karam jangpii sazyii pouryiimah sagong hangda tatpatle.

MATIMANGOU KAPYII 17:2

dwi hangkii phyiiryiito bam katu kadi saha kahapeimah samtak katii tei Inii n-go mangoule.”

MATIMANGOU KAPYII 17:8

Saramkow tei tinglang hangninii kinii ringsii leile, nlenii ringsii bamloi sutakle, ahtei nlai kaga ahom kangto patlesii leitakle ninado ahnii tiikamaga kitei tat tutakle. Sazyii pouryii tii mpat kasuniito karing larek bung kikii zei ryiikai kasu sazyii pouryiito lung- kalei ahnyii hang teinii saramkow- nah gotei jusekchii sung gatangle, dapodinchii teitei tinglang hangninii kinii ringsii leile; aitoinii teitei ringloi sutakle, nlenii teitei gongloi tangle.

MATIMANGOU KAPYII 2:10

Gonyiinii doutang karam kamage kalak gotei hingsulo. Julo, gonyiigo jai jutang karam jangpii seitannii gonyii kangkagonii kabang kikii toikai tangle, sateichii gonyiinii leimik kearii kamage kalak tei doutangle. Gonyiinii katai katang tei malum kabuimei tiilo, sateichii Inii gonyii dakii karingmah phyiihung tei pyiitangle.

MATIMANGOU KAPYII 3:8

Nangnii tiikalei tei Inii tile, julo, mei kaniido takampei wokalak laat kabam takam hangninii Inii godoikii kaibam takle, katunii, gomah teimaham chengniikii leile sateichii nangnii gusam swile sateichii guzeigo mazhii kasu tiimakle.

MATIMANGOU KAPYII 6:10

Ahnyiinii rok sagoisii saale, “Kamatei ninado kadi kathang Bangpii!” Sazyii pouryii lung kalei- meigo tinglang kada thakii samtak tei tiisupii sateichii nyiigo kagimei- mah powtei ruisupiinii bam tangpo?

MATIMANGOU KAPYII 8:13

Teito Inii jule, sateichii sating sumteito jung kalei kalaang ruinah hangninanii rok sagoisii katam tei Inii shiitakle; “Kongtang karam sating gamlui kaki hangtum mah kachem hang jangteipii sazyii pouryiito lung kalei hang jangpiinii kamagele, kamagele, kamagele!”