MATIMANGOU KAPYII 12:11 - KARANU KABI SAMTAM

¹¹ Sateichii ahnyiinii mpougo Jaonah mah zai teipii sateichii ahnyiimah sakchyii kapyiimah sam- kang teipiinii ngam wotakle, kada- pokii ahnyiinii ahnyiimah tiilung gotei katai katang marai makle.

MATIMANGOU KAPYII 12:11 Iomraidhean Croise

LUKNII KARYII KABI RASAM JUKAMATI 14:26

“Mei kata hangninanii guda gong takpokii, ah pwi, pfii, nou, nahmei, sanamei, taipwimei sateichii nle, mpou pumgo katangdo nraang sulepochiinii, ahnii gutai kaswimei tiipeiwo lakle.

JONNII KARYII KABI RASAM JUKAMATI 16:33

Gonyiinii gudato kamajung tei doumatu tang karam jangpii samhang ai Inii gonyii dakii tam takle. Sazyii pouryiito gonyiinii kamage kalak doule, nlenii ntatulo, sazyii pouryiigo Inii ngamwo takle.”

TIILAMLWI KAPYIIMEI THA JUKAMATI 20:24

Nlenii gumah tii- kamajyii ninado Saraa mah kalung- set mah kabi rasam mah sakchyii pyiitang karam jangpii, Bangpii Jisu dato Inii doukalu atha tei Inii tiimashang tang karam jangpii, Inii gumah tiilung ai amai bamlesii, ninado gudato maiteenglesii maning makle.

TIILAMLWI KAPYIIMEI THA JUKAMATI 21:13

Nlenii mpounii khekalatle, “Gonyii kadapei tiileipo, aitiisii hatsii ninado gulung tiipaksii? Jerosalem kito n-gu reng peitang karam jangpiinii Inii tiikada takle.”

ROMMEI 16:20

Teitii- leponii kamajung mah Saraa teinii seitan gotei kalangsii gonyii pi kang- kii koumang biitnai matu tangle. Nyii Bangpii Jisu Krista mah jumage kapyii tei gonyiigo kaswipyii matulo.

1 KORENMEI 15:57

Nlenii nyii Bangpii Jisu Krista paikito ngam kalu tei nyii dakii kapyii Saraa gotei hakalang tam matulo!

1 JON 4:4

Lungkasyii nahmei, gonyiinii Saraa mahle, sateichii gonyiinii ahnyiigo ngam wotakle, kadapokii gonyii dato kalei ah teinii sazyii pouryiito kalei ah sung kisii dikile.

1 JON 5:5

Sateichii Jisugo Saraa nahlesii kamalum ah tei supiinii, sazyii pouryiigo kangam ah tei tapo?

MATIMANGOU KAPYII 1:2

Mpounii Saraamah samtam mah ninado Jisu Kristamah sakchyii mah kaang kito, katunii mpounii ngou- kalu hangmah kaang kito sakchyii pyiitakle.

MATIMANGOU KAPYII 1:9

Gonyii sanapii ninado Jisutai kaswimei hangninii tiisii gonyiigo kaswisii kamage kalak, ninado sagong sating sazyii ninado lung leh kati mah njai dou njoisii kalei Jon Inii Saraamah samtam ninado Jisunii kamati kamangou tei saa ka-mpat jangpii Patmos-sii kalat dwipii maguisii kalei sazyii kiteikii n-gu kai aitakle.

MATIMANGOU KAPYII 11:7

Sateichii ahnyiinii ahnyiimah sakchyii kapyii tei luisekchii, sazyii kathok nlai kaga ahom kito kapat saramkow teinii ahnyiigo saryii tiitangle, sateichii ahnyiigo ngam tangle ninado gitat tangle.

MATIMANGOU KAPYII 12:17

Sateichii mwigatpwi teinii sapwi mpei gotei rarhiisanii ahmah mashak kalei tatreng, Saraa- mah kakhatsam hang swisii kalei ninado Jisugo sakchyii pyiisii kalei ahnyii gotei saryii tiitang karam jangpii tat tutakle.

MATIMANGOU KAPYII 19:10

Teito Ahgo mata tang karam jangpii Inii ahmah pibang tei kou- mangle, nlenii ahnii gudakii tamle, “Nangnii teitei tiilak tang karamle! Inii n-go njoi katu kikalei ninado Jisumah sakchyii pungsii kalei go kangsanapiile. Saraago matalo.” Ka- dapokii Jisumah sakchyii teinii Saraa sam tam ka-mpatmah rangii teile.

MATIMANGOU KAPYII 2:13

Nangnii lungkalei bam tei Inii tile, teikito seitanmah sagongbam leile, Sei- tannii lungkalei bamni teito, malum kabui gumah sakchyii, Antipasgo kagi tinglang kikak katangdo, gonyiinii gu zeigo kamalum tei toi aimakle sateichii gonyiinii gudato kasangle.

MATIMANGOU KAPYII 2:17

“Rangiinii Charsh hang dakii tam kalei tei khoi pung kalei mei- hangnii shiimatulo. Ngam kalu ah dakii Inii kamakum manna tai pyiit- angle sateichii kuitu kaha hangninii ninado kuitu phyiiryiikii ryiikabam kasatai zei hangninii tei Inii ahdakii pyiitangle, teitei doukalu ah teisu- piinii mei kaniido zei tei timakle.’

MATIMANGOU KAPYII 2:26

Sateichii ngam kalu ninado kalui katang gumah tha hang ryiisii kalei ah dateikii Inii luihang phyiiryiito teimaham pyiitangle;

MATIMANGOU KAPYII 2:7

“Rangiinii Charsh dakii tam kalei tai khoi pungkalei meihang teinii shiimatulo, ngam kalu ah dakii Saraamah Paradais kito kalei karingmah ruibang kiteito chii matu- tang karam jangpii Inii pyiitangle.’

MATIMANGOU KAPYII 20:4

Sateichii sagongbam hangtei Inii ngoutakle, sateichii teigamto bam kaleimeihang dateikii samtak katii- mah teimaham tei pyiitakle. Satei- chii Jisumah sakchyii kapung jangpii sateichii Saraamah samkang jang- piinii phyiibaatoi kaleimei hangmah, ninado saramkownahgo mak-kii ahmah tingtu paramgo mata kasu ninado ahnyiimah seiphang gamkii mak-kii bah gamkii siiti tei doukasu ahnyiimah rakot hang gotei Inii ngoutakle; sateichii ahnyiinii ring- khiisanii, Kristago kaswisii tingkum tangkii magong takle.

MATIMANGOU KAPYII 3:12

Ngam kalu ah gotei Inii gumah Saraamah kamateiki mah ki acheng hangninii tiimatu tangle sateichii ahnii bam teiki teito tatsang tat tulakle, sateichii gumah Saraamah zei, gumah Saraamah namdimah zei gumah Saraa dato, Sating gamto kahum kasatai Jerosalem sateichii gumah kasatai zeitei Inii ah phyiiryiikii ryiikai pyii tangle.

MATIMANGOU KAPYII 3:21

Inii ngam wosii gu pfiimah sagongbam kiteito ahgo kaswisii bam kalei takumpiinii, ngam kalu ahgodo n-gu kaswisii sagongbam kiteito kaswisii bam matutang karam mah amajyii tei Inii pyiitangle.

MATIMANGOU KAPYII 3:5

Ngam kalu ah gotei aitiisii peimani kaha kaipyii tangle; sateichii Inii ahmah zei tei karingmah larekbung kiteito poisang poitoipyii lakle, sateichii Inii ahmah zeitei gu pfii doito sateichii mpoumah sating gamluihang doito mazhiipyii tangle.

MATIMANGOU KAPYII 6:9

Sateichii ahnii mangii kashang seal tei kalaat tinglang kak, Saraamah samtam jangpii sateichii ahnyiinii pyiikalei sakchyii tei jangpii gikalei ahnyiimah rakot hangtei pyiikatoibam kang teikii Inii ngoutakle;