MARK 9:25 - KARANU KABI SAMTAM

²⁵ Sateichii meimoinii ahnyiida pakpi kalei tei Jisunii ngou wosek- kii, mpounii sara kashyii gotei n-gisii tamle, “Nang, khoi kapang lat kaga rangii, Inii n-go kakhat leile, aipou dato pat tolo sateichii mpouda nlaisang nlailiit loi sulo.”

MARK 9:25 Iomraidhean Croise

METIU 12:22

Teito sara kashyiinii kaswi kalei, mik kachet ninado lat kaga mei hangniniigo mpouda pang gong takle, Sateichii Jisunii mpougo tii mbipyii takle, lat kagapii teinii lat pat takle sateichii mik ngou wotakle.

METIU 17:18

Sateichii Jisunii sara kashyii gotei n-gisii kakhatle, teito sara kashyii teinii nah sapfii mpou dateito tat pat-to takle sateichii nah sapfii mpou tei teisek-kii biwo takle.

MARK 9:15

Sateichii binasek-kii meimoinii Jisugo ngou wosek-kii hangkapii sung gatakle, sateichii ahnyiinii mpouda pakpi mpougo salam tiile.

MARK 9:24

Binasek-kii nah sapfii mpou mah pfii teinii saasii tamle, “I-ma- lumle; gumah kamalum tang kasu ai tiihalo!”

MARK 9:26

Teito rangii teinii saasii nah napou gotei tiimachii tiimanhii pyiisii pat-to takle. Nah napou tei kataimei takum takle, sateichii meimoinii tamle, “Mpounii taitakle.”

LUKNII KARYII KABI RASAM JUKAMATI 11:14

Jisunii alat pat kasu sara kashyii gotei baatoi pyiile, sateichii sara kashyii teinii patto sek-kii, lat kagapii teinii lat pat takle; sateichii meimoi teinii hangkapii sung gatakle.

LUKNII KARYII KABI RASAM JUKAMATI 4:35

Jisunii matei kasu Rangii gotei mwija pyiisii tamle, “Malhii sulo, sateichii mei dato tatpat tolo,” teito sara kashyii teinii mpougo meimoi doikii toi m-mangpyii takle, sateichii mpou dato tatpat totakle mahkado tiimashyii supii.

LUKNII KARYII KABI RASAM JUKAMATI 4:41

Sara kashyii hangtei niido, “Nang Saraa nah sapfii mpou teilesii saasii meihangkii dato tatpat totakle.” Sateichii Jisunii ahnyiigo mwija pyiisii malhii matu sutakle, dapochiinii mpou ai Kristale katu tei ahnyiinii tile.

LUKNII KARYII KABI RASAM JUKAMATI 8:29

Mpounii ai-ai tamle, dapokii Jisunii kashyii rangii gotei mpou dato pat tolosii mwija pyiile. Dapochiinii tinglang kaleita kashyii rangii teinii mpougo jumle, mpougo pi bah sagyiirengpii peisii bah sagyii rangkatpii kaisii meigo koibam matule. Nlenii mpounii sagyii reng ninado sagyii rangkat hang teido tiitak wole, sateichii kashyii rangii teinii mpougo sazyii kamarong kikii baa baatoile.

LUKNII KARYII KABI RASAM JUKAMATI 9:42

Sateichii nah napou teinii tatpi leibangpii, sara kashyii teinii mpougo sazyiikii poi kousii tii kamage pyiitakle. Jisunii sara kashyii gotei kakhatsii namtakle, sateichii nah napou gotei tii mbipyii takle, sateikii mpou pwinei mpou pfii dakii nah sapfii mpou gotei pyiiloi takle.

TIILAMLWI KAPYIIMEI THA JUKAMATI 16:18

Sateichii mpoupeinii tinglang kathangkii ai ai aitii takle. Nlenii Polnii samou supiinii nryiigong sii rangii dateikii tamle, mpoupei dato tatpat totang karam jangpii Inii Jisu Krista zei kito godakii mwija pyii leile. Tei tinglang sek-kii, rangii teinii patto takle,

JUD DATO KAGONG CHITI JUKAMATI 1:9

Nlenii sating gamluimah aphyii kasat Maikelnii seitan go ka n-gisii, Mosesmah pumpotmah kaang kito kasou katu tinglang kak, ah phyiiryiikii kalet kalou katiisam tam tang karam lung kadi tei gale, nlenii “Bangpiinii n-go tiikamage matulo” sii ahnii tamle.