MATIMANGOU KAPYII 20:4 - KARANU KABI SAMTAM

⁴ Sateichii sagongbam hangtei Inii ngoutakle, sateichii teigamto bam kaleimeihang dateikii samtak katii- mah teimaham tei pyiitakle. Satei- chii Jisumah sakchyii kapung jangpii sateichii Saraamah samkang jang- piinii phyiibaatoi kaleimei hangmah, ninado saramkownahgo mak-kii ahmah tingtu paramgo mata kasu ninado ahnyiimah seiphang gamkii mak-kii bah gamkii siiti tei doukasu ahnyiimah rakot hang gotei Inii ngoutakle; sateichii ahnyiinii ring- khiisanii, Kristago kaswisii tingkum tangkii magong takle.

MATIMANGOU KAPYII 20:4 Iomraidhean Croise

METIU 19:28

Jisunii ahnyii dakii tamle, “Inii gonyii dakii kasangpii tam leile, Kasatai sazyii pouryii kiteito meinah sapfii mpou teinii mpoumah pumtei kava sagong bamki kabam tinglang kitei gutai swikalu gonyiido sagong- bam keariisiinakhii gamtei bamsii Isrelmei mah Lui keariisiinakhiigo samtak tiitangle.

METIU 24:10

Tei tinglangki mei hangkanii ahnyii mah kamalum tei toi aitangle, sateichii hangninanii hangniniigo schoi choikai tangle sateichii hangninanii hangniniigo kangourou tangle.

MARK 6:16

Nlenii Herotnii ai ai shiiwo sek-kii mpounii tamle, “Inii Phyiibaa kaleipii, Jon tei ringkhii takle.”

MARK 6:27

Manoisek-kii sagong teinii kikalei saryiimei niniigo Jon dwi mpumka- pyiipii mah phyiibung tei baapoi patlosii mwija laatpyiisii lang matu takle; koikalei saryiimei hangninii teinii kabang kilung tei liitsii Jon dwi mpum kapyiipii mah Phyiibung tei baa ndang takle;

MARK 9:11

Sateichii ahnyiinii Jisuda n-nhiile, “Kadajangpii ajaitingshang kati ojameinii Ilaijah gongrei tanglesii tam leipo?”

LUKNII KARYII KABI RASAM JUKAMATI 1:17

Sateichii Apfiimei mah lungtei Anahmei dakii pyii matu tang karam jangpii, sateichii katam swikasu meigo kasang mah swirek kikii maning nlaigong matu tang karam jangpii, Bangpii jangpii tiidasii kalei meigo tiida matu tang karam jangpii, mpounii Bangpii doi reisii Ilaijah mah rangii sateichii teimaham kito tat tangle lungka- kalingpii Ilaijah takumpii.

LUKNII KARYII KABI RASAM JUKAMATI 14:14

teitii lepochiinii nangnii doibi tangle, dapochiinii ahnyiinii n-go rui kaleipyii peiwo lakle, Saraa nii n-go rui kaleipyii tangle, mei kabimei hangnii katai kito ring kakhii piinei leimik.”

LUKNII KARYII KABI RASAM JUKAMATI 22:30

gonyiinii gumah Sating Sazyii kito gumah tak kachii bam gamto kaswisii chii sak kabui jangpii, Inii gonyii dakii Sagong Sazyii julosii pyii leile.

JONNII KARYII KABI RASAM JUKAMATI 14:19

Tinglang shang- niikii sousekchii sazyii pouryiinii n-gu ngouloilak takle, nlenii gonyii- nii n-gu ngoutangle, sateichii Inii ringkalei jangpii gonyiido ringtangle.

ROMMEI 11:15

Kadaponii ahnyiigo rat toi kalei teipii sazyii pouryii mah kakubiloi kalu tei lepochiinii ahnyii go lukai kalu teipii katai kito ringkhii kalu teisupii kadapei tangpo?

ROMMEI 8:17

Sateichii Saraa nahmeile ponii mahtou katoumeido takle, mpougo kaswisii nyiinii pumtei kava tei dou njoitang karam jangpii Kristago kaswisii nyii kamage kalak pung njoi leponii, Saraa mahtou katoumei sateichii mpougo njoisii mahtou katoumei takle.

2 TIMOTHI 2:12

Nyiinii kamage kalak hangtei pungwo leponii, nyiiniido mpougo kaswisii sagong tiisii magongsii lung tangle; nyiinii mpougo mazhiisu leponii, mpouniido nyiigo mazhiipyii lakle.

MATIMANGOU KAPYII 1:2

Mpounii Saraamah samtam mah ninado Jisu Kristamah sakchyii mah kaang kito, katunii mpounii ngou- kalu hangmah kaang kito sakchyii pyiitakle.

MATIMANGOU KAPYII 1:9

Gonyii sanapii ninado Jisutai kaswimei hangninii tiisii gonyiigo kaswisii kamage kalak, ninado sagong sating sazyii ninado lung leh kati mah njai dou njoisii kalei Jon Inii Saraamah samtam ninado Jisunii kamati kamangou tei saa ka-mpat jangpii Patmos-sii kalat dwipii maguisii kalei sazyii kiteikii n-gu kai aitakle.

MATIMANGOU KAPYII 11:11

Sateichii leimik hangtum phang tai Saraamah karing chyiingai tei ahnyii lungki liit totakle, sateichii ahnyiinii tusat totakle sateichii ah- nyiigo kangou hangteinii hingtakle.

MATIMANGOU KAPYII 11:15

Sateichii sana kashang sating gamlui teinii kongtakle, ninado “Sating sazyii tei nyii Bangpii mah ninado mpoumah Kristamah tiiwo takle. Sateichii mpounii kalui tiisupii magonglung tangle.”

MATIMANGOU KAPYII 11:3

Sateichii Inii gumah sakchyii hangna dakii teimaham pyiitangle sateichii ahnyiinii alhiipei basii leimik tangkii haina reksarok ai Saraa sam saa mpat tangle.”

MATIMANGOU KAPYII 11:7

Sateichii ahnyiinii ahnyiimah sakchyii kapyii tei luisekchii, sazyii kathok nlai kaga ahom kito kapat saramkow teinii ahnyiigo saryii tiitangle, sateichii ahnyiigo ngam tangle ninado gitat tangle.

MATIMANGOU KAPYII 12:11

Sateichii ahnyiinii mpougo Jaonah mah zai teipii sateichii ahnyiimah sakchyii kapyiimah sam- kang teipiinii ngam wotakle, kada- pokii ahnyiinii ahnyiimah tiilung gotei katai katang marai makle.

MATIMANGOU KAPYII 14:11

Ahnyiigo tiikamage katumah mika tei kalui gasii hamtu takle; sateichii saramkowgo ninado ahmah tingtu paramgo kamateimei hang teiniido, sateichii ahmah siiti dou- kalu ahnyiihang teiniido tinghum tingna ntak makle.”

MATIMANGOU KAPYII 15:2

Sateichii sakhiibung mah dwi- jaigo raikatu mi ryii nja katu hangninii Inii ngoule. Sateichii saramkowgo ninado ahmah akhii ninado ah mah zei tung tiisii kalei asaa hang go ngamkalu meihang goteido Inii ngoutakle. Ahnyii teinii Saraanii ahnyii dakii pyii kabam levii tei poisii, sakhiibung mah dwijai kuto satsii leile.

MATIMANGOU KAPYII 17:8

Saramkow tei tinglang hangninii kinii ringsii leile, nlenii ringsii bamloi sutakle, ahtei nlai kaga ahom kangto patlesii leitakle ninado ahnii tiikamaga kitei tat tutakle. Sazyii pouryii tii mpat kasuniito karing larek bung kikii zei ryiikai kasu sazyii pouryiito lung- kalei ahnyii hang teinii saramkow- nah gotei jusekchii sung gatangle, dapodinchii teitei tinglang hangninii kinii ringsii leile; aitoinii teitei ringloi sutakle, nlenii teitei gongloi tangle.

MATIMANGOU KAPYII 2:26

Sateichii ngam kalu ninado kalui katang gumah tha hang ryiisii kalei ah dateikii Inii luihang phyiiryiito teimaham pyiitangle;

MATIMANGOU KAPYII 20:6

Karei ringkakhii kito njai poi njoi katumei tei sadoibile ninado mateile; tei kakum mei phyiiryii teito hangna kashang katai teinii teimaham gale; nlenii ahnyii teinii Saraamah ninado Kristamah kanat kajum atingmei tiitangle, sateichii ahgo kaswisii tingkum tangkii magong tangle.

MATIMANGOU KAPYII 22:5

Sateichii tinghum katu tei leiloi lakle. Ahnyii jangpii thaomimah mak-kii leimikmah kava tei kabi gale, kadapokii Bangpii Saraa teinii ahnyiimah kava tei tangle, sateichii ahnyiinii kalui gasii sagong tiisii magong tangle.

MATIMANGOU KAPYII 3:21

Inii ngam wosii gu pfiimah sagongbam kiteito ahgo kaswisii bam kalei takumpiinii, ngam kalu ahgodo n-gu kaswisii sagongbam kiteito kaswisii bam matutang karam mah amajyii tei Inii pyiitangle.

MATIMANGOU KAPYII 4:4

Sateichii sagongbamgo baangmagui kabam nitei sagongbam makaisii madai nkhii leile; sateichii sagong- bam phyiiryii tei peimani kaha kai- kalei sateichii ahnyiimah phyiibung gamtei sona mah sagong phyiihung choikalei katingmei mei makaisii madai nkhii bam kalei tei Inii ngoutakle.

MATIMANGOU KAPYII 6:9

Sateichii ahnii mangii kashang seal tei kalaat tinglang kak, Saraamah samtam jangpii sateichii ahnyiinii pyiikalei sakchyii tei jangpii gikalei ahnyiimah rakot hangtei pyiikatoibam kang teikii Inii ngoutakle;

MATIMANGOU KAPYII 7:3

“Nyiinii nyiimah Saraamah kikaleimei hang go saiphang gamkii seal kai kasuta sazyii pouryiigo, dwijai go, sateichii ruibang hang go tiimashyii aisulo.”