MATIMANGOU KAPYII 14:10 - KARANU KABI SAMTAM

¹⁰ ahmah raka- rhiimah peek kiteikii teimaham matumpii ahnii ruikai kabam, Saraamah jou tei ahniido sak tangle! Sateichii ahgo mipii sateichii sul- phurpii kamatei sating gamluihang ninado jaonah doiteito tiikamage tangle.

MATIMANGOU KAPYII 14:10 Iomraidhean Croise

METIU 20:22

Nlenii Jisunii khekalatle, “Gonyiinii khang kalei tei gonyiinii timakle. Inii sak tang karam peek tei gonyiinii sakpei wobuipo?” Ahnyiinii mpougo khekalatle, “Nyiinii ngam wobuile.”

METIU 25:41

“Teito mpounii mpou-bah abilam pangto kalei hang dateikii tam tangle, ‘He Saraa sheeng doukalumei, gonyii gudato tat mpasii seitan ninado mpou mah sating gamlui hang jangpii tiida kabam kalui kaga mibam kitei tat tulo;

METIU 26:39

Sateichii mpounii adoilam pang chengniikii tatpatsii mpounii sazyii- kii mpou-ju poi masuksii riitale. “Gu Pfii, mazhii leponii peek ai gudato poitoi seilo; teitii kido gumah kamaning kamazhii tei sulo, nlenii nangnii kamaning kamazhii teilo.”

MARK 8:38

Kadapokii mei-nou mainahgo kachyii ninado kakui kama ai-haki aito kalei mei kata kangkanii gujangpii ninado gusam jangpii n-rou lepochiinii ah dato meinah sapfii mpou teinado n-rou tangle, mpounii kamatei sating gamlui hang go kaswisii Pfii mah pumtei kava kito kagong kak tei.

MARK 9:44

(Mibam kitei ahnyiigo kari kounah matai tei taisang tai leimakle, satei- chii ahnyiigo karu mitei miitsang miitlei makle.)

TIILAMLWI KAPYIIMEI THA JUKAMATI 10:22

Sateichii ahnyiinii tamle, “Saryiimei mei hai phyiiryiito apum tiikaleipii Kornilius, kasang ninado Saraago kahing sateichii Jehudimei lui hangnii tam ka-mbipii dakii, mpou kikii n-go pang gong matutang karam jangpii ninado godato sampao tei shii tang karam jangpii kamatei sating gamluinii tampyii ralipyii takle.”

2 THESOLONIKAMEI 1:7

gonyiigo kaset kalak doumatu katumeigo kamage kalak, sateichii kamage kalak doukaleimei gonyii dakii nyiigo kaswisii ka-ntak tei Saraanii pyii tangle,

JUD DATO KAGONG CHITI JUKAMATI 1:7

Tei takumpii Sodom ninado Gomara sateichii teiki kuto kalei namdi hangtei sating gamluigo jairali njoisii Sapwimei sapfiimei kashyii kahong tha katii, sateichii mei tiikasu pumzaimah kamarei ka-ntha tha taiswisii kalung teipiinii kalui kaga mibam mah kaset kalak tei pungsii, meihang dakii tiikama- ngou nda tiisii mangou leile.

MATIMANGOU KAPYII 15:7

Sateichii karing kounah madai kak kito hangninanii sating gamlui sana dateikii kalui gasii ringkalei Sa- raamah rakarhii teipiinii katokryii Sona kok sana pyiitakle.

MATIMANGOU KAPYII 16:19

Namdi kadi hangtei jaitum tiisii pak takle, sateichii luihang mah namdi hangtei tiimaga aitakle. Saraanii kadi Bebilon gotei maningloi takle, ninado ahmah ngoukahing rakarhiimah joutei ahmah peek kito mpoupeigo joutei sak matutakle.

MATIMANGOU KAPYII 18:3

Kadapokii lui hangnii mpoupeimah matei kasu mareimah jou katei tei sak wotakle, sateichii sazyii pouryii sagong hangnii mpou- peigo kaswisii mashung maha aitakle; sateichii samah kado mazhii kasu kaga mpoupeimah marei majangmah kani kahii teipii sazyii pouryii lilaa katiimei hangnii mahni wotakle.”

MATIMANGOU KAPYII 18:6

Mpoupeinii kapyii takumpii mpoupei godo pyiilo, sateichii mpoupeimah tha taiswisii mpoupeigo njaina tei pyiilo; mpoupeinii ryii nja katu peek kiteikii mpoupei jangpii njaina tiisii katei kasak tei ryii njapyiilo.

MATIMANGOU KAPYII 19:15

Lui hang go mpounii ngam tangle, mwi kabi saryiikhang hangninii tei Ahmah mwi kito pat takle. Ahnii ahnyiigo sagyii tingrang- pii ahnyii phyiiryiito apum tiitangle, sateichii Ahnii Saraa kadimah hangkapii hungsii rakarhiimah darkhati jou kakaryii bamtei pipii kusii paryii tangle.

MATIMANGOU KAPYII 19:20

Saram- kownah ninado ah doito siiti hang tiimangou sanii saramkownah mah siiti doukalumeigo ninado teimah tingtu paramgo mata katumeihang go kasang kasu teipii chuisii hem kalu, ahgo kaswi kalei kasang kasu lungkakalingmei gotei jum wotakle. Ai hangna aigo sulphur piinii song- kalei mimah jailungkii maringpii toikai aitakle.

MATIMANGOU KAPYII 20:10

Sateichii ahnyiigo kasang kasu teipii chuisii hem kalu seitan gotei, saramkownah teiniido kasang kasu lungkakalingmei teiniido kalei, mi ninado sulphurmah mi jailungkii toikai aitakle, sateichii ahnyiigo kalui gasii tinghum tingna tiikamage tangle.

MATIMANGOU KAPYII 20:14

Sateichii katainei kataimeimah sazyii gotei mi mah jailungkii toikai aitakle. Ai mi mah jai ai, hangna kashang katai teile.

MATIMANGOU KAPYII 21:8

Nlenii raikaga, kamalum kaga, ngoukasaba ngam katiimei, meigo kagimei, sapwimei sapfiimei kashyii kahong tha katiimei, ashoi kapoimei, tingtu param hang go kamatamei, ninado kachuimei hang jangpiinii, hangna kashang tiisii katai, mi ninado sulphur piinii shong kalei jailung tei tangle.”