MARK 8:38 - KARANU KABI SAMTAM

³⁸ Kadapokii mei-nou mainahgo kachyii ninado kakui kama ai-haki aito kalei mei kata kangkanii gujangpii ninado gusam jangpii n-rou lepochiinii ah dato meinah sapfii mpou teinado n-rou tangle, mpounii kamatei sating gamlui hang go kaswisii Pfii mah pumtei kava kito kagong kak tei.

MARK 8:38 Iomraidhean Croise

METIU 12:39

Nlenii mpounii ahnyiigo kekha- latle, “Kashyii kahong ninado meinou meinah go kashyii katiimei ha ainii tiikamangou siiti go fiile, nlenii Lungkakalingpii Jonah mah tiika- mangou siiti teisupiinii tiikamangou siiti tei pyiilakle.

METIU 13:41

Meinah sapfii mpou teinii mpou mah Sating gamlui lang m- mangsii meigo kem kikii chyiikakai mei sateichii kashyii kahong tha katiimei hang go mpoumah sagong sazyii kito poi ndwi wosii ahnyiigo mibam kikii toikai tangle.

METIU 16:27

Kadapokii meinah sapfii mpou teinii mpou pfii mah pumtei kava kito mpoumah sating gamlui hang go kaswisii gong tangle, sateichii tei tinglangki meihang dakii mpou mpoumah tha taiswisii alangh pyii tangle.

METIU 16:28

Inii gonyii dakii kasangpii tam leile, aikito sat kalei ahnyii kangkanii, meinah sapfii mpou teinii sagong tiisii kagong tei ngou kasuta tailakle.”

METIU 16:4

Kashyii kahong ninado meinou meinahgo kashyii katiimei ha ainii tiika- mangou siiti hangninii fiile, nlenii Jonah mah tiikamangou siiti teisupii tiikamangou siiti hangninii kado pyiilakle.” Teipiinii mpounii ahnyiigo toi aisii tat tutakle.

METIU 24:30

Teito meinah sapfii mpou mah tiikamangou siiti hangtei sating gamto pat tangle sateichii teimaham nei kadi pumtei kava tei kaswisii meinah sapfii mpou teinii sating gam mah mongjyii phyiiryiito kagong tei ahnyiinii ngoutangle;

METIU 25:31

“Meinah sapfii mpou teinii mpoumah pumtei kava kito, sating gamlui hang go kaswisii kagong tinglang kak, mpoumah pumtei kava mah sagong bam kitei mpounii bam tangle.

METIU 26:64

Jisunii mpou dakii tamle, “Nangnii tam takle, nlenii Inii gonyii dakii tam leile, tinglang aitaito meinah sapfii mpou teinii teimaham kadi kathang mah bah ajiilamto kabam ninado sating gam mah kamong gamto kagong tei gonyiinii ngou tangle.”

METIU 8:20

Jisunii mpou dakii tamle, “Sa- ramii kounah mah ki kachet bamle, sateichii sating gam ruinah hang mah mathiit leile; nlenii meinah sapfii mpou mah phyii nkum tang karamni gale.”

MARK 13:26

Sateichii meinah sapfii mpou tei kamong phyiiryiito teimaham ninado pumtei kava kito kahum tei ahnyiinii ngoutangle.

MARK 14:62

Jisunii tamle, “I-teile,” “Satei- chii meinah sapfii mpou teinii teimaham kaleipii ajiilamto kabam ninado sating gam kamong go kaswisii kahum gonyiinii ngou tangle!”

MARK 8:37

Kadapochiinii mei hangninanii mpou karing ai kadapeipii hek tangpo?

LUKNII KARYII KABI RASAM JUKAMATI 19:26

‘Inii gonyii dakii tam leile, kabam meihang dakii kisii pyii- tangle, nlenii kagamei dateito mpou mah kabam hang teido poitoi aitangle.

LUKNII KARYII KABI RASAM JUKAMATI 9:26

Kadapochii gujangpii sateichii gusamtam hang jangpii mei kata kangkanii nrou leponii, meinah sapfii mpou teinii mpou doito nrou- tangle–mpoumah pumtei kava kito sateichii sating gamlui mah pumtei kava kito mpounii kagong kak.

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

JONNII KARYII KABI RASAM JUKAMATI 1:51

Sateichii mpounii ahnyii dakii tamle, “Inii go- nyii dakii kasangpii tam leile, katunii sating gam laat kabam sateichii Saraa mah sating gamlui hangnii meinah sapfii mpou phyiiryiito pisii humsii kabam tei gonyiinii ngoutangle.”

JONNII KARYII KABI RASAM JUKAMATI 12:34

Meimoinii khekalatle, “Krista teinii kalui gasii ringtang lesii nyii- mah ajaitingshang kito tamle, teitiileponii, meinah sapfii mpou gotei poisagoi tang karamle katu nangnii kada takumpiinii tam wotangpo? Meinah sapfii mpou ai tapo?”

JONNII KARYII KABI RASAM JUKAMATI 5:27

Sateichii nah sapfii mpou tei meinah sapfii mpou katu taiswisii samtak katii tei mpounii mpou dakii teimaham pyiitakle.

TIILAMLWI KAPYIIMEI THA JUKAMATI 10:22

Sateichii ahnyiinii tamle, “Saryiimei mei hai phyiiryiito apum tiikaleipii Kornilius, kasang ninado Saraago kahing sateichii Jehudimei lui hangnii tam ka-mbipii dakii, mpou kikii n-go pang gong matutang karam jangpii ninado godato sampao tei shii tang karam jangpii kamatei sating gamluinii tampyii ralipyii takle.”

TIILAMLWI KAPYIIMEI THA JUKAMATI 5:41

Teipiinii ahnyiinii Jisu zei kito ka-nrou ai doumajyii lesii ntasii samtak katii katingmei doiteito tatpat takle.

ROMMEI 1:16

Kadaponii Inii kabi rasam jangpii ka-nrou gale; kadapochiinii teitei kamalum mei hangnii keikapyii karing doutang karam Saraa mah teimahamle; karei kito Jehudimei go sateichii Grikmei godole.

GALATIMEI 6:14

Sazyii pouryiinii gudakii sateichii Inii sazyii pouryii dakii krosh kito taikapyii, nyii Bangpii Jisu Kris- tamah kaang kito supiinii detkadi tei gudato dhii matulo.

1 THESOLONIKAMEI 2:19

Kadapokii nyii Bangpii Jisunii kagong tinglang kak mpou doito nyiimah maning kamalum, ka-nta mak-kii detdi tang karam kaang tei kadapeipo?

1 THESOLONIKAMEI 3:13

Aitiisii nyii Bangpii Jisunii mpoumah kama- teimei hang go kaswisii kagong ki, nyii Pfii Saraa doito mpounii gonyiigo sajek gasii kamatei kito tiisangting pyiitangle.

2 TIMOTHI 1:12

Sateichii kaang aihang jangpii kamage kalak hang ai Inii dousii leile, nlenii Inii aitoido maning kamalum teipii tokryiile, daponii Inii malum kalei mpougo Inii tile, sateichii mpounii gudakii pyiikabam tinglang leimik katang tei mpounii n-gu koipyii jupyii wobuile katu tei Inii malumle.

2 TIMOTHI 1:16

Abangpiinii Onisi- poraski kalung mpung go lungsyii pyii matulo; dapokii mpounii n-gu kamage kalak kito tii ntajat jat pyiisii n-gu kapai sagyiireng hang jangpii mpounii nroupyii makle.

2 TIMOTHI 1:8

Nyii Bangpii jangpiinii sakchyii kapyii tei nrou sulo mak-kii Krista jangpiinii kabangki kaleimei tiisii kalei gujangpii nrou sulo nlenii Saraamah teimaham taiswisii kabi rasam jangpii kamage kalak tei leh njoipyiilo.

HEBRUMEI 11:16

Nlenii kisii bikaki sazyii katunii, sating gam mah ki hangninii, ai ahnyiinii dounyiiwo takle. Teijang- piinii ahnyiimah Saraale sii lat tang karam ai Saraanii nroumakle, kada- pokii mpounii ahnyii jangpii namdi hangninii tiikadapyii bamtakle.

HEBRUMEI 11:26

Izip mah kani kahiigo sungnii Krista mah ngou kasaba teinii kisii mai teeng kile sii mpounii poi wotakle. Kadapokii tinglang kanaki doutang karam alangh tei mpounii jubamle.

HEBRUMEI 13:13

Teijangpii nyiiniido mpoumah ka-nrou njai tei dou njoitang karam jangpii namki saba mpou datei tat tude.

JEMS 4:4

Gonyii sapwimei sapfiimei kashyii kahong tha katiimei! Sazyii pouryiigo kanghe katii ai Saraago ngou karoumeile katu gonyiinii timakde? Teijangpii kata kangkanii sazyii pouryiigo kanghe tiikanyiimei teinii ah roinapiinii ahgo Saraamah angouroumei tiisii leile.

1 JON 2:23

Nah sapfii mpougo mazhii ka- sumei hangteinii pfiigodo doumakle, nah sapfii mpougo kamazhii ah teinii pfiigodo doule.

1 JON 2:28

Gunahmei, aitoinii mpounii kagong tinglang kak nyiinii lung kalum tei doukabui tiisii, sateichii mpounii kagong piinei leimik mpou dato nrousii mbeilak tang karam jangpii gonyiinii mpou dato taksu- piinii leilo.

MATIMANGOU KAPYII 14:10

ahmah raka- rhiimah peek kiteikii teimaham matumpii ahnii ruikai kabam, Saraamah jou tei ahniido sak tangle! Sateichii ahgo mipii sateichii sul- phurpii kamatei sating gamluihang ninado jaonah doiteito tiikamage tangle.