MATIMANGOU KAPYII 2:26 - KARANU KABI SAMTAM

²⁶ Sateichii ngam kalu ninado kalui katang gumah tha hang ryiisii kalei ah dateikii Inii luihang phyiiryiito teimaham pyiitangle;

MATIMANGOU KAPYII 2:26 Iomraidhean Croise

METIU 10:22

Sateichii gu zei jangpii gonyiigo meihangnii ngourou tangle, nlenii kalui katang tei leh kalumeigo keipyii tangle.

METIU 19:28

Jisunii ahnyii dakii tamle, “Inii gonyii dakii kasangpii tam leile, Kasatai sazyii pouryii kiteito meinah sapfii mpou teinii mpoumah pumtei kava sagong bamki kabam tinglang kitei gutai swikalu gonyiido sagong- bam keariisiinakhii gamtei bamsii Isrelmei mah Lui keariisiinakhiigo samtak tiitangle.

METIU 24:13

Nlenii kalui katang leh kalu meigotei keipyii tangle.

JONNII KARYII KABI RASAM JUKAMATI 6:29

Jisunii ahnyii dakii khekalatle, “Mpounii lang magong kabam ahgo gonyiinii kamalum katu ai Saraanii kamarei tha teile.”

ROMMEI 2:7

Mei kangkanii tha kabi tei tiisii tiisii pumtei kava go sadzyii ngariit katiigo, sateichii gakalak karing go fiisii bamle. Ahnyii dateikii Saraanii kalui kaga karing tei pyii tangle.

ROMMEI 8:37

Teitii kido akaang aihang kito nyiigo lungsyii kapyiipii paito nyiinii kangam kito kisii kangam teile.

1 THESOLONIKAMEI 3:5

Aijangpii Iniido nlailoisii lehpei kalak tinglang kito, gonyiigo kahem teinii hemwo tang karam sateichii nyiimah teisii tha katii tei kadak aitang karam gotei hingsii, Inii gonyiimah kamalum tei titang karam jangpii mpougo lang magong leile.

HEBRUMEI 3:6

Nlenii Saraamah ki kalung teito nah sapfii mpou tei tiisii Kristanii malum kabui tei tiile. Nyiinii maning malumsii kalei kiteito nyiinii lung kadi ninado nyiimah lung kalum tei jumsii lei leponii, nyiinii mpoumah ki teile.

JEMS 2:20

Kapangmei gonyii, tha haisupii kamalum ai kataile katu gonyiigo tiimangou lopo?

1 JON 2:19

Ahnyiinii nyii dato tatpat takle, nlenii ahnyiinii nyiimah makle, dapokii ahnyii ai nyiimah leponii, ahnyiinii nyiigo kaswisii lungjousii leitangle, nlenii ahnyii hang ai nyiimah makle katu mangou tang karam jangpii tatpat takle.

1 JON 3:23

Sateichii ai ai mpoumah kakhatsamle, katunii, mpounah sapfii mpou Jisu Krista zei kito nyiinii malum tang karamle sateichii mpounii nyii dakii kakhat kabam takumpii, hangninanii hangniniigo nyiinii kalungsyii tang karamle.

1 JON 5:5

Sateichii Jisugo Saraa nahlesii kamalum ah tei supiinii, sazyii pouryiigo kangam ah tei tapo?

MATIMANGOU KAPYII 2:11

“Rangiinii Charsh dakii tam kalei tei khoi pung kaleimei hangnii shiimatulo. Ngam kalumei hang gotei hangna kashang katai teinii kadeng tei gatangle.

MATIMANGOU KAPYII 2:17

“Rangiinii Charsh hang dakii tam kalei tei khoi pung kalei mei- hangnii shiimatulo. Ngam kalu ah dakii Inii kamakum manna tai pyiit- angle sateichii kuitu kaha hangninii ninado kuitu phyiiryiikii ryiikabam kasatai zei hangninii tei Inii ahdakii pyiitangle, teitei doukalu ah teisu- piinii mei kaniido zei tei timakle.’

MATIMANGOU KAPYII 2:7

“Rangiinii Charsh dakii tam kalei tai khoi pungkalei meihang teinii shiimatulo, ngam kalu ah dakii Saraamah Paradais kito kalei karingmah ruibang kiteito chii matu- tang karam jangpii Inii pyiitangle.’

MATIMANGOU KAPYII 20:4

Sateichii sagongbam hangtei Inii ngoutakle, sateichii teigamto bam kaleimeihang dateikii samtak katii- mah teimaham tei pyiitakle. Satei- chii Jisumah sakchyii kapung jangpii sateichii Saraamah samkang jang- piinii phyiibaatoi kaleimei hangmah, ninado saramkownahgo mak-kii ahmah tingtu paramgo mata kasu ninado ahnyiimah seiphang gamkii mak-kii bah gamkii siiti tei doukasu ahnyiimah rakot hang gotei Inii ngoutakle; sateichii ahnyiinii ring- khiisanii, Kristago kaswisii tingkum tangkii magong takle.

MATIMANGOU KAPYII 21:7

Ngam kalumei hangteinii aihang ai doutangle, sateichii Inii ahmah Saraa ninado ahnii gunah sapfii mpou tei tiitangle.

MATIMANGOU KAPYII 22:5

Sateichii tinghum katu tei leiloi lakle. Ahnyii jangpii thaomimah mak-kii leimikmah kava tei kabi gale, kadapokii Bangpii Saraa teinii ahnyiimah kava tei tangle, sateichii ahnyiinii kalui gasii sagong tiisii magong tangle.

MATIMANGOU KAPYII 3:12

Ngam kalu ah gotei Inii gumah Saraamah kamateiki mah ki acheng hangninii tiimatu tangle sateichii ahnii bam teiki teito tatsang tat tulakle, sateichii gumah Saraamah zei, gumah Saraamah namdimah zei gumah Saraa dato, Sating gamto kahum kasatai Jerosalem sateichii gumah kasatai zeitei Inii ah phyiiryiikii ryiikai pyii tangle.

MATIMANGOU KAPYII 3:21

Inii ngam wosii gu pfiimah sagongbam kiteito ahgo kaswisii bam kalei takumpiinii, ngam kalu ahgodo n-gu kaswisii sagongbam kiteito kaswisii bam matutang karam mah amajyii tei Inii pyiitangle.

MATIMANGOU KAPYII 3:5

Ngam kalu ah gotei aitiisii peimani kaha kaipyii tangle; sateichii Inii ahmah zei tei karingmah larekbung kiteito poisang poitoipyii lakle, sateichii Inii ahmah zeitei gu pfii doito sateichii mpoumah sating gamluihang doito mazhiipyii tangle.