MATIMANGOU KAPYII 11:8 - KARANU KABI SAMTAM

⁸ Sateichii rangii lamto Sodom ninado Izip sii kalat, Abangpiigo gikalei, namdi kadimah pwidi lamjang kadi kiteito ahnyiimah katai pumtei leitangle.

MATIMANGOU KAPYII 11:8 Iomraidhean Croise

METIU 10:15

Inii gonyii dakii kasangpii tam leile, samtak katii piinei namdi teigo teisungnii Sodom ninado Gomara go Saraanii kisii lungkasyii tei mangou tangle.

TIILAMLWI KAPYIIMEI THA JUKAMATI 9:4

teito mpounii sazyii koumang takle; sateichii “Sol, Sol nangnii n-gu kadajangpii tiika- mage leipo?” Sii mpou dakii katam rok hangninii mpounii shiitakle.

HEBRUMEI 13:12

Mpoumah zai sekpiinii meinahgo kem kito tiimatei pyii tang karam jangpii Jisuniido namdimah sabato taipyii takle.

HEBRUMEI 6:6

ahnyiigo nlailoisii lung kali matu katu katang kiteikii kailoi katu tei tiipeiwo lakle; dapokii ahnyiinii Saraa nah sapfii mpou gotei ahnyii jangpii Krosh gamki gisii, mpougo madurahapii tii nrou aitakle.

2 PITAR 2:6

Sateichii Sodom ninado Gomara namdi hangna gotei buinei mimatusii tiikamaga katang tei ahnyiigo mpounii samtak tiile- ponii, sateichii Saraa haikasumei hang phyiiryiikii pat tang karam mah nda tiikamangou tei ahnyiigo tiimatu leponii;

JUD DATO KAGONG CHITI JUKAMATI 1:7

Tei takumpii Sodom ninado Gomara sateichii teiki kuto kalei namdi hangtei sating gamluigo jairali njoisii Sapwimei sapfiimei kashyii kahong tha katii, sateichii mei tiikasu pumzaimah kamarei ka-ntha tha taiswisii kalung teipiinii kalui kaga mibam mah kaset kalak tei pungsii, meihang dakii tiikama- ngou nda tiisii mangou leile.

MATIMANGOU KAPYII 11:13

Teiki tinglang sek-kii, teisii malyii kachyii hangninii patsanii, namdi teimah njai kearii kito njai hangninii tei tiimaga aitakle; sateichii malyii kachyii kiteito mei thang sana taitakle. Sateichii mashaksii kaleimei tei hangkapii hingsii sating gam mah Saraago tam matoile.

MATIMANGOU KAPYII 11:9

Sateichii meihangnii ninado lui hangnii, ninado lat hangnii sateichii meilui meirek hang teinii ahnyiimah katai pum gotei leimik hangtum phang ai jutangle. Sateichii ahnyiimah katai pumtei roukikii goimatu lakle,

MATIMANGOU KAPYII 14:20

Sateichii darkhati kakaryii bamtei namdiki sabato karyiile sateichii takoi ghii kikii kakai sagyiireng kanat metar hangnakii kathok ninado mail haina katang tei darkhati kakaryii bam kito zai tei longtat takle.

MATIMANGOU KAPYII 14:8

Hangna kashang sating gamlui kaki hangninanii tamle, “Luihang go mpoupeimah matei kasu lungka- syiimah jou sak matu katu, kadi Bebilon tei koutakle, mpoupei tei koutakle!”

MATIMANGOU KAPYII 16:19

Namdi kadi hangtei jaitum tiisii pak takle, sateichii luihang mah namdi hangtei tiimaga aitakle. Saraanii kadi Bebilon gotei maningloi takle, ninado ahmah ngoukahing rakarhiimah joutei ahmah peek kito mpoupeigo joutei sak matutakle.

MATIMANGOU KAPYII 17:1

Teito kok sana kalei sating gamlui sana kak kito hangninanii guda patsii tamle, “Patlo, sazyii pouryii sagongmei hangnii mpoupeigo kaswisii ma- shung kamaha tha katii ninado mashung kamaha tha katiimah jou teipii sazyii pouryiito lungkaleimei hangnii panhiisii kalei,

MATIMANGOU KAPYII 17:18

Sateichii nangnii ngou katu sapwi mpei teinii sazyii pouryiimah sagongmei hang phyiiryiito apum tiikalei namdi kadi teile.”

MATIMANGOU KAPYII 17:5

Sateichii mpoumah saiphang gamkii kabai kabam kamakum sam: “Kadi Bebilon, saha kahamei mah ninado sazyii pouryiimah ngou kasaba hangmah pwi,” sii ryii kabam zei aileile.

MATIMANGOU KAPYII 18:10

mpoupeimah mage tei ngouhingsii ahnyiinii dhiisii sat tangle ninado tam tangle, “Ngouhingjule, ngouhingjule! Kadi ninado kadi kathang namdi Bebilon, nang! Pungkii kikii gomah samtak katii tei gong takle.”

MATIMANGOU KAPYII 18:18

mpoupeigo miru kaleimah mika tei ngou wosanii saa mpatle, “Namdi kadi tei kadapeigo njoi takpo?”

MATIMANGOU KAPYII 18:2

Sateichii ahnii rok kasagoipiinii saa mpatle, “Koutakle, koutakle, kadi Bebilon tei! Sateichii aitoinii sara kashyii hangnii sateichii matei kasu rangii hangnii kabamni, ninado matei kasu sateichii ngouka nraang ruinah hangteinii mpoupei dato lunglei takle.

MATIMANGOU KAPYII 18:21

Teito kadi kathang sating gamlui hangninanii kakaryii kuitu takum katu kadi hangninii poima- tusanii, dwijai lungkii toikaisii tamle, “Aitiisii ngoukahing teimaham patsii Bebilon namdi kadi gotei toi m-mang ai tangle, sateichii nlailoisii dou- loilak takle.

MATIMANGOU KAPYII 18:24

Sateichii Lungkakalingmei mah, kamateimei mah ninado sazyii pouryiito gikalei matum madum mah zai tei mpoupei dato doutakle.