MATIMANGOU KAPYII 1:9 - KARANU KABI SAMTAM

⁹ Gonyii sanapii ninado Jisutai kaswimei hangninii tiisii gonyiigo kaswisii kamage kalak, ninado sagong sating sazyii ninado lung leh kati mah njai dou njoisii kalei Jon Inii Saraamah samtam ninado Jisunii kamati kamangou tei saa ka-mpat jangpii Patmos-sii kalat dwipii maguisii kalei sazyii kiteikii n-gu kai aitakle.

MATIMANGOU KAPYII 1:9 Iomraidhean Croise

METIU 20:23

Mpounii ahnyii dakii tamle, “Gonyiinii gumah peek tei saknii sak tangle, nlenii gubah ajiilamto ninado gubah abilamto bam tang karam teinii, Inii pyiitang karam mah makle, nlenii ainii gu pfiinii mbam tang karam jangpii tiikadakai kabam mei jangpiiniile.”

MARK 10:39

Sateichii ahnyiinii mpouda tamle, “Nle,” teito Jisunii ahnyii dakii tamle, “Inii kasak peek tei gonyiinii poisak tangle sateichii Inii dwi mpum kalu takumpii gonyiinii dwi mpum tangle;

JONNII KARYII KABI RASAM JUKAMATI 16:33

Gonyiinii gudato kamajung tei doumatu tang karam jangpii samhang ai Inii gonyii dakii tam takle. Sazyii pouryiito gonyiinii kamage kalak doule, nlenii ntatulo, sazyii pouryiigo Inii ngamwo takle.”

TIILAMLWI KAPYIIMEI THA JUKAMATI 1:15

Sateichii leimik teihang kak kiteito, Pitarnii kangsanamei sumto tusat tosii tamle, (ndwi kalu meihang tei mei haisii makaikii kakumle.)

TIILAMLWI KAPYIIMEI THA JUKAMATI 14:22

Bamlyii hang ki teito boumei lung tiisangting pyiisii kamalum kiteito taksupiinii bam matutang karam jangpii katwisii kamage kalak hangkago kaswisii nyiinii Saraa mah sating sazyiiki liit tang karamlesii tam ralipyiile.

ROMMEI 8:17

Sateichii Saraa nahmeile ponii mahtou katoumeido takle, mpougo kaswisii nyiinii pumtei kava tei dou njoitang karam jangpii Kristago kaswisii nyii kamage kalak pung njoi leponii, Saraa mahtou katoumei sateichii mpougo njoisii mahtou katoumei takle.

ROMMEI 8:25

Nlenii nyiinii ngou kasu gotei maning malum leponii teigotei nyiinii lehsii koileile.

2 KORENMEI 1:7

Gonyii jangpii nyiinii maning kamalum tei nlaisang nlai makle; kadapokii nyiimah kamage kalak hangtei go- nyiinii njai poihai katu takumpiinii, nyiimah kazangjyii kitodo gonyiinii njai tei poihai tangle.

PILIPIMEI 1:7

Gonyiihang jangpii Inii aitiisii maning majyiile, kadapokii gonyiinii gulung kito leile, sateichii n-gu sagyiirengpii kapei tinglang kak, sateichii kabi rasam katam kito, saryii tiisii kadang kito, sateichii tiisangting katu, gonyii hangnii n-gu kaswisii jumage kati mah njai dou njoi katu meihangle.

PILIPIMEI 4:14

Nlenii gonyiinii gumah kamage kalak hang pung njoi kapyii kito hangkapii bitakle.

2 THESOLONIKAMEI 3:5

Sateichii Bangpiinii gonyii lung- tei Saraamah lungkasyii ninado Kristamah lung leh kati kiteikii chyiitat pyii matulo.

2 TIMOTHI 1:8

Nyii Bangpii jangpiinii sakchyii kapyii tei nrou sulo mak-kii Krista jangpiinii kabangki kaleimei tiisii kalei gujangpii nrou sulo nlenii Saraamah teimaham taiswisii kabi rasam jangpii kamage kalak tei leh njoipyiilo.

HEBRUMEI 10:36

Kadapokii gonyiinii Saraamah kamaning kamazhii tei tiitang karam jangpii sateichii mpounii riishii tiikabam tei doutang karam jangpii, gonyiinii lung lehti tang karam kabi ai leile.

1 PITAR 5:1

Teijangpii ting njoisii kaleimei hangninii tiisii, Kristanii kamage kalak kapungmah sakchyii ninado mati mangou tang karam pumtei kavamah njai dou njoitang karam Inii gonyii kak kito kalei kating- meigo khang leile,

MATIMANGOU KAPYII 1:1

Kalangsii pat tang karam sam Saraanii Jisu Krista dakii mati mangou pyiisii mpounii mpouki kaleimei dakii mangoupyii matu tang karam jangpii, mpounii mpoumah sating gamluigo lang magongsii mpouki kaleipii Jon dakii mati pyiile.

MATIMANGOU KAPYII 1:2

Mpounii Saraamah samtam mah ninado Jisu Kristamah sakchyii mah kaang kito, katunii mpounii ngou- kalu hangmah kaang kito sakchyii pyiitakle.

MATIMANGOU KAPYII 1:4

Jon-nii Asia kito kalei charsh sana dakii: Tingneishang, ndoushang ninado sushang gongtang karam Ah dato, Ahmah sagong bam doito kalei rangii sanamah.

MATIMANGOU KAPYII 1:6

sateichii nyiigo sagong sazyii ninado mpoumah Pfii Saraamah bam kiteito kanat kajum Atingmei tiimatu kapyii mpou dakii pumtei kava ninado magongsii kalung tei kalui kaga tei matulo. Amen.

MATIMANGOU KAPYII 11:7

Sateichii ahnyiinii ahnyiimah sakchyii kapyii tei luisekchii, sazyii kathok nlai kaga ahom kito kapat saramkow teinii ahnyiigo saryii tiitangle, sateichii ahnyiigo ngam tangle ninado gitat tangle.

MATIMANGOU KAPYII 12:11

Sateichii ahnyiinii mpougo Jaonah mah zai teipii sateichii ahnyiimah sakchyii kapyiimah sam- kang teipiinii ngam wotakle, kada- pokii ahnyiinii ahnyiimah tiilung gotei katai katang marai makle.

MATIMANGOU KAPYII 12:17

Sateichii mwigatpwi teinii sapwi mpei gotei rarhiisanii ahmah mashak kalei tatreng, Saraa- mah kakhatsam hang swisii kalei ninado Jisugo sakchyii pyiisii kalei ahnyii gotei saryii tiitang karam jangpii tat tutakle.

MATIMANGOU KAPYII 13:10

Mei kata hangniniigo maringpouchyii chyiitat tutang karam leileponii, ahnii maringpouchyii kitei tat tangle; mei kata hangniniigo saryiikhang teipii gitang karam leileponii, ahgo saryiikhang teipii gitat tang ka- ramle. Lungleh kati ninado kamalum tei kamateimei jangpii aito lat leile.

MATIMANGOU KAPYII 14:12

Saraamah kakhatsam ninado Jisumah kamalum go swisii kalei kamateimei hangnii lung lehti tang karam jangpii lat leile.

MATIMANGOU KAPYII 19:10

Teito Ahgo mata tang karam jangpii Inii ahmah pibang tei kou- mangle, nlenii ahnii gudakii tamle, “Nangnii teitei tiilak tang karamle! Inii n-go njoi katu kikalei ninado Jisumah sakchyii pungsii kalei go kangsanapiile. Saraago matalo.” Ka- dapokii Jisumah sakchyii teinii Saraa sam tam ka-mpatmah rangii teile.

MATIMANGOU KAPYII 20:4

Sateichii sagongbam hangtei Inii ngoutakle, sateichii teigamto bam kaleimeihang dateikii samtak katii- mah teimaham tei pyiitakle. Satei- chii Jisumah sakchyii kapung jangpii sateichii Saraamah samkang jang- piinii phyiibaatoi kaleimei hangmah, ninado saramkownahgo mak-kii ahmah tingtu paramgo mata kasu ninado ahnyiimah seiphang gamkii mak-kii bah gamkii siiti tei doukasu ahnyiimah rakot hang gotei Inii ngoutakle; sateichii ahnyiinii ring- khiisanii, Kristago kaswisii tingkum tangkii magong takle.

MATIMANGOU KAPYII 3:10

Gumah lung leh kati samtei nangnii swikalu jang- piinii, sazyii pouryiito lungkalei hang go jaiju tang karam jangpii sazyii pouryii bamlyii hangki gongtang karam jai kaju tinglang kiteito Iniido n-go jupyii tangle.

MATIMANGOU KAPYII 6:9

Sateichii ahnii mangii kashang seal tei kalaat tinglang kak, Saraamah samtam jangpii sateichii ahnyiinii pyiikalei sakchyii tei jangpii gikalei ahnyiimah rakot hangtei pyiikatoibam kang teikii Inii ngoutakle;

MATIMANGOU KAPYII 7:14

Inii mpou dakii tamle, “Oja, nangnii tile,” sateichii mpounii gudakii tamle, “Ahnyii hang teinii kamage kalak kadi kiteito pat kalumei teile, sateichii ahnyiimah paijou kathang tei shyii mateisii jaonah mah zai kito tiimaha aitakle.