MATIMANGOU KAPYII 19:9 - KARANU KABI SAMTAM

⁹ Sateichii sating gamlui teinii gudakii tamle, “Ai ai ryii wolo: Jaonah mah myiikapang takbai tei gonghai losii lat kalumei hangtei sadoibile.” Sateichii Ahnii gudakii tamle, “Aihang ai Saraamah kasang samkang hang teile.”

MATIMANGOU KAPYII 19:9 Iomraidhean Croise

LUKNII KARYII KABI RASAM JUKAMATI 22:16

Kadapochiinii Inii gonyii dakii tam leile, Saraamah sating sazyiiki teito ai-ai madougong kasuta, Inii ai-ai chiiloi lak takle.”

1 TIMOTHI 1:15

Jisu Kristanii kakui kama meigo keipyii tang karam jangpii sazyii pouryii gongpyiile katu ai malum wobuile sateichii nyiinii lukai tang karam jangpii tam kalei sam ai kasangle sateichii kem kama mei hang kak kiteito kem tiikaki tei I-le,

1 TIMOTHI 4:9

Tam kalei samtam ai matwisii lukai tang karam ninado malum tang karam jangpii kasangle.

2 TIMOTHI 2:11

Tam kalei sam ai malum wobuile. Nyiinii mpougo kaswisii tai aitakleponii, nyiinii mpougo kaswisii ringdo ring njoitangle.

TAITAS 3:8

Tam kalei ai kasangle, Saraago kamalum mei teinii kabi tha tiitang karam jangpii, ahnyiimah tinglang tei ahnyii roinapii jumatou kabui tiisii nangnii tiigatpii kaang aihang ai tam kapyii Inii mareile, aihang ai meihang jangpii bi kabui ninado liipat doukabui mareile.

MATIMANGOU KAPYII 1:1

Kalangsii pat tang karam sam Saraanii Jisu Krista dakii mati mangou pyiisii mpounii mpouki kaleimei dakii mangoupyii matu tang karam jangpii, mpounii mpoumah sating gamluigo lang magongsii mpouki kaleipii Jon dakii mati pyiile.

MATIMANGOU KAPYII 1:19

Teijangpii nangnii kangou hangtei, aitoi ninado sushang aitainii pat tang karam hangtei ryiiwolo;

MATIMANGOU KAPYII 10:4

Sateichii sating katwi sana teinii ka-nra tinglang kak, Inii ryiikai aina takle; “Sateichii sating katwi sana teinii tam ka-mpat hangtei seal kai ailo, nlenii ryiinii ryiikai sulo,” sii katam sating gamto rok hangninii Inii shiitakle.

MATIMANGOU KAPYII 14:13

Sateichiisating gamto rok hangninanii aitiisii katam Inii shiitakle, ai ryii wolo: Aitoisekpiinii Bangpii dato tai kaleimei hangtei sadoibile. Rangiinii tamle, “Nle, sadoibi kasangle. Ahnyiimah tha katii kito ntak matulo; kadapokii ahnyiimah tha tei ahnyiigo kaswi leile!”

MATIMANGOU KAPYII 17:1

Teito kok sana kalei sating gamlui sana kak kito hangninanii guda patsii tamle, “Patlo, sazyii pouryii sagongmei hangnii mpoupeigo kaswisii ma- shung kamaha tha katii ninado mashung kamaha tha katiimah jou teipii sazyii pouryiito lungkaleimei hangnii panhiisii kalei,

MATIMANGOU KAPYII 17:17

Kadapokii Saraamah samkang hangtei gong matwi kasuta, ahmah kamaning tei tiimatu tang karam jangpii, lungswi hangninii matu tang karam ninado saramkow dateikii ahnyiimah sagongmah teimaham tei pyii matu tang karam jangpii Saraanii ahnyii lung kikii kaipyii bam takle.

MATIMANGOU KAPYII 2:1

“Ipisa kito kalei charsh mah rangii dakii ryiilo: bah ajiilamkii sageiti sana poikalei, sona mah thaomi kadungpii sana kak kito tatpat tatliitsii kalei Ah teinii sam hang ai tam leile!

MATIMANGOU KAPYII 2:12

“Pergamam Charshmah rangii dakii ryiilo! Mwi mwina kapung mwi kabi saryiikhang kalei Ah teinii sam hang ai tam leile.

MATIMANGOU KAPYII 2:18

“Sateichii Thyatira kito kalei Charshmah rangii dakii ryiilo: mi mishong takum katu mik kapung ninado piitmatei kalei kamaleek sa- nahgyii takumpii vakalei pi kouzhii kapung, Saraa nah sapfii mpou teinii sam hang ai tam leile.

MATIMANGOU KAPYII 2:8

“Smarna charshmah rangii dakii ryiilo: katai kito ringkhii kalu karei ninado kana, Ah teinii sam hang ai tam leile.

MATIMANGOU KAPYII 21:5

Sateichii sagongbam kito bam kalei ah teinii tamle, “Julo, Inii mah- lyiihang tiisatai pyii takle.” Sateichii Ahnii tamle, “Ai ryii wolo; kadapokii samhang ai malum wokabui ninado kasangle.”

MATIMANGOU KAPYII 22:6

Teito Ahnii gudakii tamle, “Samkang hang ai malum kamajyii ninado kasangle; sateichii lungka- kalingmei mah rangii hangmah Bangpii Saraa teinii madousupii pat tang karam hangtei ahmah kikalei- mei hang dakii mangou matu tang karam jangpii ahmah sating gamluigo lang mpat takle.”

MATIMANGOU KAPYII 3:1

“Sardis kito kalei Charshmah rangii dakii ryiilo, Saraamah rangii sana sateichii sageiti sana kalei Ah teinii sam hang ai tam leile, Inii gomah tha hangtei tile, nangnii karing mah zei doukalei tei Inii tile, sateichii nangnii kataile.

MATIMANGOU KAPYII 3:14

“Laodisiya, kito kalei Charsh- mah rangii dakii ryiilo, Amen sii kalat, malum kabui ninado kasang sakchyii Saraa baichem mah apum katii Ah teinii sam hang ai tam leile.

MATIMANGOU KAPYII 3:20

Julo, Inii takam pibangto satsii kakhii leile, mei kata hangninanii gumah roktei shiisii takam tei laatpyii leponii, Inii ah dato liit tosii, Inii ahgo kaswisii sateichii ahnii n-gu kaswisii chii sak njoitangle.

MATIMANGOU KAPYII 3:7

“Philadelphiya kito kalei charsh- mah rangii dakii ryiilo, kamatei, kasang, Devit mah chabyii jumsii kalei, laat aisekchii mei kaniido takam kalak, sateichii takam aisekchii mei kaniido laat kalak ah teinii sam hang ai tam leile.