MATIMANGOU KAPYII 2:9 - KARANU KABI SAMTAM

⁹ “‘Gonyiimah kamage kalak ninado kaga tei Inii tile–Nlenii gonyiinii kasangpii mah nile! Satei- chii Jehudimei kasangsupii, ahnyii roinapiinii ahnyii Jehudimei lesii tamsii kalei, Seitanmah abemei tiisii kaleimei teinii gonyii phyiiryiikii samlat kashyii tam kalei tei Inii tile.

MATIMANGOU KAPYII 2:9 Iomraidhean Croise

METIU 4:10

Teito Jisunii mpou dakii tamle, “Tat tulo, Seitan; daponii aitiisii ryiibamle, ‘Nangnii Bangpii go Saraa gotei mata tang karamle, sateichii nangnii mpougo roinii nga-ngatangle!’ ”

LUKNII KARYII KABI RASAM JUKAMATI 12:21

Sateichii Jisunii tamle, “Saraa mah mik doito mah nisupiinii mpou- jangpii roinii kani kahii poi nkomsii kalei tei aitakumle.”

LUKNII KARYII KABI RASAM JUKAMATI 22:65

Sateichii ahnyiinii kaki kaki sam kashyii hangkii mpou phyiiryiikii tamkai pyiile.

LUKNII KARYII KABI RASAM JUKAMATI 4:18

“Bangpiimah rangii tei Guphyiiryii leile, Dapochiinii mpounii kagamei dakii kabi rasam tam matu tang karam jangpii n-gu thao manukpyii takle. Maringpouchyiimei hang go mpou rangra tiimatu katu sateichii mik kachet meigo nlailoisii mik ngou matu tang karam sam ai saa mpatpyii matu tang Karam jangpii, sateichii kamage kamarhii meigo laat mpatpyii tang karam jangpii,

LUKNII KARYII KABI RASAM JUKAMATI 6:20

Sateichii Jisunii Mpou boumei dakii rajang matusii tamle: “Mah kagamei doibile; dapochiinii Saraa mah Sating Sazyii tei gonyii mahle.

JONNII KARYII KABI RASAM JUKAMATI 16:33

Gonyiinii gudato kamajung tei doumatu tang karam jangpii samhang ai Inii gonyii dakii tam takle. Sazyii pouryiito gonyiinii kamage kalak doule, nlenii ntatulo, sazyii pouryiigo Inii ngamwo takle.”

TIILAMLWI KAPYIIMEI THA JUKAMATI 14:22

Bamlyii hang ki teito boumei lung tiisangting pyiisii kamalum kiteito taksupiinii bam matutang karam jangpii katwisii kamage kalak hangkago kaswisii nyiinii Saraa mah sating sazyiiki liit tang karamlesii tam ralipyiile.

TIILAMLWI KAPYIIMEI THA JUKAMATI 26:11

Sateichii Jehudimei ndwihang kito ahnyiigo tiikamagesii kanat kanhii go tam kamashyii tei Inii tiimatule; sateichii ahnyii phyii- ryiikii kisii tiirakarhiimei takum- piinii meiki sazyii kito katangpii ahnyiigo baasii tiikamage pyiile.

ROMMEI 12:12

gonyii mah maning kamalum kito rangalo, kamage kalak kito leh wolo; kariita kito taksulo.

ROMMEI 2:17

Nlenii nangnii goroinapii Jehu- dimeile katu azei tei latsii leileponii ajaitingshang gotei bhangsii leile- ponii Saraa dato leile katu det katii tei leileponii.

ROMMEI 5:3

Sateichii airoinii makle, nlenii nyiimah kamage kalak hang kito ntale, kamage kalak teipii leh kati;

ROMMEI 8:35

Krista mah lungkasyii kito nyiigo tanii chyii- kapak wotangpo? Kamage kalak teinii manii, mak-kii kamage kamarhii teinii manii, mak-kii tiimaset tiimalak katu teinii manii, mak-kii tak kateeng teinii manii, mak-kii peimani kaga teinii manii, mak-kii sadoi kashyii teinii manii, mak-kii saryiikhang teiniipo?

ROMMEI 9:6

Nlenii Saraamah samtam tei samah kado kasu takum tutakle, katu mamakle, kadapokii Isrelmei dato lung kahum ahnyii hangtei Isrelmei makle.

2 KORENMEI 6:10

Nyiigo swi tiika- mage kado, tinglang kaleita nyiinii ntale; nyiinii mah kagamei takumle, nlenii mei hangkiigo nyiinii mah tiimani pyiile; nyiinii mah kado kaga takumle, nlenii kasangpii nyiinii mahlyii hangtei bamle.

2 KORENMEI 8:2

Katunii, Mesidoniya kito kalei nyiigo njoi katu kamalum meihangnii tampei kalak kamage kalak tei dousii bamle, nlenii tinglang kaleita ahnyiinii hangkapii ntasii bamle. Ahnyii teinii tampei kalak tiisii mahdo gasii bamle, nlenii ahnyiinii meigo lungsyii tile.

2 KORENMEI 8:9

Kadapokii nyii Bangpii Jisu Kristamah jumage kapyii tei gonyiinii tile, katunii mpounii mah nisii leikado mpoumah mah kaga teipii gonyiinii mahni kabui tiisii, gonyii jangpii mpounii mah kagamei tiipyii takle.

1 THESOLONIKAMEI 3:4

Kadapokii gonyiinii tisii kalei, sateichii teitei pat kalei takumpii, nyiinii gonyiigo kaswisii kalei tinglang kak, nyiinii kaset kalak tei dou tang karamle katu tei pat kasunakii reipii gonyiigo nyiinii tam takle.

1 TIMOTHI 1:13

Ndou kareiki Inii mpougo tam kamashyii, tiikamage katu sateichii kalet kalou tiisii leikado, Saraamah lungsyii kati tei Inii doutakle, kadapokii kamalum tei Inii doumakle. Teijangpii Inii dapei tiileipo katu tei Inii timakle.

1 TIMOTHI 6:18

Ahnyiinii kabi tei tima- tulo, kabi tha kito mahni matulo, meigo pyiiti matu katu ninado seiti matulo;

MATIMANGOU KAPYII 1:9

Gonyii sanapii ninado Jisutai kaswimei hangninii tiisii gonyiigo kaswisii kamage kalak, ninado sagong sating sazyii ninado lung leh kati mah njai dou njoisii kalei Jon Inii Saraamah samtam ninado Jisunii kamati kamangou tei saa ka-mpat jangpii Patmos-sii kalat dwipii maguisii kalei sazyii kiteikii n-gu kai aitakle.

MATIMANGOU KAPYII 2:13

Nangnii lungkalei bam tei Inii tile, teikito seitanmah sagongbam leile, Sei- tannii lungkalei bamni teito, malum kabui gumah sakchyii, Antipasgo kagi tinglang kikak katangdo, gonyiinii gu zeigo kamalum tei toi aimakle sateichii gonyiinii gudato kasangle.

MATIMANGOU KAPYII 2:2

Gomah tha, katii kapung, lung leh kati ninado kashyii kahongmeigo nangnii lung lehpei lakle katu ninado mpouroinapii mpougo tiilamlwi kapyiimeisii kalat, nlenii kasang kasumei hang go jai jusii ahnyiimah kachui nangnii doutakle katu Inii tile.

MATIMANGOU KAPYII 2:24

“Nlenii Thyatira kito mashaksii kalei, ralikapyii aigo poikasu seitanmah kamakum sam tikasumei gonyii dakii Inii tam leile, Inii gonyii phyiiryiikii kamaswi kaki hangninii kado kaipyii lakle.

MATIMANGOU KAPYII 3:9

Julo, seitanmah bemei, Jehudimei supiinii Jehudimei lesii tam kalei, ahnyii gotei Inii gonyiidoi gongsii gonyii pibangto nkwimang matu tangle, Inii gonyiigo lungsyii katu tei ahnyii hangnii titangle.

MATIMANGOU KAPYII 7:14

Inii mpou dakii tamle, “Oja, nangnii tile,” sateichii mpounii gudakii tamle, “Ahnyii hang teinii kamage kalak kadi kiteito pat kalumei teile, sateichii ahnyiimah paijou kathang tei shyii mateisii jaonah mah zai kito tiimaha aitakle.