MATIMANGOU KAPYII 14:15 - KARANU KABI SAMTAM

¹⁵ Sateichii kaki sating gam- lui hangninanii Saraa kamaningki nito tatpatsii mongjyii phyiiryiito bam kalei ah dakii rok sagoisii tamle, “Gomah kadou tei poi wosii rachet tulo, kadapokii rachet tang karam tinglang tei gongtakle, kadapokii sazyii pouryiimah lutei mwitakle.”

MATIMANGOU KAPYII 14:15 Iomraidhean Croise

METIU 13:30

Rachet kasuta katang tei rhiimah ninado rhii hangna gotei kaswisii lung matulo, sateichii karachet tinglang ki Inii lu karachet mei dakii, ‘Rhiimah tei reipii poi ndwi wosii mi kikii rutoi tang karam jangpii akhei khai tiisii pai ailo, nlenii rhii teinii gubou kikii poi ndwi ailosii tam tangle.’ ”

METIU 13:39

ahnyiigo ralikai kapyii ngou karoumei teinii sara kashyii teile, karachet tinglang teinii, sazyii pouryii mah kalui teile, sateichii lu karachet mei teinii sating gamlui hang teile.

METIU 23:32

Teileponii gonyiipei gonyii pao- meinii tiibang kabam tei tiimashang ailo!

MARK 4:29

Sateichii arhiibwi tei mwi sek-kii ahnii kadao poisii arhii tei gat tule, kadapokii karachet tinglang tei gongtakle.”

1 THESOLONIKAMEI 2:16

Jehudimei kasu luikakimeigo keipyii tang karam sam katam tei ahnyiinii namle; teipiinii ahnyii mah kem kama mah ajhii kamashak kaleita tei tiitokryiile. Nlenii Saraa mah rakarhii tei aitoinii ahnyii phyiiryii gong takle!

MATIMANGOU KAPYII 11:19

Sateichii sating gamto kalei Saraamah Saraa kamaning kitei laatpyii takle, sateichii mpoumah sat tang karam samtam mah rangbung tei mpoumah Saraa kamaning kilungto ngoutakle; sateichii kaka- peekmah kava, rok hang, sating katwi hang, malyii kachyii ninado hungsii kashiiti tak kamangtei pat takle.

MATIMANGOU KAPYII 13:12

Sateichii karei saramkow mah teimaham hangtei ah doito poisii tha tiile, sateichii rajam pung- kalei bikalu karei saramkow gotei sazyii pouryii ninado teilungto lungkalei hang go mata matutakle.

MATIMANGOU KAPYII 14:14

Sateichii Inii jule, ninado julo, mongjyii kaha ninado mongjyii phyiiryii teito aphyii gamkii sanapii katii sagong phyiihung sateichii bah kikii mwi kabi kadou kalei meinah sapfii mpougo karai hangninanii bamle.

MATIMANGOU KAPYII 14:16

Sateichii mongjyii phyiiryiito kabam ah teinii sazyii pouryiikii ahmah kadou tei m-mang pyiisanii sazyii pouryiigo rachet takle.

MATIMANGOU KAPYII 14:17

Sateichii kaki sating gamlui hangninanii sating gamto kalei kamatei Saraa kamaningki teito tatpat takle, sateichii ahdo mwikabi kadou hangninii leile.

MATIMANGOU KAPYII 14:18

Sateichiimi phyiiryiito teimaham kalei kaki sating gamlui hangninanii Saraago pyiikatoibam kiteito tatpatsii, kadou mwikabi poikalei ah dakii rok sagoisii latle, “Gomah kadou mwikabi tei poiwosii sazyii pouryiimah darkha riitilu kiteito darkhati hangtei rachet tulo, kadapokii darkhati tei mwitakle.”

MATIMANGOU KAPYII 15:6

sateichii Saraa kamaningki lung teito Sararahum sana kaswi kalei Sating gamlui sana teinii kamatei ninado kamaleek pei kamanoi natkai kai wosii, sateichii ahnyii takou tei sona haikak kak wosii pat katu tei Inii ngoutakle.

MATIMANGOU KAPYII 16:17

Sateichii sana kashang sating gamlui teinii ahmah koktei tingkai kikii rui mpat takle; sateichii Saraa kamaningki lungto rok kasagoi hang- ninanii sagongbam kiteito tatpatsii tamle, “Tei shang takle!”

MATIMANGOU KAPYII 6:10

Ahnyiinii rok sagoisii saale, “Kamatei ninado kadi kathang Bangpii!” Sazyii pouryii lung kalei- meigo tinglang kada thakii samtak tei tiisupii sateichii nyiigo kagimei- mah powtei ruisupiinii bam tangpo?