MATIMANGOU KAPYII 16:14 - KARANU KABI SAMTAM

¹⁴ Ahnyii teinii sung kaga tha hang tiisii kalei sara ka- shyiimah rangiihang teile. Ai rangii hangtum ainii ahnyiihang go Saraa kadimah leimik kadipiinei saryii tiitang karam jangpii poi nkom tang karam jangpii sazyii pouryiimah sagong hangda tatpatle.

MATIMANGOU KAPYII 16:14 Iomraidhean Croise

METIU 24:14

Sateichii sagong sazyii mah rasam ai Lui hang dakii sakchyii tiisii sazyii pouryii bamlyii hang kikii tam ralipyii tangle; teito kalui tei gongtangle.

METIU 24:24

Kadapokii kasang kasu Krista ninado kasang kasu Lungkakalingmei gong tangle; satei- chii mazhii leponii Saraanii kalai kalumeigo katangdo hemsii kama pwidi kikii chyiitat tang karam jangpii mei tiikalak tiikamangou siiti kadi hang sateichii sung kaga hang tiimangou tangle.

MARK 13:22

Kadapokii Krista zei katiimei ninado Lungkakalingmei zei katii pat tangle, sateichii tiikabuinii, Saraanii kalei kalumei go katangdo chyiitatma tang karam jangpii tiikamangou ninado kamadat tha hangdo tiimangou tangle.

LUKNII KARYII KABI RASAM JUKAMATI 2:1

Teitinglang dou aitiisii pat takle; sazyii pouryiimei hangmah meilui fiilosii sagong Kaisor Agastas dato mwija pat takle.

JONNII KARYII KABI RASAM JUKAMATI 8:44

Gonyii ai gonyii pfii seitan dateitole, sateichii gonyii pfii mah kamarei ka-ntha hang tiitang karam tei gonyii mah kamaning kamazhii teile. Ahnii nu saroisekto meigo kagi kabaameile sateichii kasang gotei kaswisii tha tiitang karam samah kado gale; dapochiinii ahda kasang tei gasang gale. Ahnii kachui sam katam kak nunuto kalei ahmah jai taiswisii malhiile, kadapokii ahnii kachuipiile ninado teimah pfii teile.

ROMMEI 1:8

Karei reisang kito Jisu Krista paito gu Saraa go Inii hakalang tamle, kadaponii gonyiimah kamalum tei sazyii pouryii hangnii shiilei takle.

2 THESOLONIKAMEI 2:9

Kashyii kahongmei teinii seitan- mah teimaham teipii gongsii kasang kasu sung kaga ninado kamadatlyii hang tiimangou tangle.

1 TIMOTHI 4:1

Rangiinii matei sageisii tamle, katunii kana tinglangki mei kangkanii kamalum tei rat toi aitangle; ahnyiinii kasang kasu rangii hangnii katam tei jaitangle sateichii seitan hangmah rali kapyii tei switangle;

JEMS 3:15

Tei kakum swirek kabi tei sagoi gamto kahum tei makle, nlenii tei- teinii sazyii pouryiito, rangiimah kasu, sara kashyii mahle.

1 JON 5:19

Nyiinii Saraamahle, sateichii sazyii pouryii hangnii sara kashyii kang nkangsii leile katu nyiinii tile.

MATIMANGOU KAPYII 12:9

Ndou peipaomei mah sanhii, mwigatpwi sii kalat sara kashyii ninado seitan–- kasang kasupii chuisii kahem ah gotei sazyii pouryiikii toi m-mang aitakle, sateichii ahmah sating gamlui hangtei ahgo kaswisii toi m-mang aitakle.

MATIMANGOU KAPYII 13:3

sateichii ahmah phyii- bung hang kak kito phyiibung hangniniigo tai kabui tiisii rajam kabam takumpii Inii ngoule, nlenii rajam tei biwotakle, sateichii sazyii pouryii hangnii sung gatakle satei- chii saramkow teitei swiwo takle.

MATIMANGOU KAPYII 16:16

Teito rangii hangteinii sagong- mei hang go tei Hebrumei latpii “Armagedon” sii kalat kiteikii poi nkom wotakle.

MATIMANGOU KAPYII 16:7

Teito Saraago pyiikatoibam kiteito aitiisii tam kalei rok hangninii Inii shiile, “Bangpii Saraa kadi! Gomah samtak katii hangteinii majyiile ninado kasangle!”

MATIMANGOU KAPYII 17:14

Aihang ainii jaonah phyiiryii teikii saryii tiitangle, sateichii jaonah teinii ahnyiigo ngam tangle! Kadapokii ahnii Bangpii hangmah Bangpiile, sateichii sagong hangmah Sagongle; sateichii ahgo kaswi kalei teinii lat kalumei, kalai kalumei ninado malum kabuimei hangteile.”

MATIMANGOU KAPYII 20:8

sateichii sazyii pouryii saka madaito kalei luihang, Gog ninado Magog go kasang kasu teipii chuisii hem tang karam jangpii ninado saryii kikii poi ndui tang karam jangpii pat tangle. Ahnyii teinii dwi- jaimah kangneng jyiika moitangle.

MATIMANGOU KAPYII 3:10

Gumah lung leh kati samtei nangnii swikalu jang- piinii, sazyii pouryiito lungkalei hang go jaiju tang karam jangpii sazyii pouryii bamlyii hangki gongtang karam jai kaju tinglang kiteito Iniido n-go jupyii tangle.

MATIMANGOU KAPYII 6:17

kadapokiiahnyiimah rakarhiimah leimik kadi tei gongtakle sateichii tanii teidoi teito satto buipo?”