MATIMANGOU KAPYII 2:13 - KARANU KABI SAMTAM

¹³ Nangnii lungkalei bam tei Inii tile, teikito seitanmah sagongbam leile, Sei- tannii lungkalei bamni teito, malum kabui gumah sakchyii, Antipasgo kagi tinglang kikak katangdo, gonyiinii gu zeigo kamalum tei toi aimakle sateichii gonyiinii gudato kasangle.

MATIMANGOU KAPYII 2:13 Iomraidhean Croise

METIU 10:23

Ahnyiinii gonyiigo namdi aikito kaset kalak kapyii tinglang kak; kaki hangniniiki pak galo; kadapokii Inii gonyii dakii kasangpii tam leile, meinah sapfii mpou teinii gong kasunakii gonyiinii Isrel mah nam hang kitei gong mashangpei wolakle.

METIU 24:9

“Teito ahnyiinii gonyiigo tiika- mage tang karam jangpii pyiitangle sateichii gonyiigo gitangle ninado Lui hangnii gu zei jangpii gonyiigo ngourou tangle.

METIU 4:10

Teito Jisunii mpou dakii tamle, “Tat tulo, Seitan; daponii aitiisii ryiibamle, ‘Nangnii Bangpii go Saraa gotei mata tang karamle, sateichii nangnii mpougo roinii nga-ngatangle!’ ”

LUKNII KARYII KABI RASAM JUKAMATI 21:17

Sateichii meihangnii gonyiigo gu zei jangpii ngou routangle;

TIILAMLWI KAPYIIMEI THA JUKAMATI 22:20

Sateichii gomah sakchyii katiipii Stifan mah zai kapat tinglang kak, gupum sekpiiniido akuto satdo satsii mazhiido mazhii kapyii ninado mpougo kagimei hang mah peimani tei koisii leile.’

TIILAMLWI KAPYIIMEI THA JUKAMATI 9:14

sateichii aikito gozeigo kalatmei hang go jumtang karam jangpii kanat kanhii kajum Atingmei dato teimaham tei mpounii doutakle.”

1 THESOLONIKAMEI 5:21

Nlenii mahlyii hangtei ajai julo, kabi tei tiigatpii jumlo,

1 TIMOTHI 5:8

Nlenii mei kata hangninanii ahki kalungmeigo, rou- tiisii ahki kalung mpungmeigo jusu- leponii, ahnii kamalum tei mazhii kasu tiitakle sateichii malum kasumei sungdo ahnii kisii shyiitakle.

2 TIMOTHI 1:13

Krista Jisu dato kalei kamalum ninado lungka- syii kito, nangnii gudato shiikalu kabi samhang mah tiikamangou nda tei tiilo.

2 TIMOTHI 2:12

Nyiinii kamage kalak hangtei pungwo leponii, nyiiniido mpougo kaswisii sagong tiisii magongsii lung tangle; nyiinii mpougo mazhiisu leponii, mpouniido nyiigo mazhiipyii lakle.

HEBRUMEI 10:23

Nyiinii tam kalei nyiimah maning kamalum tei sang- tingsii jumjoude; dapodinchii Saraanii mpoumah riishii tei majang lakle katu tei nyiinii mpougo malum wobuile.

HEBRUMEI 3:6

Nlenii Saraamah ki kalung teito nah sapfii mpou tei tiisii Kristanii malum kabui tei tiile. Nyiinii maning malumsii kalei kiteito nyiinii lung kadi ninado nyiimah lung kalum tei jumsii lei leponii, nyiinii mpoumah ki teile.

JEMS 2:7

Gonyii dakii pyiikabam zei kabi gotei ahnyiinii tam mashyii makpo?

MATIMANGOU KAPYII 1:5

Sateichii malum kabui sakchyii, kataimei kak kito ringkhii karei, sateichii sazyii pouryii hangmah apum tiikalei Jisu Krista dato jumage kapyii ninado kamajung tei gonyiigo kaswipyii matulo. Nyiigo lungsyii kapyii mpoumah zai teipiinii nyiimah kem kito nyiigo laat mpatpyii takle;

MATIMANGOU KAPYII 11:3

Sateichii Inii gumah sakchyii hangna dakii teimaham pyiitangle sateichii ahnyiinii alhiipei basii leimik tangkii haina reksarok ai Saraa sam saa mpat tangle.”

MATIMANGOU KAPYII 12:11

Sateichii ahnyiinii mpougo Jaonah mah zai teipii sateichii ahnyiimah sakchyii kapyiimah sam- kang teipiinii ngam wotakle, kada- pokii ahnyiinii ahnyiimah tiilung gotei katai katang marai makle.

MATIMANGOU KAPYII 13:2

Sateichii Inii kangou saramkow tei Kowrokgo raile, sateichii ahmah pi kouzhii teinii sahom takumle, sateichii mwijong teinii nongsa mah mwijong takumle. Sateichii mwigatpwi teinii ahmah teimahamle, sagongbam ninado teimaham kadi tei ahgo pyiitakle,

MATIMANGOU KAPYII 14:12

Saraamah kakhatsam ninado Jisumah kamalum go swisii kalei kamateimei hangnii lung lehti tang karam jangpii lat leile.

MATIMANGOU KAPYII 17:14

Aihang ainii jaonah phyiiryii teikii saryii tiitangle, sateichii jaonah teinii ahnyiigo ngam tangle! Kadapokii ahnii Bangpii hangmah Bangpiile, sateichii sagong hangmah Sagongle; sateichii ahgo kaswi kalei teinii lat kalumei, kalai kalumei ninado malum kabuimei hangteile.”

MATIMANGOU KAPYII 17:6

Sateichii sapwi mpei teinii kamateimei ninado Jisu sam kaswi- meigo kagimah zai tei sak panhii wosii kalei tei Inii ngoutakle. Inii mpoupeigo ngou wosek-kii, Inii hangkapii sung gatakle.

MATIMANGOU KAPYII 2:2

Gomah tha, katii kapung, lung leh kati ninado kashyii kahongmeigo nangnii lung lehpei lakle katu ninado mpouroinapii mpougo tiilamlwi kapyiimeisii kalat, nlenii kasang kasumei hang go jai jusii ahnyiimah kachui nangnii doutakle katu Inii tile.

MATIMANGOU KAPYII 3:11

I-kalangsii gongtu tang takle, meikaniido gomah phyiihung tei poitoi matu kasu tiisii, gomah kalei tei tiigatpii jum wolo.

MATIMANGOU KAPYII 3:3

Teipiinii nangnii kadapei dou wopo sateichii kadapei shii wopo katu maning gonglo, sateichii teitei swi wosii lungkali wolo. Nangnii gungkhii wosu leponii, karagamei takumpiinii Inii gong tangle, sateichii Inii go phyiiryii tinglang kadadou gong tangpo katu nangnii tisang tilakle.