MATIMANGOU KAPYII 10:1 - KARANU KABI SAMTAM

¹ Teito sating gamlui kaki kadi hangninii sating gamto humkalei tei Inii ngoutakle; sateichii phyiibung gamtei tuipiirok leile, sateichii ahmah jutei leimik takumle, ninado ahmah pitei mimah kaching takumle.

MATIMANGOU KAPYII 10:1 Iomraidhean Croise

METIU 17:2

Sateichii mpounii ahnyii doito jai talui kali takle sateichii mpou jutei leimik takumpii vatakle, sateichii mpoumah peimani tei kava takumpii haranou takle.

LUKNII KARYII KABI RASAM JUKAMATI 21:27

Tei tinglangki meinah sapfii mpou teinii mpou mah pumtei kava ninado tei maham kadigo kaswisii mongjyii kito kagong tei ahnyiinii ngoutangle.

TIILAMLWI KAPYIIMEI THA JUKAMATI 26:13

tingna leimik asumkii, he sagong, leimik sung kisii vakabi sating gamto kava hangninanii n-gudo sateichii n-gu kaswisii tat kaleimei hang godo pwidito va magui kalu tei Inii ngoutakle.

MATIMANGOU KAPYII 1:7

Julo, Mpounii kamong gotei ka- swisii gong leile; sateichii meihangnii, sateichii mpougo nghiipii kahuimei tei haisii mpougo ngoutangle; sateichii sazyii pouryii luihangnii mpou kaang kito kamadak tangle, nle, teitii tangle, Amen.

MATIMANGOU KAPYII 18:1

Aitaito teimaham kadi kalei kaki sating gamlui hangni- nanii sating gamto kahum tei Inii ngoutakle; sateichii ahmah kava teipii sazyii pouryii hang vatakle.

MATIMANGOU KAPYII 18:21

Teito kadi kathang sating gamlui hangninanii kakaryii kuitu takum katu kadi hangninii poima- tusanii, dwijai lungkii toikaisii tamle, “Aitiisii ngoukahing teimaham patsii Bebilon namdi kadi gotei toi m-mang ai tangle, sateichii nlailoisii dou- loilak takle.

MATIMANGOU KAPYII 20:1

Sateichii kathok nlai kaga ahom mah chabyii ninado sagyiireng kadi bah kikii poikalei sating gamlui hangninanii sating gamto kahum tei Inii ngoutakle.

MATIMANGOU KAPYII 4:3

Sateichii bam kalei ahgotei kaju kak mai kateeng kuitu Jasper ninado Carnelian go raile sateichii Emerald go karai tuipiirok teinii sagongbam gotei maguisii bamle.

MATIMANGOU KAPYII 5:2

“Sateichii larek tei laat tang karam sateichii teimah seal tei tiipak tang karam jangpii tiikamajyiimei ta leipo?” sii rok sagoisii tam mati kalei kadi kathang sating gamlui hang- ninii Inii ngoutakle.

MATIMANGOU KAPYII 8:13

Teito Inii jule, sateichii sating sumteito jung kalei kalaang ruinah hangninanii rok sagoisii katam tei Inii shiitakle; “Kongtang karam sating gamlui kaki hangtum mah kachem hang jangteipii sazyii pouryiito lung kalei hang jangpiinii kamagele, kamagele, kamagele!”