MATIMANGOU KAPYII 2:3 - KARANU KABI SAMTAM

³ Nangnii lung lehsii bamle, sateichii guzei jangpiinii lehsii bamle sateichii nangnii matoupyii aimakle katu Inii tile.

MATIMANGOU KAPYII 2:3 Iomraidhean Croise

MARK 15:21

Sateichii namdi kaki kito Sagong Alekjender nei Rofos pfii Simon katupii Sairen kito kaleimei tei teiki gongle, teito ahnyii hangpii mpougo Jisu mah krosh tei pung matu tang karam jangpii keishyiipii jumtakle.

LUKNII KARYII KABI RASAM JUKAMATI 14:27

Ah mah krosh pung kasu ninado gutai swikasu ah teinii guboumei tiipeiwo lakle.

LUKNII KARYII KABI RASAM JUKAMATI 18:1

Sateichii ahnyiinii taksupiinii riita tang karam ninado lung tailak tang karam jangpii mpounii ahnyii dakii ndasam hangninii tamle.

LUKNII KARYII KABI RASAM JUKAMATI 21:19

Gonyii mah leh kati teipiinii gonyiinii gonyii mah karing tei doutangle.

LUKNII KARYII KABI RASAM JUKAMATI 5:5

Teito Simonnii khekalatle, “Ma- dhiikapyiipii, Nyiinii tinghum matang kaa rotle, Nlenii mahkado doumakle; nlenii gosam swisii Inii ralang ai rotkaile.”

LUKNII KARYII KABI RASAM JUKAMATI 8:15

Sazyii kabiki tak kaliit lwirou hangteinii, samtei shiiwo takpokii, katam kaswi ninado kabi lung kikii lukai wosii leh katipanii ati kamati ahnyii aile.”

JONNII KARYII KABI RASAM JUKAMATI 15:21

Nlenii gu zei jangpii ahnyiinii aihang ai gonyii dakii tiitangle; kadapokii n-gu lang kamagong ah gotei ahnyiinii timakle.

ROMMEI 12:12

gonyii mah maning kamalum kito rangalo, kamage kalak kito leh wolo; kariita kito taksulo.

ROMMEI 16:12

Bangpii zeikito tha tiisii kalei- mei pwi Triphina ninado Triphosago salam pyiileile. Abangpii zei kito teisii tha tiikapyiipei lungkasyii Parsis go salam pyii leile.

ROMMEI 2:7

Mei kangkanii tha kabi tei tiisii tiisii pumtei kava go sadzyii ngariit katiigo, sateichii gakalak karing go fiisii bamle. Ahnyii dateikii Saraanii kalui kaga karing tei pyii tangle.

ROMMEI 8:25

Nlenii nyiinii ngou kasu gotei maning malum leponii teigotei nyiinii lehsii koileile.

1 KORENMEI 13:7

Lung- kasyii teinii toisang toilei makle; mpou mah kamalum sateichii leh kati tei madou kasu tiisang tiilei makle.

1 KORENMEI 16:16

Ai kakum ai, sateichii ai kakum tha tiisii kaleimei, ninado ahnyiigo tiiha punghasii kaleimei kang tei gonyiiniido nkang seilosii Inii gonyii dato khang leile.

2 KORENMEI 10:15

Mei kakimeimah tha hang kito, pyii kabam kamazhii ret doito majusii nyiinii detdi makle, nlenii gonyiimah kamalum tei moibuibuitu sekchii, gonyii kak kito nyiimah lubam tei disii tiimadi tangle katu ai nyiimah kamalumle.

2 KORENMEI 11:23

Ahnyii Krista ki kaleimeipo? Inii swibi kasumei hangninii takumpii tamsii leile. Nlenii Inii ahnyii sung bikaki kikaleimei hangniniile! Inii kisii teisii tha tiikile, Inii kabangki nlai nlailoisii liitle, Inii kisii tingrang kadat tei doule, sateichii nlai nlai loisii taitang karam kanatei Inii doule.

2 KORENMEI 4:1

Saraanii mpoumah lungsyii kapyii kito aitha ai tiilosii nyii dakii pyiitakle, teijangpii nyiinii lung taimakle.

2 KORENMEI 4:16

Aijangpii nyiinii lung taisang taimakle, nyii pumzainii adoidoi huilatsii leikado, nyii rangii teinii tingnei tingneikii tiiranu aitakle.

2 KORENMEI 5:9

Teijangpii Bangpii dzyii karanga tei nyiinii kalei bamlyii kito, nyiimah sazyii pouryiimah tiilung kito kado, mak-kii gongtang karam kana tiilung kito kado nyiinii tiinyiile.

2 KORENMEI 6:5

Nyiigo datle, kabang kikii bangle sateichii nyii phyiiryiikii mei moinii koi nrung patle, nyiigo tha katei tiimatusii, maziit kasu ninado moi kamazyii tei nyiigo pyiile.

GALATIMEI 6:2

Hangninanii hangninii mah pot kamaswi tei punghasii Kristamah ajaitingshang tei gong matwi matulo.

GALATIMEI 6:9

Teijangpiinii kabi tha katii kiteito nyiinii laksude. Kadapokii nyiinii lung nkhii suleponii, nyiinii rachet tang karam tinglang kabi tei gongtangle.

PILIPIMEI 2:16

Gonyiinii ahnyiigo karingmah kabi rasam katam kito gonyiinii teitii leponii, Kristamah leimik piinei; gonyii jangpii Inii detdi tang kaang tei leitangle; dapokii Inii mahungsii tha katiihang tei kadak makle katu tei aipii mangou tangle.

PILIPIMEI 4:3

Kamaswi pot pung njoi katu meihang, karing mah larekbung ki zei kalei, sapwimei aimeigo tiihalosii gonyii godo Inii khangleile, Daponii Klement sateichii n-gu njoisii tha katiimei hang go kaswisii kabi rasam tam katat kito ahnyiinii n-gu kaswisii teisii tha tiibamle.

KOLOSIMEI 1:11

Ka-nta tei njasii lunglum kati sateichii lungleh kati hang kito, mpoumah pumtei kavamah teima- ham taiswisii pumtei hang teipiinii gonyiigo tiisangting pyiisii,

1 THESOLONIKAMEI 1:3

Kadapokii gonyiimah kamalum tei dakumpii poisii tha tiileipo, gonyii mah lungkasyii teinii dakumpii gonyiigo teisii tha tiimatupo, satei- chii nyii Bangpii Jisu Krista dakii gonyii maning kamalum tei daziikapiinii sangtingpo katu tei nyiinii maningle.

1 THESOLONIKAMEI 2:9

Kadaponii kangsanamei, nyiinii katii kapung sateichii kamage kalak kaleh tei gonyiinii maning leile, nyiinii gonyiigo kamaswi tei pung matulak tang karam jangpii, tinghum tingna tha tiisii, nyiinii Saraamah kabi rasam tei gonyii dakii tam ralipyii takle.

1 THESOLONIKAMEI 5:12

Nlenii kangsanamei, gonyii kak kito tha tiisii kalei, Bangpii zei kito gonyii phyiiryiito kalei sateichii gonyiigo kristenmei mah tiilung kito tampyii ralipyiisii kalei ahnyii gotei tiigatpii titang karam jangpii,

2 THESOLONIKAMEI 3:13

Nlenii kangsanamei, gonyiinii kabi katii kito set sulo,

2 THESOLONIKAMEI 3:5

Sateichii Bangpiinii gonyii lung- tei Saraamah lungkasyii ninado Kristamah lung leh kati kiteikii chyiitat pyii matulo.

2 THESOLONIKAMEI 3:8

Sateichii nyiinii mei hangninii datodo matapii chiimakle, nlenii nyiinii gonyii mei kata hangninii kagodo tiimaswi kasu tiisii, nyiinii teisii tha katii kapung tei njasii tinghum tingna tha tiile;

1 TIMOTHI 4:10

Kadapokii aijangpii nyiinii kamagesii tha tiile sateichii ngam kabui tiisii mahung leile; kadaponii meihang jangpii routiisanii kamalum meimah keikapyii Bangpii tiisii kalei karing Saraa dakii nyiimah maning kamalum tei satto takle.

1 TIMOTHI 5:17

Doimajang katat tha tiigatpii tiisii kalei katingmeigo, routiisii samtam kito ninado katam karali kito tiigatpii tha tiisii kaleimei hang go njai hangna tiisii sadzyii ngariit katii tei tiimajyiilesii maning matulo.

HEBRUMEI 10:36

Kadapokii gonyiinii Saraamah kamaning kamazhii tei tiitang karam jangpii sateichii mpounii riishii tiikabam tei doutang karam jangpii, gonyiinii lung lehti tang karam kabi ai leile.

HEBRUMEI 12:1

Teijangpii nyiigo sakchyiimah mongjyii kadi hangninii teinii nyiigo bang magui kabam taiswisii, nyiinii kamaswi ninado nyiigo jum kalei kem hangtei nyiinii matou aide.

HEBRUMEI 13:13

Teijangpii nyiiniido mpoumah ka-nrou njai tei dou njoitang karam jangpii namki saba mpou datei tat tude.

HEBRUMEI 6:10

Kadapokii Saraanii majyii kasu gale, gonyiinii kamateimeigo tiikaha ninado aitoido tiihasii kalei gonyiinii tiikabam tha ninado mpou jangpii mangou kabam lungkasyii tei mpounii mangai lakle.

HEBRUMEI 6:12

gonyii hangnii kalui katang maning malum katu tiigatpii lung leh kati katang tei lungliit katu tei katang gonyiinii tiikamangou nyiinii mareile.

HEBRUMEI 6:15

Sateichii aitiisii mpounii lung lehti sii leh kalu kito riishii tiikapyii tei doutakle.

2 PITAR 1:6

gonyiimah swirek kati kiteikii gonyii roinapii gonyii pumpotgo jum kamajyii jum kamatwi, gonyii pumpotgo jum kamajyii jum kamatwi kiteikii lung leh kati, gonyiimah lung leh kati kiteikii Saraa kamaning.

MATIMANGOU KAPYII 1:9

Gonyii sanapii ninado Jisutai kaswimei hangninii tiisii gonyiigo kaswisii kamage kalak, ninado sagong sating sazyii ninado lung leh kati mah njai dou njoisii kalei Jon Inii Saraamah samtam ninado Jisunii kamati kamangou tei saa ka-mpat jangpii Patmos-sii kalat dwipii maguisii kalei sazyii kiteikii n-gu kai aitakle.

MATIMANGOU KAPYII 3:10

Gumah lung leh kati samtei nangnii swikalu jang- piinii, sazyii pouryiito lungkalei hang go jaiju tang karam jangpii sazyii pouryii bamlyii hangki gongtang karam jai kaju tinglang kiteito Iniido n-go jupyii tangle.