Biblia Todo Logo
Bìoball air-loidhne

- Sanasan -




MARK 6:3 - KARANU KABI SAMTAM

3 Aipou ai tingchem kachempii Meri-nah sateichii Jems, Joses sateichii Simon sung katingpii tei makde? Sateichii mpou-taipwimei hangdo nyiigo kaswisii lunglei makde?” Aitiisii ahnyiinii Jisugo mazhii sutakle.

Faic an caibideil Dèan lethbhreac




MARK 6:3
21 Iomraidhean Croise  

Sateichii gumah kaang kito maning kariirhii kasu mei tei sadoi bile.


Mpounii meihang dakii tam leibangpii, Julo, mpou pwi ninado mpou sanameinii mpougo sam rashii lesii kajangto sat takle.


Sateichii sapwimei kangkado kak dhiihaisii jusii leile, ahnyii kaktei Meri Mekdolen, Jems kara- nupii nei Joseph pwi Meri ninado Solomi haile.


Andru, Filip, Bartholomio, Metiu, Thomas, Alfaiyas nah sapfii mpou Jems, Tadios, Kainan mpfii Simon,


Simion nii ahnyiigo satoi pyiile sateichii mpou pwi Meri dakii tamle, “Julo, ai nah ai, Isrel kito kalei mei hangkii jangpii tiikakou sateichii tiikamatu jangpii Saraanii kalaibam takle, sateichii mpou ai Bangpii dato kagong siiti tiikamangou hangninii meihangkanii tam kamashyii tei tangle.


Kada- ziikapiinii sadoi bipo gu kaang kito mah kado maning kariirhii kaga meitei.”


Sateichii mpou pwi sateichii mpou sanamei teinii ki kajangto satsii mpougo kadou lesii mpou dakii sam tam maliit takle.


Judas (katunii Judas Iskariot kasupii) nii tamle, “Bangpii sazyii pouryii dakii supii nyii dakii go pum sek tei nangnii kadakumpii mangou tangpo?”


Ahnyiinii tamle, “Ai nyiinii mpou pwi mpou pfiigo tisii kalei, Joseph nah sapfii mpou teimakde? Inii sating gamto humlesii aitoi mpounii kada takumpii tamleipo?”


Sateichii teiki tei liit tosii Pitar, Jon, Jems, Andru, Filip, Tho- mas, Bartholomio, Metiu sateichii Alfaiyas nah sapfii mpou Jems, Selot sii lat kalei Simon, sateichii Jems nah sapfii mpou Judas ahnyiinii bam kalei alaangki kasagoi ki shang kitei tatpi takle.


Nlenii mpounii ahnyiigo malhiisupii bam matu tang karam jangpii mpoubah hampat sii Bangpiinii mpougo kabang ki teito kada takumpiinii pang mpatpyiipo katu tei ahnyii dakii tam mpatpyii takle. Sateichii mpounii tamle, “Sam hang ai Jems ninado kangsanamei hang dakii tampyiilo.” Teito mpounii tatpatsii bam kaki hangniniiki tat tutakle.


Nlenii Jehudimei jangpiinii pi kapaswi kuitu sateichii lui kakimei jangpiinii kapang kamang tiisii kalei, krosh gamkii dhangsii gikalei Krista mah kaang kito nyiinii tam ralipyiile.


Inii gutha jangpii kachii kasak pyiimatu tang karam gumajyii lei makpo?


Nlenii Bangpii sanapii Jems tei supiinii tiilamlwi kapyiimei kaki hangninii kagodo Inii ngoumakle.


Meinahnii mazhii supii rat toi kalei, nlenii Saraa mikjot kitonii kalai kalu, mai kateeng, ninado karing kuitu datei gonyiinii gonglo.


Jisu Krista kikalei ninado Jems sanapii Judnii, Pfii Saraamah lungkasyii ninado Jisu Kristamah koikapyii jukapyii kito lungsii kalei, Saraanii lat kalumei dakii:


Lean sinn:

Sanasan


Sanasan