MATIMANGOU KAPYII 21:12 - KARANU KABI SAMTAM

¹² Teimah kadi ninado kasagoi mbaang, takam kamjao keariisiinakhii, sateichii takam kamjao hang kitei sating gamlui keariisiinakhii leile, sateichii takam kamjao hang phyiiryii tei Isrelmah nah sapfiimei mah sadung keariisiinakhii zei tei ryiikai bamle;

MATIMANGOU KAPYII 21:12 Iomraidhean Croise

METIU 18:10

“Gonyiinii ai kacheng hang kak kito hangninii godo maning kamala tiikasu tiisii tiigat tolo; kadapokii Inii gonyii dakii tam leile, Sating gamto ahnyii mah sating gamlui hangnii sating gamto kalei gu pfii jutei taksupii ngou leile.

LUKNII KARYII KABI RASAM JUKAMATI 15:10

Tei takumpiinii Inii gonyii dakii tam leile, Kem kama katiimei hangninanii lung kali kalu jangpii Saraa mah Sating gamlui hang doito ka-nta teile.”

LUKNII KARYII KABI RASAM JUKAMATI 16:22

“Mah kagapii tei taitakle sa- teichii mpougo Abrahamda kasang- kii Sating gamluinii pangkhii kaipyii takle. Mah kanipii teido taitakle sa- teichii poigoi takle;

TIILAMLWI KAPYIIMEI THA JUKAMATI 26:7

Teitei doutang karam jangpii nyii lui keariisiina- khiinii tinghum tingna Saraago lungswi haisii malumsii riitale; riita kalei ai kaang jangpiinii he sagong, gu phyiiryiikii Jehudimeinii tam mashyii leile.

HEBRUMEI 1:14

Sating gamlui hang ai kada- peipo, teitiileponii? Ahnyiinii Saraa nga ngasii kalei ninado keikapyii karing doutang karam meigo tiiha matu tang karam jangpii mpounii m-mang kabam rangii teile.

MATIMANGOU KAPYII 21:13

Leimik kapat lamkii takam kamjao hangtum, longryii lamkii ta- kam kamjao hangtum, lamka lamkii takam kamjao hangtum, sateichii leimik kaliit lamkii takam kamjao hangtum leile.

MATIMANGOU KAPYII 21:15

Sateichii teimah namdigo, ninado takam kamjao go, ninado mbaang hang gotei tham jutang karam jangpii n-gu sam rashii katupii datei sonapii katii tham kajupii tei leile.

MATIMANGOU KAPYII 21:25

Sateichii teiki namdimah takam kamjao hangtei tingna majang laatbam tangle; ta- kamsang takam lakle; dapodinchiinii teiki tei tinghum katu tei gale.

MATIMANGOU KAPYII 22:14

Ahnyiinii karingmah ruibang dateito riiti chiitang karam majyii tei doukabui tiisii sateichii namdi lung tei takam kamjao kito liit kabui tiisii ahnyiimah peijou kathang tei shyii matei kaleimei hangtei sadoibile.