MATIMANGOU KAPYII 22:6 - KARANU KABI SAMTAM

⁶ Teito Ahnii gudakii tamle, “Samkang hang ai malum kamajyii ninado kasangle; sateichii lungka- kalingmei mah rangii hangmah Bangpii Saraa teinii madousupii pat tang karam hangtei ahmah kikalei- mei hang dakii mangou matu tang karam jangpii ahmah sating gamluigo lang mpat takle.”

MATIMANGOU KAPYII 22:6 Iomraidhean Croise

METIU 13:41

Meinah sapfii mpou teinii mpou mah Sating gamlui lang m- mangsii meigo kem kikii chyiikakai mei sateichii kashyii kahong tha katiimei hang go mpoumah sagong sazyii kito poi ndwi wosii ahnyiigo mibam kikii toikai tangle.

LUKNII KARYII KABI RASAM JUKAMATI 1:70

Ndouto mpounii mpou mah Lungkakalingmei paito riishii tiipyii takle:

LUKNII KARYII KABI RASAM JUKAMATI 16:16

“Ajaitingshang katimei satei- chii Lungkakalingmei tei Jon dwi mpum kapyiipii mah tinglangdou katang tei leile, teidouto Saraa mah Sating sazyii mah kabi rasam tei tam ralipyiisii leile, sateichii meihangnii mpou mpoumah kamaning kito pumtei tiile.

TIILAMLWI KAPYIIMEI THA JUKAMATI 12:11

Teito Pitarnii mpou roinapii tigong wosek-kii tamle, “Aitoinii Inii kasangpii titakle, katunii Bangpiinii mpoumah sating gam luigo lang m-mangpyiisii, n-gu Herot bah kito ninado Jehudimei hang mah kamaning kiteito kaleipyii takle.”

TIILAMLWI KAPYIIMEI THA JUKAMATI 3:18

Nlenii Saraanii mpoumah Kristanii kamage kalak leh tang karam jangpiinii Lungka- kalingmei hang mah mwi kito doirei- sii mati kapyii tei aitiisii mpounii madou gong pyii takle.

ROMMEI 1:2

kabi rasam ainii mpou nah sapfii mpou mah akaang kito kamatei kabi rasam kikii lungkakalingmei paito ndou karei kito pyii tang lesii riishii tiikabam teile.

1 KORENMEI 14:32

Saraa sam tam ka-mpat mah luha tei kamwikapii kang nkang tang karamle,

1 KORENMEI 7:29

Kangsanamei, Inii katam tei kadagopokii, aile: tinglang dwitakle; teijangpii aitoi sekpiinii nou kabam mei teinii kaga takum matulo,

2 THESOLONIKAMEI 1:7

gonyiigo kaset kalak doumatu katumeigo kamage kalak, sateichii kamage kalak doukaleimei gonyii dakii nyiigo kaswisii ka-ntak tei Saraanii pyii tangle,

HEBRUMEI 12:9

Aidoito kisii nyiigo tiimajyii kapyii meinah mah Apfiimeido leile, sateichii nyiinii ahnyiigo sadzyii ngariit tiile. Nyiinii rangii hangmah pfii kangto kisii nkangsii lunglakpo?

2 PITAR 1:21

Kadapokii Saraamah adoisam reipii saa ka-mpat ai meinah mah kamaning kamazhii kito patsang patlei makle, nlenii rangii kamateinii dengpyiisii meinahnii Saraa dato tamle.

2 PITAR 3:2

katunii, ndou kareiki lung- kakalingmeinii tam kabam ninado tiilamlwi kapyiimei mah paikito gonyii dakii pyiikabam Bangpii ninado nyiigo keikapyiipiimah kakhatsam tei gonyiinii maningloi matu tang karam jangpiile.

MATIMANGOU KAPYII 1:1

Kalangsii pat tang karam sam Saraanii Jisu Krista dakii mati mangou pyiisii mpounii mpouki kaleimei dakii mangoupyii matu tang karam jangpii, mpounii mpoumah sating gamluigo lang magongsii mpouki kaleipii Jon dakii mati pyiile.

MATIMANGOU KAPYII 18:20

Hesating gam, kamateimei, tiilamlwi kapyiimei ninado lungka- kalingmei hang mpoupeigo tiimaga kalei jangpii ntalo! Kadapokii Sa- raanii mpoupei phyiiryiikii gonyiimah samtak tei tiipyii takle!

MATIMANGOU KAPYII 19:9

Sateichii sating gamlui teinii gudakii tamle, “Ai ai ryii wolo: Jaonah mah myiikapang takbai tei gonghai losii lat kalumei hangtei sadoibile.” Sateichii Ahnii gudakii tamle, “Aihang ai Saraamah kasang samkang hang teile.”

MATIMANGOU KAPYII 21:5

Sateichii sagongbam kito bam kalei ah teinii tamle, “Julo, Inii mah- lyiihang tiisatai pyii takle.” Sateichii Ahnii tamle, “Ai ryii wolo; kadapokii samhang ai malum wokabui ninado kasangle.”

MATIMANGOU KAPYII 21:9

Teito kalui sararahum sana teipiinii tokryii kalei kok sana poikalei sating gamlui sana kak kito hangninanii gong n-gu sam rashiisanii tamle, “Patlo, Inii n-go amyiipeipwi katunii, Jaonah mah noutei mangoule.”

MATIMANGOU KAPYII 22:1

Teito teimah namdimah pwidi kadi sum teito Saraamah ni- nado Jaonah mah sagongbam kiteito, dwi kamating kamaleek takumpiinii vakatu, karingmah dwimah karyii longkalei tei ahnii gudakii mangou takle.

MATIMANGOU KAPYII 22:16

“Jisu, Inii Charsh hang jangpii gonyii dakii aihang ai sakchyii pyiimatu tang karam jangpii gumah sating gamluigo lang magong takle. Inii vakabi sagei tingtang pwi, Devit mah maa ninado tatreng teile.”

MATIMANGOU KAPYII 22:7

Sateichii, “Julo! I-kalangsii gong tangle! Larek aikito saa mpat kabam sam hang gotei ryiikalu ah teinii sadoibile!”

MATIMANGOU KAPYII 4:1

Sam hang aitaito Inii jule sateichii takam hangninii sating gamto laatbamle, sateichii Inii kashii karei rok teinii kachem takumpii n-gu karashiisii tamle, “Aiki tat pilo; sateichii aitaito pat tang karam hangtei Inii n-go mangoule.”