MARK 9:42 - KARANU KABI SAMTAM

⁴² “N-gu malumsii kalei nahmei kacheng ai kak kito hangniniigo kado mei kata kangkanii ah mah kamalum tei tiimaga aisii kem kama kikii chyiikai aileponii; ah jangpiinii kakaryii kuitu kadi hangninii kagung kikii kuikaisii dwijai kikii toikai kalei teiniipou bibwile.

MARK 9:42 Iomraidhean Croise

METIU 17:27

Nlenii nyiinii ahnyiigo rakarhii tei tiimatulak tang karam jangpii nang dwijai kitei maasii kaa chyiitulo, sateichii kaa mai karei tei chyii mpatlo, sateichii nangnii kaa tei mwi pak jusekchii Sekhel hangninii ngoutangle; teitei poisii ahnyii dakii gumah ninado gonyii mah aha tei pyii ailo.”

METIU 18:10

“Gonyiinii ai kacheng hang kak kito hangninii godo maning kamala tiikasu tiisii tiigat tolo; kadapokii Inii gonyii dakii tam leile, Sating gamto ahnyii mah sating gamlui hangnii sating gamto kalei gu pfii jutei taksupii ngou leile.

METIU 18:6

“Nlenii n-gu malum kalei nahmei kachengmei aihang kak kito hangniniigo mei kata kangkanii tiikou aileponii, mpou kagung kikii kakaryii kuitu kuikaisii dwijai katuk ki takliitsii dwikito ngalum kalei teiniipou mpoujangpii bibwi tangle.

TIILAMLWI KAPYIIMEI THA JUKAMATI 9:4

teito mpounii sazyii koumang takle; sateichii “Sol, Sol nangnii n-gu kadajangpii tiika- mage leipo?” Sii mpou dakii katam rok hangninii mpounii shiitakle.

ROMMEI 14:13

Teijangpii nyiinii hangninanii hangniniigo nlailoisii samtak tiisude; Nlenii taisungnii mpou sanapii mah pwidi kikii pi pashui matu tang karam jangpii mak-kii kou matu tang karam jangpii, pwidi kadang pot hangninii kado kaisang kailakle katupii lung sat tolo.

ROMMEI 15:21

Nlenii ryii kabam aitakumpii, “Mpou kaang kito tam sang tam matipyii kasumei tei ngoutangle, sateichii mpou kaang kito shiisang shii kasumei tei tigong tangle.”

ROMMEI 16:17

Kangsanamei, Inii gonyii dato khangleile, gonyiinii doukalu samtam gotei kaswisupii malatpii tiikapak tiikapang katii sateichii sadoi ka- shyii tiikakai ahnyii gotei ju tiwolo, sateichii ahnyii dateito mpaa wolo.

2 KORENMEI 6:3

Nyiimah tha kito kama tei mei kata hangninii kaniido doumatulak tang karam jangpii, mei kata hang- niniimah pwidi kikiido doikadang tei nyiinii kaimakle.

PILIPIMEI 1:10

kadapokii gonyiinii bikaki tei kalaiwo kabui jangpii. Teitii leponii Kristamah leimik piinei tei gonyiinii matei kasu ninado sajek katii tei gatangle.

1 TIMOTHI 5:14

Teipiinii nyiigo ngou karoumeinii nyiigo tam mashyii tang karam jangpii bam pyii kasu tiisii, pumzai lamto karanu kamipwimei hangteinii kalakna katii, athiinaa kalung, sateichii ahnyii ki kalung mpung go ju kamatou tei Inii mareile.

2 PITAR 2:2

Sateichii mei hangkanii ahnyiimah jaikashyii tha taitei switangle; sateichii ahnyiinii tiikalei tha jang- teipii, kasangmah pwidi gotei kakimei hangnii tam mashyii tangle.