MARK 5:7 - KARANU KABI SAMTAM

⁷ Sateichii mpou- nii rok sagoisii saasii tamle, “Kasagoi goisang Saraa nah sapfii mpou, Jisu! Nang n-gu dapei tiileziipo? Saraa zei kito Inii n-go khangleile, n-gu tiikamage seisulo.”

MARK 5:7 Iomraidhean Croise

METIU 16:16

Simon Pitarnii khekalatle, “Nang karing Saraanah sapfii mpou teile.”

METIU 26:63

Nlenii Jisunii malhii sutakle sateichii Tingditupii teinii mpou dakii tamle, “Saraa nah sapfii mpou Krista tei nangle katu, nang makle katu nyii dakii tam matutang karam jangpii karing Saraa zei kito Inii n-go riishii n-nhii leile.”

METIU 4:3

Teito Seitan teinii mpouda gongsii “Nang Saraa nah Sapfii mpou lepochiinii, kuitu hang ai tiirok ndat tolosii kakhatlo,” sii tamtakle.

METIU 8:29

Sateichii julo, ahnyiinii saa mpatle, “He Saraa nah Sapfii mpou, nangnii nyiigo kaswisii kadapei tiitang karam leipo? Tinglang tei gong kasunakii nangnii nyiigo tiimagapyii lesii aiki gonglei takpo?”

MARK 1:24

“Nang nyiigo dapei tiinyiipo, Nazaret ki Jisu? Nang nyiigo tiima- shyiilesii aiki gong leipo? Nang tapo katu I tile, Nang Saraa mah kamatei sam katam meile.”

MARK 14:61

Nlenii Jisunii malhiisupii bamsii mah kado khepyii sutakle. Nlailoisii Tingditupii teinii mpougo kachyiinhiile, “Tam makang tang karam nah sapfii mpou Krista tei nangpo?”

MARK 3:11

Sateichii matei kasu rangii kaswi kaleimei hangnii mpougo ngou wosek-kii, mpou doito kouhumsii saale, “Nang Saraa nah sapfii mpou teile.”

MARK 5:6

Sateichii mpounii Jisugo kak dhiihaisii ngoutakle, teito mpounii bapi Jisugo riitale.

MARK 5:8

Ahnii ai tamle, dapokii Jisunii tamle, “Kashyii rangii” mei aipou gamto nang tat pat tolo.

LUKNII KARYII KABI RASAM JUKAMATI 1:32

Mpounii kadimei hangninii tii- tangle sateichii sagoi kaki Saraanah sapfii mpou sii lat tangle, mpou pfii Devitgo takumpii, Saraa bangpiinii mpougo sagong tiimatu tangle;

LUKNII KARYII KABI RASAM JUKAMATI 4:34

“Oh! Nazaret ki Jisu, nangnii nyiigo kadapei tiileziipo? Nang nyiigo tiikamage tang karam jangpii gong leipo? Nang tapo katu tei Inii tile, Nang Saraa mah kamatei sam katam meile.”

LUKNII KARYII KABI RASAM JUKAMATI 6:35

Nlenii gonyiigo ngou karoumei hang go lungsyiilo, sateichii kabi tiilo, sateichii matiilo, douloi tang karam jangpii maning sulo. Kadaponii gonyii lhang tei ditangle, sateichii sagoi kaki Saraa nah tei gonyiinii tiitangle; kadapochiinii tiikapyii mai tikasu kashyiimei godo mpounii lukai pyiile.

LUKNII KARYII KABI RASAM JUKAMATI 8:28

Mpounii Jisugo ngou sek-kii, saasanii mpou doi koumang lat sagoisii tamle, “He kasagoi goisang Saraa nah sapfii Mpou Jisu! Nangnii n-gu dapei tiimatu nyiipo? Inii n-go khang leile, n-gu tii kamage seisulo.”

JONNII KARYII KABI RASAM JUKAMATI 20:31

nlenii Jisu ai Saraa nah sapfii mpou Kristale katu tei gonyiinii malum matutang karam jangpii sateichii malum wosii gonyiinii mpou zei kito karing tei doumatutang karam jangpii aihang ai ryiikai bamle.

TIILAMLWI KAPYIIMEI THA JUKAMATI 16:17

Sapwi mpei ainii Pol ninado nyii tai swigong sanii saa mpatle, “Nyii dakii keikapyii kasaga karing mah pwidi tam ralipyiisii kalei mei hang ai sagoi kaki Saraa mah kikaleimeile.”

TIILAMLWI KAPYIIMEI THA JUKAMATI 19:13

Teito roipat roiliitsii kalei Jehu- dimei sara kashyiigo baatoi kaleimei kangkaniido, Polnii tam ralipyiisii kalei Jisu zei tei latsii gonyiigo kakhat leile sii tamsii sara kashyiinii kaswi kaleimei phyiiryiikii Bangpii Jisu zei tam tutakle.

TIILAMLWI KAPYIIMEI THA JUKAMATI 8:36

Sateichii ahnyiinii aitiisii pwidi lamto tatleibangpii dwi kalei nitei gong wotakle; teito Ithopiyamei mi katupii teinii tamle, “Julo, aiki dwi lei takle, n-gu dwi mpumpyii tang karam kito kadapei kadang leipo?”

ROMMEI 16:20

Teitii- leponii kamajung mah Saraa teinii seitan gotei kalangsii gonyii pi kang- kii koumang biitnai matu tangle. Nyii Bangpii Jisu Krista mah jumage kapyii tei gonyiigo kaswipyii matulo.

HEBRUMEI 2:14

Mpounii lat kalei nahmei hangtei pum zai kapungmei katu taiswisii, Jisunii ahnyii mah njoi tei poi wotakle, sateichii nunuto kalei meinah mah jaitalui tei Jisunii dou njoi takle. Mpoumah katai paikito kataimah teimaham kabam, seitan gotei mpounii tiimaga kabui tiisii mpounii ai ai tiile.

HEBRUMEI 7:1

Kadapokii Salem ki sagong, sagoi kaki Saraamah kanat kanhii kajum atingpii teinii, sagong madaigo ngam kalu kito nlaigong kalei Abraham go kadou wosii mpougo sa- toi pyiitakle,

JEMS 2:19

Saraa hangniniile katupii nangnii malumle, nangnii kamalum tei kabile, sara kashyii hang katang piiniido malumle ninado hingsii nchyiile.

2 PITAR 2:4

Kadapokii sating gamlui hangnii kem tiikalei tinglang kak Saraanii ahnyiigo khepyii suleponii, nlenii samtak tiitang karam jangpii kaika- bam ai mei aigo mibam kikii toikaisii kamyiimah ahom kikii pyiitoi aile- ponii,

1 JON 3:8

Kem katii ahteinii seitan datole, dapokii seitannii saroisekto kem tiile. Seitanmah tha tei tiimaga tang karam jangpii, Saraanah sapfii mpou gotei magongle.

JUD DATO KAGONG CHITI JUKAMATI 1:6

Sa- teichii ahnyiigo pyiikabam teimaham mah bam kiteito bam supiinii, ahnyiimah lungkalei bam toikalei sating gamlui hang gotei mpounii samtak tiitang karam leimik kadi jangpii tuk kaki kamyii kiteikii kalui gasii sagyiirengpii peisii kaibam takle.

MATIMANGOU KAPYII 12:12

Teijangpii nta tulo, Oh sating ninado teilungto kalei gonyiihang! Nlenii kamagele gonyii jangpii, Oh sazyii pouryii ninado dwijai, kada- pokii sara kashyii teinii hangkapii rarhiisii gonyiida tat hum takle, dapochiinii ahmah tinglang ai dwitakle katu ahnii tile.”