MATIMANGOU KAPYII 12:3 - KARANU KABI SAMTAM

³ Sateichii kaki tiikamangou hangninii sating gamkii ngoule; julo, phyiibung sana, kha kearii kapung sateichii phyiibung sana phyiiryii teikii sagong phyiihung choikalei kadi kaghang Mwigatpwi hangninii leile.

MATIMANGOU KAPYII 12:3 Iomraidhean Croise

MATIMANGOU KAPYII 12:1

Sateichii tiikamangou kadi hangninii sating gamkii ngoule, sapwimei hangninanii lei- mikpii peimani kai wotakle, sateichii sakhiipii mpoupei pi kangkii, sateichii sageiti keariisiinakhii mah phyiihungpii phyiigamkii choi wotakle.

MATIMANGOU KAPYII 12:13

Mwigatpwi teinii ahgo sazyiikii toi m-mang aitakle katu tei tigong sek-kii, ahnii nah sapfiimei lungkapyii sapwi mpei gotei jumle, gile katupii taiswitu takle.

MATIMANGOU KAPYII 12:17

Sateichii mwigatpwi teinii sapwi mpei gotei rarhiisanii ahmah mashak kalei tatreng, Saraa- mah kakhatsam hang swisii kalei ninado Jisugo sakchyii pyiisii kalei ahnyii gotei saryii tiitang karam jangpii tat tutakle.

MATIMANGOU KAPYII 12:4

Sateichii mpoupeimah mee teipiinii sating gam mah sageiti hangmah njai hangtum kito njai hangninii gotei chyii m-mang sazyii- kii toikai aitakle, sateichii sapwi mpei teinii nah gotei lung m-mang sekchii, mwigatpwi teinii nah gotei poichii tang karam jangpii, nah lungtang karam pei doi teito sat totakle.

MATIMANGOU KAPYII 12:7

Sateichii sating gamto saryii pat takle, Maikel ninado ahmah sating gamlui hang teinii mwigatpwi gotei saryii tiitang karam jangpii tatpatsii mwigatpwi ninado ahmah sating gamlui hangteinii saryii tiitakle;

MATIMANGOU KAPYII 12:9

Ndou peipaomei mah sanhii, mwigatpwi sii kalat sara kashyii ninado seitan–- kasang kasupii chuisii kahem ah gotei sazyii pouryiikii toi m-mang aitakle, sateichii ahmah sating gamlui hangtei ahgo kaswisii toi m-mang aitakle.

MATIMANGOU KAPYII 13:1

Sateichii kha kearii, phyii- bung sana kapung, sateichii ahmah kha hang phyiiryii teikii sagong phyiihung kearii kalei ninado ahmah phyiibung hang gam teikii Saraago maning kamala zei kalei Saramkow hangninii dwijai kito pat kalei tei Inii ngoutakle.

MATIMANGOU KAPYII 13:2

Sateichii Inii kangou saramkow tei Kowrokgo raile, sateichii ahmah pi kouzhii teinii sahom takumle, sateichii mwijong teinii nongsa mah mwijong takumle. Sateichii mwigatpwi teinii ahmah teimahamle, sagongbam ninado teimaham kadi tei ahgo pyiitakle,

MATIMANGOU KAPYII 13:4

Sateichii ahnyiinii mwigatpwi gotei mata takle, dapokii ahnii saramkow dateikii teimaham pyiitakle, sateichii ahnyiinii saramkow gotei matasii tamle, “Saram kowgo njoi katu ta leipo? Sateichii ahgo tanii saryii tiiwo buipo?”

MATIMANGOU KAPYII 15:1

Teito sating gamki ngouka- hing ninado kamadat kaki pat tang karam siiti hangninii katunii, Sararahum sana kalei sating gamlui sanago, Inii ngoutakle, Sararahum sana tei nale, kadapokii ahnyii hang dato Saraamah rakarhii tei kaluile.

MATIMANGOU KAPYII 16:13

Sateichii mwigatpwi mah mwiki teito, saramkow mah mwiki teito kasang kasu lungkakaling meihang mah mwiki teito gownah takum katu matei kasu rangii hangtum kapat tei Inii ngou takle.

MATIMANGOU KAPYII 17:12

“Sateichii nangnii kangou kha kearii teinii sagongmah teimaham rei dou wokasu sagong kearii teile; nlenii ahnyiinii sagongmei hang takumpiinii saramkow gotei kaswisii pungkii jangpii ahnyii hang go teimaham tei pyii tangle.

MATIMANGOU KAPYII 17:16

Sateichii nangnii ngou katu kha kearii, ahnyii ninado saramkow teinii sahapwipei gotei ngourou tangle; ahnyiinii mpoupeigo tiima- rong tangle ninado natkai supii apumpii kaidek tangle, ahnyiinii mpoupeimah kamyii tei chiitangle ninado mpoupeigo mipiinii tiimaga tangle.

MATIMANGOU KAPYII 17:7

Nlenii sating gamlui teinii n-gu tamle, “Kadajangpiinii nang sung galeipo? Inii godakii sapwi mpeimah ninado ahgo pungkalei saramkow ninado, phyiibung sana kha kearii kapung- mah kabai kabam kamakum samtei tampyiine.

MATIMANGOU KAPYII 19:12

Ahmah mik teinii mi mishong takumle, sateichii ahphyii gamkii sagong phyiihung hangtei leile. Sateichii ahnii supii mei kakimei hangninii kaniido tikasu ryiikabam zei hangninii leile.

MATIMANGOU KAPYII 20:2

Sateichii ahnii mwigatpwi, peipao sanhii katunii, sara kashyii mak-kii seitan, gotei jum wosii, tingkum tangkii jangpii ahgo rengpeinei sanii,