MATIMANGOU KAPYII 14:13 - KARANU KABI SAMTAM

¹³ Sateichiisating gamto rok hangninanii aitiisii katam Inii shiitakle, ai ryii wolo: Aitoisekpiinii Bangpii dato tai kaleimei hangtei sadoibile. Rangiinii tamle, “Nle, sadoibi kasangle. Ahnyiimah tha katii kito ntak matulo; kadapokii ahnyiimah tha tei ahnyiigo kaswi leile!”

MATIMANGOU KAPYII 14:13 Iomraidhean Croise

METIU 3:17

sateichii’ julo, sating gamto rok hangninanii tamle, “Ai ai Inii lungkasyii gunah sapfii mpou teile, Mpougo Inii hangkapii lung- mangle.”

LUKNII KARYII KABI RASAM JUKAMATI 16:25

“Nlenii Abrahamnii khekalatle, ‘Nah sapfii mpou, maning gonglo, katunii gotiilung kito nangnii kabi hangtei doutakle, sateichii Lazarus nii tei takumpii kashyii hangtei dou- takle. Nlenii aitoinii mpounii aikito samousii bam takle, sateichii nangnii kamage dousii bam takle.

LUKNII KARYII KABI RASAM JUKAMATI 16:9

Inii gonyii dakii tam leile: gonyiinii sazyii pouryii mah seh sana gotei kang tiilo, gonyiinii taisekchii ahnyiinii gonyiigo kalui gasii lung- tang karam bamniki pang gongsei matu tang karam jangpii.

ROMMEI 14:8

Kadaponii nyiinii ring kado Bangpii jangpii ringle, sateichii nyiinii tai kado Abangpii jangpii taile.

1 KORENMEI 15:18

Teitii leponii Krista dato taikalei kamalum mei teido maga takle.

1 KORENMEI 15:20

Nlenii aitoinii taiga kaleimei ahnyii kak kito riiti karei tiisii Kris- tago kataimei kak kito tiimaringpyii takle.

1 KORENMEI 15:58

Teijangpiinii Gu kangsanamei, gonyii mah tha tiikalei tei Bangpii dato kadak makle katu tei tisii, gonyii sangtingsii, nlaisupiinii Bangpii mah tha katii kito tinglang kaleita tiilo.

2 KORENMEI 5:8

Nyiinii lung disii bamle, sateichii nyii pum kito thamsii bam tang karam sateichii Bangpiigo kaswisii bam tang karam tei nyiinii mareisang mareibwile.

PILIPIMEI 2:17

Gonyiimah kamalum kito pyiitoisii kalei kakarat phyiiryiikii guzai ai ruikai tang karam leichiido, I-ntale, ninado gonyiigo kaswisii rangale.

1 THESOLONIKAMEI 4:14

dapokii Jisunii katai sateichii ringkakhii tei nyiinii malum leponii, tei takumpii, Jisumah paikito tai kaleimei godo Jisugo kaswisii Saraanii pang gong tangle.

1 THESOLONIKAMEI 4:16

Kadapokii Bangpii pumsekpiinii sating gamto kahum mah kasagoi rok teipii, aphyii kasat sating gamlui mah rok teipii, sateichii Saraamah buika koi teipii kaswisii Bangpiinii sating gamto hum tangle; Sateichii Krista dato tai kaleimei teinii reipii ringkhii tangle;

1 THESOLONIKAMEI 5:10

Nyiinii ringsii leikado, zyii kado, nyiinii mpougo kaswisii lung njoitang karam jangpii mpounii nyii jangpii taipyii takle.

1 TIMOTHI 5:24

Mei kangka mah kem kama hang teinii ahnyii doi reisii samtak tiikasunato tiigatpii laatle, sateichii mei kangkiimah kem kama hang- teinii kanakinii ngoule.

1 TIMOTHI 5:25

Teitakumpii tha kabi hangtei ngoule, sateichii mangou mak kido kabaipeiwo lakle.

MATIMANGOU KAPYII 1:11

“Nangnii ngou- kalei hangtei larek kikii ryii wosii Charsh sana dakii, katunii, Ipisa kikii, Smarna kikii, Pergamam kikii, Taiyatira kikii, Sardis kikii, Philadelphiya kikii, ninado Laodisiya kikii teitei matat ailo.”

MATIMANGOU KAPYII 10:4

Sateichii sating katwi sana teinii ka-nra tinglang kak, Inii ryiikai aina takle; “Sateichii sating katwi sana teinii tam ka-mpat hangtei seal kai ailo, nlenii ryiinii ryiikai sulo,” sii katam sating gamto rok hangninii Inii shiitakle.

MATIMANGOU KAPYII 11:15

Sateichii sana kashang sating gamlui teinii kongtakle, ninado “Sating sazyii tei nyii Bangpii mah ninado mpoumah Kristamah tiiwo takle. Sateichii mpounii kalui tiisupii magonglung tangle.”

MATIMANGOU KAPYII 11:19

Sateichii sating gamto kalei Saraamah Saraa kamaning kitei laatpyii takle, sateichii mpoumah sat tang karam samtam mah rangbung tei mpoumah Saraa kamaning kilungto ngoutakle; sateichii kaka- peekmah kava, rok hang, sating katwi hang, malyii kachyii ninado hungsii kashiiti tak kamangtei pat takle.

MATIMANGOU KAPYII 16:17

Sateichii sana kashang sating gamlui teinii ahmah koktei tingkai kikii rui mpat takle; sateichii Saraa kamaningki lungto rok kasagoi hang- ninanii sagongbam kiteito tatpatsii tamle, “Tei shang takle!”

MATIMANGOU KAPYII 19:9

Sateichii sating gamlui teinii gudakii tamle, “Ai ai ryii wolo: Jaonah mah myiikapang takbai tei gonghai losii lat kalumei hangtei sadoibile.” Sateichii Ahnii gudakii tamle, “Aihang ai Saraamah kasang samkang hang teile.”

MATIMANGOU KAPYII 2:1

“Ipisa kito kalei charsh mah rangii dakii ryiilo: bah ajiilamkii sageiti sana poikalei, sona mah thaomi kadungpii sana kak kito tatpat tatliitsii kalei Ah teinii sam hang ai tam leile!

MATIMANGOU KAPYII 2:7

“Rangiinii Charsh dakii tam kalei tai khoi pungkalei meihang teinii shiimatulo, ngam kalu ah dakii Saraamah Paradais kito kalei karingmah ruibang kiteito chii matu- tang karam jangpii Inii pyiitangle.’

MATIMANGOU KAPYII 20:6

Karei ringkakhii kito njai poi njoi katumei tei sadoibile ninado mateile; tei kakum mei phyiiryii teito hangna kashang katai teinii teimaham gale; nlenii ahnyii teinii Saraamah ninado Kristamah kanat kajum atingmei tiitangle, sateichii ahgo kaswisii tingkum tangkii magong tangle.

MATIMANGOU KAPYII 21:5

Sateichii sagongbam kito bam kalei ah teinii tamle, “Julo, Inii mah- lyiihang tiisatai pyii takle.” Sateichii Ahnii tamle, “Ai ryii wolo; kadapokii samhang ai malum wokabui ninado kasangle.”

MATIMANGOU KAPYII 22:17

Rangii teiniido amyiipeipwi teiniido tamle, “Gonglo,” sateichii shii sii kalei ah teinii, “Gonglo” sii tam matulo. Sateichii saryiisii kalei ah teinii gong matulo, kamareimei hangteinii karingmah dwi tei matapii sak matulo.

MATIMANGOU KAPYII 6:11

Teito ahnyii mei nsang nsang go paijou pi rot katang kaha pyiitakle. Sateichii ahnyiigo takumpii gitang karam, ahnyiigo kaswisii kikaleimei tiisii kaleimei hangdo ahnyiimah kangsanameido gikat kasuta, ahnyiinii aitoi tinglang shangniikii jangpii ntak matulosii ahnyii dakii tampyii takle.