MATIMANGOU KAPYII 1:4 - KARANU KABI SAMTAM

⁴ Jon-nii Asia kito kalei charsh sana dakii: Tingneishang, ndoushang ninado sushang gongtang karam Ah dato, Ahmah sagong bam doito kalei rangii sanamah.

MATIMANGOU KAPYII 1:4 Iomraidhean Croise

JONNII KARYII KABI RASAM JUKAMATI 1:1

Karei reisang kito samtam tei leile, samtam tei Saraago kaswisii leile, sateichii samtam tei Saraale.

TIILAMLWI KAPYIIMEI THA JUKAMATI 19:10

Ai ai tingkum hangna katang tei aitiisii pat takle, teijangpiinii Asiya kito lung kalei mei hang, Jehudimeido, Grikmeido Bangpii mah samtei shii wotakle.

TIILAMLWI KAPYIIMEI THA JUKAMATI 2:9

Nyiinii Persiya, Mediya ninado Ilam kitole sateichii Mesopotamiya, Judiya ni- nado kapadosiya, Pontas ninado Asia kitole,

ROMMEI 1:7

Rom kito kalei, Saraanii lung- kasyii meihang kamateimei tiimatu tang karam jangpii lat kalumei hang go nyii Pfii Saraa sateichii Bangpii Jisu Kristanii jumage kapyii Sateichii kamajung tei gonyiigo pyii matulo.

1 KORENMEI 1:3

Nyii pfii Saraa sateichii Bangpii Jisu krista dato jumage kapyii ninado kamajung tei gonyiigo pyii matulo.

2 KORENMEI 1:2

Nyii Pfii Saraa sateichii Bangpii Jisu Kristanii Jumage kapyii ninado kamajung tei gonyiigo pyii matulo.

HEBRUMEI 13:8

Jisu Kristanii ndaneido, ting- neido kalui kaga tinglang katangdo njoile.

JEMS 1:17

Kabi ninado sajek kaga luha hang ai sating gamtole, sakhii leimik nryiisii kalei teipiinii myiimatu kasu mak-kii, kali kasu sating gam mah kava hang go tiika- pyiipii Saraa dato gongle.

MATIMANGOU KAPYII 1:1

Kalangsii pat tang karam sam Saraanii Jisu Krista dakii mati mangou pyiisii mpounii mpouki kaleimei dakii mangoupyii matu tang karam jangpii, mpounii mpoumah sating gamluigo lang magongsii mpouki kaleipii Jon dakii mati pyiile.

MATIMANGOU KAPYII 1:11

“Nangnii ngou- kalei hangtei larek kikii ryii wosii Charsh sana dakii, katunii, Ipisa kikii, Smarna kikii, Pergamam kikii, Taiyatira kikii, Sardis kikii, Philadelphiya kikii, ninado Laodisiya kikii teitei matat ailo.”

MATIMANGOU KAPYII 1:17

Inii mpougo ngou wosek-kii kataimei takumpii Inii mpou doito koumang takle. Sateichii mpounii mpou bah ajiilam tei guphyiiryiikii poikai pyiisii tamle, “Hingsulo, karei ninado kana tei Ile,

MATIMANGOU KAPYII 1:20

Gubah ajiilamto nangnii ngou kalu sageiti sana ninado sona mah thaomi kadungpii sanamah kamakum sam teinii: Sageiti sana teinii Charsh sanamah sating gamlui hang teile, sateichii thaomi kadungpii sana teinii charsh sana teile.

MATIMANGOU KAPYII 1:8

Tingneishang, ndoushang ninado sushang gongtang karam kadi kathang, Saraa Bangpii teinii tamle, “Karei ninado kana tei Ile.”

MATIMANGOU KAPYII 1:9

Gonyii sanapii ninado Jisutai kaswimei hangninii tiisii gonyiigo kaswisii kamage kalak, ninado sagong sating sazyii ninado lung leh kati mah njai dou njoisii kalei Jon Inii Saraamah samtam ninado Jisunii kamati kamangou tei saa ka-mpat jangpii Patmos-sii kalat dwipii maguisii kalei sazyii kiteikii n-gu kai aitakle.

MATIMANGOU KAPYII 16:5

Sateichii dwimah rangii teinii aitiisii katam Inii shiile, “Tingneishang ninado ndoushangto kalei, O kamateipii, nangnii samtak tiikatu ai majyiile.

MATIMANGOU KAPYII 2:12

“Pergamam Charshmah rangii dakii ryiilo! Mwi mwina kapung mwi kabi saryiikhang kalei Ah teinii sam hang ai tam leile.

MATIMANGOU KAPYII 2:18

“Sateichii Thyatira kito kalei Charshmah rangii dakii ryiilo: mi mishong takum katu mik kapung ninado piitmatei kalei kamaleek sa- nahgyii takumpii vakalei pi kouzhii kapung, Saraa nah sapfii mpou teinii sam hang ai tam leile.

MATIMANGOU KAPYII 2:8

“Smarna charshmah rangii dakii ryiilo: katai kito ringkhii kalu karei ninado kana, Ah teinii sam hang ai tam leile.

MATIMANGOU KAPYII 22:16

“Jisu, Inii Charsh hang jangpii gonyii dakii aihang ai sakchyii pyiimatu tang karam jangpii gumah sating gamluigo lang magong takle. Inii vakabi sagei tingtang pwi, Devit mah maa ninado tatreng teile.”

MATIMANGOU KAPYII 22:8

Sateichii aihang go shiikalu ninado ngoukalu ah tei Jon I-le. Sateichii aihang ai Inii shii wosek-kii ninado ngou wosek-kii, teihang tei gudakii mangou kapyii sating gamlui pibang tei Inii riita tang karam jangpii koumang takle.

MATIMANGOU KAPYII 3:1

“Sardis kito kalei Charshmah rangii dakii ryiilo, Saraamah rangii sana sateichii sageiti sana kalei Ah teinii sam hang ai tam leile, Inii gomah tha hangtei tile, nangnii karing mah zei doukalei tei Inii tile, sateichii nangnii kataile.

MATIMANGOU KAPYII 3:14

“Laodisiya, kito kalei Charsh- mah rangii dakii ryiilo, Amen sii kalat, malum kabui ninado kasang sakchyii Saraa baichem mah apum katii Ah teinii sam hang ai tam leile.

MATIMANGOU KAPYII 3:7

“Philadelphiya kito kalei charsh- mah rangii dakii ryiilo, kamatei, kasang, Devit mah chabyii jumsii kalei, laat aisekchii mei kaniido takam kalak, sateichii takam aisekchii mei kaniido laat kalak ah teinii sam hang ai tam leile.

MATIMANGOU KAPYII 4:5

Sateichii Sagongbam kiteito sating kapeek katu rok hang, sateichii sating katwi hangkapii patle. Sateichii sagongbam doitei Saraamah rangii sana tiisii kalei mi vakalei mi sana leile;

MATIMANGOU KAPYII 4:8

Sateichii karing kounah madai tei kashii sarukruk pungle, sateichii lungdo poudo mikpiinii tokryiile; sateichii ahnyii teinii tinghum tingna ntak supii lhii tiile: “Kamatei, kamatei, kamatei, ndoushang, tingneishang ninado gongtang karam Ah ai Bangpii Saraa kadi teile!”

MATIMANGOU KAPYII 5:6

Teito karing kounah madai ninado katingmei hangteinii bang- magwisii kabam, sagongbam sumteito Jaonah hangninii sat kalei tei Inii ngoutakle. Jaonah teinii gitat kabam takumle, sateichii teitei kha sana mik sana pungle, teiteinii sazyii pouryii bamlyii hang kikii lang mpat kabam Saraamah rangii sana teile.

MATIMANGOU KAPYII 8:2

Teito Saraa doito sat kalei sating gamlui sana ninado ahnyii dakii kachem sana pyii katu tei Inii ngoutakle.