MATIMANGOU KAPYII 12:9 - KARANU KABI SAMTAM

⁹ Ndou peipaomei mah sanhii, mwigatpwi sii kalat sara kashyii ninado seitan–- kasang kasupii chuisii kahem ah gotei sazyii pouryiikii toi m-mang aitakle, sateichii ahmah sating gamlui hangtei ahgo kaswisii toi m-mang aitakle.

MATIMANGOU KAPYII 12:9 Iomraidhean Croise

METIU 13:39

ahnyiigo ralikai kapyii ngou karoumei teinii sara kashyii teile, karachet tinglang teinii, sazyii pouryii mah kalui teile, sateichii lu karachet mei teinii sating gamlui hang teile.

METIU 24:24

Kadapokii kasang kasu Krista ninado kasang kasu Lungkakalingmei gong tangle; satei- chii mazhii leponii Saraanii kalai kalumeigo katangdo hemsii kama pwidi kikii chyiitat tang karam jangpii mei tiikalak tiikamangou siiti kadi hang sateichii sung kaga hang tiimangou tangle.

METIU 25:41

“Teito mpounii mpou-bah abilam pangto kalei hang dateikii tam tangle, ‘He Saraa sheeng doukalumei, gonyii gudato tat mpasii seitan ninado mpou mah sating gamlui hang jangpii tiida kabam kalui kaga mibam kitei tat tulo;

METIU 4:1

Teito sara kashyiinii hemtang karam jangpii Jisugo rangiinii sazyii kamarong kikii pangsii tat tutakle.

METIU 4:10

Teito Jisunii mpou dakii tamle, “Tat tulo, Seitan; daponii aitiisii ryiibamle, ‘Nangnii Bangpii go Saraa gotei mata tang karamle, sateichii nangnii mpougo roinii nga-ngatangle!’ ”

METIU 4:5

Sateichii seitan teinii mpougo Jerosalem kamatei namdiki pang- pisanii Saraa kamaning ki atoi toisangkii masatsanii,

METIU 4:8

Nlailoisii seitan teinii mpougo hangkapiinii kasagoi zang hangni- niiki pangpisii Sazyii pouryii mah sagong sazyii hang ninado ahnyii mah pumtei kava tei mpoudakii mangousii,

LUKNII KARYII KABI RASAM JUKAMATI 10:18

Teito mpounii ahnyii dakii tamle, “Sating gamto sating kalik kalei takumpiinii seitan nii kou kahum tei Inii ngoutakle.

LUKNII KARYII KABI RASAM JUKAMATI 13:16

Julo, sara kashyiinii tingkum keariisiisiisat nkhii peinei kabam Abraham nah sapwi mpei aigonii, ntak piinei leimik kito laat mpatpyii kajyii makpo?”

LUKNII KARYII KABI RASAM JUKAMATI 22:3

Sateichii keariisiinakhii kak kito Judas Iskariot katupii lungtei seitan liitto takle;

LUKNII KARYII KABI RASAM JUKAMATI 22:31

“Simon, Simon! julo, gonyiihang go seitan nii jai jutang karam jangpii kamazhii tei poiwo takle, kabimeigo kashyiimei kak kito poitaam tang karam jangpii, tha katiimeinii Gihuti tei araang kito poitaam katu ta- kumpiinii.

LUKNII KARYII KABI RASAM JUKAMATI 8:12

Pwidi kuki tak kaliit lwirou teinii, shii kalumei teile, nlenii sara kashyiinii gongsii kabi rasam tei ahnyii lung kito poitoi wole; ahnyiinii malum wosii keika- pyii tei doumatuwo kalak jangpii.

JONNII KARYII KABI RASAM JUKAMATI 12:31

Sazyii pouryii aigo samtak tiitang karam tinglang tei aitoile, sazyii pouryii mah apum katiimeigo baatoi tang karam tinglang tei aitoile.

JONNII KARYII KABI RASAM JUKAMATI 14:30

Inii gonyiigo kaswisii karashii mathang wolak takle, dapodinchii sazyii pouryii mah apum katiipii tei gonglei takle, sateichii ahnii guphyiiryiito teimaham samah kado gale.

JONNII KARYII KABI RASAM JUKAMATI 16:11

sateichii samtak katii mah kaang kito, sazyii pouryii aimah apum katiipii gotei samtak tii aitakle.

JONNII KARYII KABI RASAM JUKAMATI 8:44

Gonyii ai gonyii pfii seitan dateitole, sateichii gonyii pfii mah kamarei ka-ntha hang tiitang karam tei gonyii mah kamaning kamazhii teile. Ahnii nu saroisekto meigo kagi kabaameile sateichii kasang gotei kaswisii tha tiitang karam samah kado gale; dapochiinii ahda kasang tei gasang gale. Ahnii kachui sam katam kak nunuto kalei ahmah jai taiswisii malhiile, kadapokii ahnii kachuipiile ninado teimah pfii teile.

TIILAMLWI KAPYIIMEI THA JUKAMATI 26:18

ahnyiinii kamyii kito kava ki sateichii sara kashyii mah teimaham kito Saraa Bangpiida nlaigongsii kem kalei kapyii sateichii n-gu kamalum paikito Saraanii kalai kalumei kak kito bam doumatu tang karam jangpii, Inii n-go ahnyii mik rak matutang karam jangpii ahnyii dakii langkai leile.’

TIILAMLWI KAPYIIMEI THA JUKAMATI 5:3

Pitarnii mpou dakii tamle, “Ana- niyas, nangnii rangii kamatei dato choitang karam jangpii, sateichii joikalu teimah amai kiteito njai hangninii poi kabai wotang karam jangpii, seitannii golungto kada- jangpii tokryiisii bam takpo?

ROMMEI 16:18

Kadaponii tei kakum mei teinii nyii Bangpii Krista nga ngamakle, nlenii ahnyii mah chiikanyii lukanyii jangpiiniile, sateichii ahnyii mah samlat kabi ninado tam kati teipii mei kabimei lungtei choisii hemle.

ROMMEI 16:20

Teitii- leponii kamajung mah Saraa teinii seitan gotei kalangsii gonyii pi kang- kii koumang biitnai matu tangle. Nyii Bangpii Jisu Krista mah jumage kapyii tei gonyiigo kaswipyii matulo.

2 KORENMEI 11:14

Sateichii ai ai kamadat makle. Kadapokii seitan katangpiinado ah roinapiinii kavamah rakot hangniniimah jai reisii tiiwo leile.

2 KORENMEI 11:3

Nlenii Sanhiinii mpoumah kasakai kamarek teipii Eve go satui sadzyii tiikalu takumpiinii, Krista dato pyiikalei gonyiimah kasang lungswi ninado kamatei kito tiimahong katugo Inii hingle.

2 KORENMEI 12:7

Sateichii n-gu hangkii matima- ngou kapyii kito detdi maju matulak tang karam jangpii, gupum kikii atu hangninii toukaipyii takle, seitan mah sampao kapungmei hangninii, n-gu tiikamage tang karam jangpii, sateichii n-gu detdi maju matulak tang karam jangpii,

2 KORENMEI 2:11

Sara kashyiinii nyii phyiiryiito teimaham gamatu tang karam jangpii Inii ai ai tiile; kadapokii ahmah chem tei nyiinii tile.

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

IPISAMEI 4:14

Teitii leponii nyiinii meinahnii poi ka-mpat chem katham kathampii meigo kama kikii tiikai tang karam jangpii ralikapyii dwi n-nok kapat sateichii tingkainii lulam lulamkii gwipungsii katat nahmei takumloi lakle.

2 THESOLONIKAMEI 2:3

Mei kata kaniido gonyiigo mahjai kata hangninii piiniido chuisii hemsii ngam matu sulo, kadapokii mibamki liit tang karam jangpii mik leeng kabam, kem mah mei tei gong kasuta, Bangpiimah leimik tei gong lakle.

1 TIMOTHI 2:14

sateichii Adam go chuisii hemwo makle, nlenii sapwi mpei gotei chuisii hem wole, sateichii kem kama katiimei hangninii tiituwole.

2 TIMOTHI 3:13

Sateichii kashyii kahongmei sateichii ashoi katimei ahnyii roinapii ahnyiigo kasang kasu choisii hem wosii mei kakimeigo kasang kasu teipii choisii hemsii kashyii kiteito kisii kashyii kitei tatsii leitangle.

HEBRUMEI 2:14

Mpounii lat kalei nahmei hangtei pum zai kapungmei katu taiswisii, Jisunii ahnyii mah njoi tei poi wotakle, sateichii nunuto kalei meinah mah jaitalui tei Jisunii dou njoi takle. Mpoumah katai paikito kataimah teimaham kabam, seitan gotei mpounii tiimaga kabui tiisii mpounii ai ai tiile.

1 PITAR 5:8

Gonyii pumpot jum majyii jum matwilo, sakai wolo; gonyiimah ngou karou seitan tei nrung kalei nongsa takumpii kangkago poichii tang karam jangpii fiitatsii leile.

1 JON 5:19

Nyiinii Saraamahle, sateichii sazyii pouryii hangnii sara kashyii kang nkangsii leile katu nyiinii tile.

JUD DATO KAGONG CHITI JUKAMATI 1:9

Nlenii sating gamluimah aphyii kasat Maikelnii seitan go ka n-gisii, Mosesmah pumpotmah kaang kito kasou katu tinglang kak, ah phyiiryiikii kalet kalou katiisam tam tang karam lung kadi tei gale, nlenii “Bangpiinii n-go tiikamage matulo” sii ahnii tamle.

MATIMANGOU KAPYII 12:12

Teijangpii nta tulo, Oh sating ninado teilungto kalei gonyiihang! Nlenii kamagele gonyii jangpii, Oh sazyii pouryii ninado dwijai, kada- pokii sara kashyii teinii hangkapii rarhiisii gonyiida tat hum takle, dapochiinii ahmah tinglang ai dwitakle katu ahnii tile.”

MATIMANGOU KAPYII 12:3

Sateichii kaki tiikamangou hangninii sating gamkii ngoule; julo, phyiibung sana, kha kearii kapung sateichii phyiibung sana phyiiryii teikii sagong phyiihung choikalei kadi kaghang Mwigatpwi hangninii leile.

MATIMANGOU KAPYII 12:7

Sateichii sating gamto saryii pat takle, Maikel ninado ahmah sating gamlui hang teinii mwigatpwi gotei saryii tiitang karam jangpii tatpatsii mwigatpwi ninado ahmah sating gamlui hangteinii saryii tiitakle;

MATIMANGOU KAPYII 12:8

nlenii mwigatpwi gotei ngam wo- takle, sateichii ahgo ninado ahmah sating gamlui hang gotei sating gam mbamdo mbam loisu takle.

MATIMANGOU KAPYII 13:14

sateichii karei saram- kow dateito tiimangou matutang karam jangpii ah dakii pyiikabam sung kaga hangteipii ahnii sazyii pouryiito lungkalei hang go chuisii hem wotakle, saryiikhangpii rajam wokido, ringkatu saramkow mah tingtu param hangninii ai sazyii pouryiito lungkalei hangnii tiilosii ahnii tam takle.

MATIMANGOU KAPYII 16:14

Ahnyii teinii sung kaga tha hang tiisii kalei sara ka- shyiimah rangiihang teile. Ai rangii hangtum ainii ahnyiihang go Saraa kadimah leimik kadipiinei saryii tiitang karam jangpii poi nkom tang karam jangpii sazyii pouryiimah sagong hangda tatpatle.

MATIMANGOU KAPYII 18:2

Sateichii ahnii rok kasagoipiinii saa mpatle, “Koutakle, koutakle, kadi Bebilon tei! Sateichii aitoinii sara kashyii hangnii sateichii matei kasu rangii hangnii kabamni, ninado matei kasu sateichii ngouka nraang ruinah hangteinii mpoupei dato lunglei takle.

MATIMANGOU KAPYII 18:23

thaomimah kava tei godato vasang valoilak takle. Sateichii noutiitang karampii sapfii mpou ninado amyiipei pwimah rok tei godato shiisang shiiloilak takle. Kadapokii gomah lilaa katiimei teinii sazyii pouryiito kadi kathangmei hangle; sateichii kasang kasu gomah ashoi kapoi teipiinii lui hang go chuisii hem wotakle.”

MATIMANGOU KAPYII 19:20

Saram- kownah ninado ah doito siiti hang tiimangou sanii saramkownah mah siiti doukalumeigo ninado teimah tingtu paramgo mata katumeihang go kasang kasu teipii chuisii hem kalu, ahgo kaswi kalei kasang kasu lungkakalingmei gotei jum wotakle. Ai hangna aigo sulphur piinii song- kalei mimah jailungkii maringpii toikai aitakle.

MATIMANGOU KAPYII 2:13

Nangnii lungkalei bam tei Inii tile, teikito seitanmah sagongbam leile, Sei- tannii lungkalei bamni teito, malum kabui gumah sakchyii, Antipasgo kagi tinglang kikak katangdo, gonyiinii gu zeigo kamalum tei toi aimakle sateichii gonyiinii gudato kasangle.

MATIMANGOU KAPYII 2:24

“Nlenii Thyatira kito mashaksii kalei, ralikapyii aigo poikasu seitanmah kamakum sam tikasumei gonyii dakii Inii tam leile, Inii gonyii phyiiryiikii kamaswi kaki hangninii kado kaipyii lakle.

MATIMANGOU KAPYII 2:9

“‘Gonyiimah kamage kalak ninado kaga tei Inii tile–Nlenii gonyiinii kasangpii mah nile! Satei- chii Jehudimei kasangsupii, ahnyii roinapiinii ahnyii Jehudimei lesii tamsii kalei, Seitanmah abemei tiisii kaleimei teinii gonyii phyiiryiikii samlat kashyii tam kalei tei Inii tile.

MATIMANGOU KAPYII 20:10

Sateichii ahnyiigo kasang kasu teipii chuisii hem kalu seitan gotei, saramkownah teiniido kasang kasu lungkakalingmei teiniido kalei, mi ninado sulphurmah mi jailungkii toikai aitakle, sateichii ahnyiigo kalui gasii tinghum tingna tiikamage tangle.

MATIMANGOU KAPYII 20:8

sateichii sazyii pouryii saka madaito kalei luihang, Gog ninado Magog go kasang kasu teipii chuisii hem tang karam jangpii ninado saryii kikii poi ndui tang karam jangpii pat tangle. Ahnyii teinii dwi- jaimah kangneng jyiika moitangle.

MATIMANGOU KAPYII 3:9

Julo, seitanmah bemei, Jehudimei supiinii Jehudimei lesii tam kalei, ahnyii gotei Inii gonyiidoi gongsii gonyii pibangto nkwimang matu tangle, Inii gonyiigo lungsyii katu tei ahnyii hangnii titangle.

MATIMANGOU KAPYII 9:1

Teito mangii kashang sating gamlui teinii ahmah kachem tei kongtakle sateichii sating gamto sageiti hangninii sating gamto sazyii tak kamang tei Inii ngoutakle. Kathok nlai kaga ahom mah chabyii tei ahgo pyiitakle,

MATIMANGOU KAPYII 9:20

Sateichii Saraa rahum aihang ainii tiirang kasu mashak kalei meihang tei ahnyii bahpiinii katii tha hang kiteito lung kalimakle, mak-kii ngoudo ngoukasu shiido shii kasu, tatdo tatkasu, sona mah, sanah raguibamah, maikateeng kuitumah, kuitu ninado tingmah, tingtumah param hang go ninado sara kashyii hang go riitasii kalei tei toimakle;