MATIMANGOU KAPYII 21:8 - KARANU KABI SAMTAM

⁸ Nlenii raikaga, kamalum kaga, ngoukasaba ngam katiimei, meigo kagimei, sapwimei sapfiimei kashyii kahong tha katiimei, ashoi kapoimei, tingtu param hang go kamatamei, ninado kachuimei hang jangpiinii, hangna kashang tiisii katai, mi ninado sulphur piinii shong kalei jailung tei tangle.”

MATIMANGOU KAPYII 21:8 Iomraidhean Croise

METIU 10:28

Sateichii pumpotgo gi wosii rangiigo gipei wokalak ahnyii gotei hing sulo; nlenii rakot godo pumpot godo mibam kito tiimaga wokabui Ahgotei hinglo.

METIU 25:25

Teipiinii Inii hingsii, Inii maasii gomah talent tei sazyii kangkii kabai takle, juseilo, gomah sanah tei aiki leile.’

METIU 8:26

Teito mpounii ahnyii dakii tamle, “He kamalum kagamei, gonyii dajangpii hing leipo?” Teito Mpounii gungtu tingkai ninado dwijai gotei ntak tulo sii kakhat takle; teito manoi majung takle.

MARK 9:44

(Mibam kitei ahnyiigo kari kounah matai tei taisang tai leimakle, satei- chii ahnyiigo karu mitei miitsang miitlei makle.)

JONNII KARYII KABI RASAM JUKAMATI 8:44

Gonyii ai gonyii pfii seitan dateitole, sateichii gonyii pfii mah kamarei ka-ntha hang tiitang karam tei gonyii mah kamaning kamazhii teile. Ahnii nu saroisekto meigo kagi kabaameile sateichii kasang gotei kaswisii tha tiitang karam samah kado gale; dapochiinii ahda kasang tei gasang gale. Ahnii kachui sam katam kak nunuto kalei ahmah jai taiswisii malhiile, kadapokii ahnii kachuipiile ninado teimah pfii teile.

2 THESOLONIKAMEI 2:9

Kashyii kahongmei teinii seitan- mah teimaham teipii gongsii kasang kasu sung kaga ninado kamadatlyii hang tiimangou tangle.

1 TIMOTHI 4:2

ai ai kachuimei mah kabijai tiikanyii kito patle, sateichii ahnyiinii ahnyiimah kasang kama- jyii tikabui lungswi kikii miru kama- gang sagyiipii rusii kaleimei teile;

TAITAS 1:16

Ahnyiinii Saraago tilesii tam mpatle, nlenii ahnyiimah tha teinii mpougo mazhiimakle, ahnyiinii ka- ngouroule, katam swimakle, sateichii tha hangninii jangpiiniido kabi tei gale.

HEBRUMEI 12:24

sat tang karam karanu samtam tiida kapyii Jisuda, ninado Abel mah zai sung kisii kabi pyiitangle sii tamsii kalei kajui kakai zai datei gonyiinii manang gong wotakle.

HEBRUMEI 13:4

Kalakna katii ai meihangnii dzyiirou tang karamle, sateichii kalakna katii zyii tei hong matu sulo. Kadapokii sapwimei sapfiimei kashyii kahong tha katii ninado masung maha katumei hang go Saraanii samtak tiitangle.

1 JON 2:22

Jisugo Kristale katu mazhii kasu ah tei supiinii kachui tei tapo? Pfii godo, nah sapfii mpougodo, mazhii kasu Kristago ngoukarou tei aile.

1 JON 3:15

Kang- sanameigo ngoukaroumei hangteinii meigo kagimeile, sateichii meigo kagimei mei kaniido kalui kaga karing tei gale katu gonyiinii tile.

1 JON 5:10

Saraa nah sapfii mpougo kamalum ah teinii ah roinapii sakchyii tei leile, Saraago malum kasu ahteinii mpougo chuimatu aitakle, kadapokii Saraanii mpounah sapfii mpou mah kaang kito pyii kabam sakchyii tei ahnii malum sutakle.

MATIMANGOU KAPYII 14:10

ahmah raka- rhiimah peek kiteikii teimaham matumpii ahnii ruikai kabam, Saraamah jou tei ahniido sak tangle! Sateichii ahgo mipii sateichii sul- phurpii kamatei sating gamluihang ninado jaonah doiteito tiikamage tangle.

MATIMANGOU KAPYII 19:20

Saram- kownah ninado ah doito siiti hang tiimangou sanii saramkownah mah siiti doukalumeigo ninado teimah tingtu paramgo mata katumeihang go kasang kasu teipii chuisii hem kalu, ahgo kaswi kalei kasang kasu lungkakalingmei gotei jum wotakle. Ai hangna aigo sulphur piinii song- kalei mimah jailungkii maringpii toikai aitakle.

MATIMANGOU KAPYII 2:11

“Rangiinii Charsh dakii tam kalei tei khoi pung kaleimei hangnii shiimatulo. Ngam kalumei hang gotei hangna kashang katai teinii kadeng tei gatangle.

MATIMANGOU KAPYII 2:2

Gomah tha, katii kapung, lung leh kati ninado kashyii kahongmeigo nangnii lung lehpei lakle katu ninado mpouroinapii mpougo tiilamlwi kapyiimeisii kalat, nlenii kasang kasumei hang go jai jusii ahnyiimah kachui nangnii doutakle katu Inii tile.

MATIMANGOU KAPYII 21:27

Nlenii Jaonah mah karingmah larekbung kikii zei ryiikai kabam mei tei supiinii, matei kasu, ka-nrou tha katiimei, mak-kii kachuimei hang- teinii teiki lungtei liitsang liitlakle.

MATIMANGOU KAPYII 22:15

Nlenii chyiihang, ashoi kapoi- meihang, sapwimei sapfiimei kashyii kahong tha katiimeihang sateichii meigo kagi meihang, sateichii tingtu paramgo kamatamei hang ninado kashyiigo kamarei, kashyii tha katiimei hangtei sabato leile.

MATIMANGOU KAPYII 9:17

Sateichii madhang kapyii kito takoi ninado takoigam tongkalei meihang gotei aitiisii Inii ngoutakle: katunii takhoi gam tongkalei meihang teinii takou gamkii kokryii tei mi takumpii kaghang, Sapphire takumpii mong- jai, sulphur takumpii kafiilang, sa- teichii takoimah phyiibung hangtei Nongsamah phyiibung takumle, sateichii ahnyiimah mwi kiteito mi mika ninado sulphur patle.

MATIMANGOU KAPYII 9:21

mak-kii ahnyiinii meigo kagi kito, ashoi kajum kito, sapwimei sapfiimei kashyii kahong tha katii kito, mak-kii mah karaga kito ahnyiinii lung kalimakle.