MATIMANGOU KAPYII 13:14 - KARANU KABI SAMTAM

¹⁴ sateichii karei saram- kow dateito tiimangou matutang karam jangpii ah dakii pyiikabam sung kaga hangteipii ahnii sazyii pouryiito lungkalei hang go chuisii hem wotakle, saryiikhangpii rajam wokido, ringkatu saramkow mah tingtu param hangninii ai sazyii pouryiito lungkalei hangnii tiilosii ahnii tam takle.

MATIMANGOU KAPYII 13:14 Iomraidhean Croise

2 THESOLONIKAMEI 2:4

Mpounii saralesii lat kalei mak-kii ting tupii tiikabam saralesii mata kalei mahlyii hang gotei mazhiilakle, sateichii ahnyiihang phyiiryii teikii mpou roinapii mpougo kaitangle. Mpounii Saraa kamaning kilung katangdo liit tangle ninado Saraale katupii tam mpat tangle.

MATIMANGOU KAPYII 12:9

Ndou peipaomei mah sanhii, mwigatpwi sii kalat sara kashyii ninado seitan–- kasang kasupii chuisii kahem ah gotei sazyii pouryiikii toi m-mang aitakle, sateichii ahmah sating gamlui hangtei ahgo kaswisii toi m-mang aitakle.

MATIMANGOU KAPYII 13:1

Sateichii kha kearii, phyii- bung sana kapung, sateichii ahmah kha hang phyiiryii teikii sagong phyiihung kearii kalei ninado ahmah phyiibung hang gam teikii Saraago maning kamala zei kalei Saramkow hangninii dwijai kito pat kalei tei Inii ngoutakle.

MATIMANGOU KAPYII 13:15

Sateichii saramkow mah tingtu param teinii sam tam matu tang karam jangpii, sateichii saramkow mah tingtu param gotei mata kasumei hang go gitang karam jangpii, saramkow mah tingtu param kiteikii chyiingai miitkai pyii tang karam teimaham tei ahdakii pyiitakle.

MATIMANGOU KAPYII 13:8

Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.

MATIMANGOU KAPYII 14:11

Ahnyiigo tiikamage katumah mika tei kalui gasii hamtu takle; sateichii saramkowgo ninado ahmah tingtu paramgo kamateimei hang teiniido, sateichii ahmah siiti dou- kalu ahnyiihang teiniido tinghum tingna ntak makle.”

MATIMANGOU KAPYII 14:9

Ahnyiitai kana hangtum kashang kaki sating gamlui hangninanii tamle, “Mei kata hangninanii saram- kowgo sateichii ahmah tingtu param gotei mata leponii sateichii ahmah seiphang gamkii mak-kii bah kikii siiti tei douleponii,

MATIMANGOU KAPYII 15:2

Sateichii sakhiibung mah dwi- jaigo raikatu mi ryii nja katu hangninii Inii ngoule. Sateichii saramkowgo ninado ahmah akhii ninado ah mah zei tung tiisii kalei asaa hang go ngamkalu meihang goteido Inii ngoutakle. Ahnyii teinii Saraanii ahnyii dakii pyii kabam levii tei poisii, sakhiibung mah dwijai kuto satsii leile.

MATIMANGOU KAPYII 16:13

Sateichii mwigatpwi mah mwiki teito, saramkow mah mwiki teito kasang kasu lungkakaling meihang mah mwiki teito gownah takum katu matei kasu rangii hangtum kapat tei Inii ngou takle.

MATIMANGOU KAPYII 16:2

Teito karei sating gamlui teinii tatpatsii ahmah koktei sazyii pouryiikii rui mpat takle; sateichii saramkow mah siiti pungkalei ni- nado ah mah tingtu param go kamata mei hang phyiiryiito ngoukahing ninado katchiijam hang tei pat takle.

MATIMANGOU KAPYII 18:23

thaomimah kava tei godato vasang valoilak takle. Sateichii noutiitang karampii sapfii mpou ninado amyiipei pwimah rok tei godato shiisang shiiloilak takle. Kadapokii gomah lilaa katiimei teinii sazyii pouryiito kadi kathangmei hangle; sateichii kasang kasu gomah ashoi kapoi teipiinii lui hang go chuisii hem wotakle.”

MATIMANGOU KAPYII 19:20

Saram- kownah ninado ah doito siiti hang tiimangou sanii saramkownah mah siiti doukalumeigo ninado teimah tingtu paramgo mata katumeihang go kasang kasu teipii chuisii hem kalu, ahgo kaswi kalei kasang kasu lungkakalingmei gotei jum wotakle. Ai hangna aigo sulphur piinii song- kalei mimah jailungkii maringpii toikai aitakle.

MATIMANGOU KAPYII 2:10

Gonyiinii doutang karam kamage kalak gotei hingsulo. Julo, gonyiigo jai jutang karam jangpii seitannii gonyii kangkagonii kabang kikii toikai tangle, sateichii gonyiinii leimik kearii kamage kalak tei doutangle. Gonyiinii katai katang tei malum kabuimei tiilo, sateichii Inii gonyii dakii karingmah phyiihung tei pyiitangle.

MATIMANGOU KAPYII 20:10

Sateichii ahnyiigo kasang kasu teipii chuisii hem kalu seitan gotei, saramkownah teiniido kasang kasu lungkakalingmei teiniido kalei, mi ninado sulphurmah mi jailungkii toikai aitakle, sateichii ahnyiigo kalui gasii tinghum tingna tiikamage tangle.

MATIMANGOU KAPYII 3:10

Gumah lung leh kati samtei nangnii swikalu jang- piinii, sazyii pouryiito lungkalei hang go jaiju tang karam jangpii sazyii pouryii bamlyii hangki gongtang karam jai kaju tinglang kiteito Iniido n-go jupyii tangle.