MATIMANGOU KAPYII 2:10 - KARANU KABI SAMTAM

¹⁰ Gonyiinii doutang karam kamage kalak gotei hingsulo. Julo, gonyiigo jai jutang karam jangpii seitannii gonyii kangkagonii kabang kikii toikai tangle, sateichii gonyiinii leimik kearii kamage kalak tei doutangle. Gonyiinii katai katang tei malum kabuimei tiilo, sateichii Inii gonyii dakii karingmah phyiihung tei pyiitangle.

MATIMANGOU KAPYII 2:10 Iomraidhean Croise

METIU 10:22

Sateichii gu zei jangpii gonyiigo meihangnii ngourou tangle, nlenii kalui katang tei leh kalumeigo keipyii tangle.

METIU 10:28

Sateichii pumpotgo gi wosii rangiigo gipei wokalak ahnyii gotei hing sulo; nlenii rakot godo pumpot godo mibam kito tiimaga wokabui Ahgotei hinglo.

METIU 24:13

Nlenii kalui katang leh kalu meigotei keipyii tangle.

MARK 13:13

Meihangnii gonyiigo gu jangpii ngourou tangle, nlenii kalui katang leh kalumei teinii keikapyii tei doutangle.

MARK 8:35

Kadapokii mei kata kangkanii mpou mah karing keikanyiimei teinii karing tei maga tangle; sateichii mei kata kangkanii gujangpii sateichii kabi rasam jangpii mpou mah karing maga kaleimei hangteinii keikapyii tei doutangle.

LUKNII KARYII KABI RASAM JUKAMATI 21:12

Nlenii matum madum ai pat kasunakii, ahnyiinii gonyiigo jumtangle, sateichii tiika- mage tangle, ahnyiinii gonyiigo Jehudimei Ndwiki nikii sateichii kabang kikii kaisii, gu zei jangpiinii Sagongmei ninado Governor doikii pangkhii tangle.

JONNII KARYII KABI RASAM JUKAMATI 12:25

Mpou- mah karing go lungsyiisii kaleimei teinii teitei magale, sateichii sazyii pouryii aito mpou mah karing go ngou karoumei teinii teitei kalui kaga karing jangpii kaibam tangle.

JONNII KARYII KABI RASAM JUKAMATI 13:2

Sateichii Saimon nah sapfii mpou Judas Iskariot lung kikii mpougo schoi choikai tang karam jangpii seitan nii reipii kaipyiisanii,

JONNII KARYII KABI RASAM JUKAMATI 13:27

Sateichii tiirok chengniikii kapyii taito seitan teinii mpou lung liit totakle, teijangpii Jisunii mpou dakii tamle, “Nangnii tiitang karam tei kalangsii tii ailo.”

TIILAMLWI KAPYIIMEI THA JUKAMATI 20:24

Nlenii gumah tii- kamajyii ninado Saraa mah kalung- set mah kabi rasam mah sakchyii pyiitang karam jangpii, Bangpii Jisu dato Inii doukalu atha tei Inii tiimashang tang karam jangpii, Inii gumah tiilung ai amai bamlesii, ninado gudato maiteenglesii maning makle.

TIILAMLWI KAPYIIMEI THA JUKAMATI 21:13

Nlenii mpounii khekalatle, “Gonyii kadapei tiileipo, aitiisii hatsii ninado gulung tiipaksii? Jerosalem kito n-gu reng peitang karam jangpiinii Inii tiikada takle.”

1 KORENMEI 9:25

Nhok kamaga katuki hai kaleimei hang- teinii mahlyii hang kito mpou pumgo pungmatui pung majyiisii bamle. Ahnyiinanii gatu kabui kangam phyiihung tei doutang karam jangpii teitei tiileile, nlenii nyiinanii gatu kalak kangam mah phyiihung tei doutang karam jangpiinii tiileile.

IPISAMEI 2:2

Tei tinglangki gonyiinii sazyii pouryiimah kashyii tai tei swisii, aitoi tinglang ki Saraanii katam swikasu sating nei sazyii kak kamarong kito apum tiisii kalei rangiimah teimaham hang gotei gonyiinii kaswisii leile.

IPISAMEI 6:12

Kadapokii nyiigo ngoukarou saryiimei teinii pumzai phyiiryiikii makle, nlenii apum katiimei hang phyiiryiikii, teimaham kajum mei hang phyiiryiikii, kamyii ai sazyii pouryiimah apum katiimei phyiiryiikii, sating gam mah bam hang kito kashyii rangii tiisii kalei hang phyiiryiikii, saryii tiitang karam jangpiile.

JEMS 1:12

Jaikaju lehsii kaleimei sadoi bile, kadapokii jaikaju kiteito mpounii satto sekchii, mpougo lungkasyii meigo Saraanii pyiitanglesii riishii tiikabam karingmah phyiihung tei mpounii doutangle

1 PITAR 5:4

Sateichii aphyii kasat Jaokakoipiigo mati kamangou kak, myiisang myiikalak vakabi phyiihung tei gonyiinii doutangle.

1 PITAR 5:8

Gonyii pumpot jum majyii jum matwilo, sakai wolo; gonyiimah ngou karou seitan tei nrung kalei nongsa takumpii kangkago poichii tang karam jangpii fiitatsii leile.

MATIMANGOU KAPYII 13:14

sateichii karei saram- kow dateito tiimangou matutang karam jangpii ah dakii pyiikabam sung kaga hangteipii ahnii sazyii pouryiito lungkalei hang go chuisii hem wotakle, saryiikhangpii rajam wokido, ringkatu saramkow mah tingtu param hangninii ai sazyii pouryiito lungkalei hangnii tiilosii ahnii tam takle.

MATIMANGOU KAPYII 13:2

Sateichii Inii kangou saramkow tei Kowrokgo raile, sateichii ahmah pi kouzhii teinii sahom takumle, sateichii mwijong teinii nongsa mah mwijong takumle. Sateichii mwigatpwi teinii ahmah teimahamle, sagongbam ninado teimaham kadi tei ahgo pyiitakle,

MATIMANGOU KAPYII 13:7

Sateichii kamatei meihang go saryii tiisanii ahnyiigo ngam tang karam mah teimaham tei ahdakii pyiitakle; sateichii sadung, lui, lat ninado meilui hang phyiiryii teito teimaham tei ah dakii pyii bamtakle.

MATIMANGOU KAPYII 17:14

Aihang ainii jaonah phyiiryii teikii saryii tiitangle, sateichii jaonah teinii ahnyiigo ngam tangle! Kadapokii ahnii Bangpii hangmah Bangpiile, sateichii sagong hangmah Sagongle; sateichii ahgo kaswi kalei teinii lat kalumei, kalai kalumei ninado malum kabuimei hangteile.”

MATIMANGOU KAPYII 2:13

Nangnii lungkalei bam tei Inii tile, teikito seitanmah sagongbam leile, Sei- tannii lungkalei bamni teito, malum kabui gumah sakchyii, Antipasgo kagi tinglang kikak katangdo, gonyiinii gu zeigo kamalum tei toi aimakle sateichii gonyiinii gudato kasangle.

MATIMANGOU KAPYII 2:9

“‘Gonyiimah kamage kalak ninado kaga tei Inii tile–Nlenii gonyiinii kasangpii mah nile! Satei- chii Jehudimei kasangsupii, ahnyii roinapiinii ahnyii Jehudimei lesii tamsii kalei, Seitanmah abemei tiisii kaleimei teinii gonyii phyiiryiikii samlat kashyii tam kalei tei Inii tile.