MARK 4:11 - KARANU KABI SAMTAM

¹¹ Mpounii ahnyii dakii tamle, “Gonyii dakii Saraa mah kamakum tei pyiibam takle, nlenii sabato kalei kakimei goteinii mahlyii hangtei nda tiibamle.

MARK 4:11 Iomraidhean Croise

METIU 11:25

Teitinglangki Jisunii saa mpatle, “Sating ninado Sazyii mah Bangpii, gu pfii, Inii n-go halangle; dapochiinii nangnii aihang aigo kasakai ninado katimei dato poikabei bamsanii nahmei kachengmei hang dakii mangoupyii takle.

METIU 13:16

“Nlenii gonyii mik sadoi bile, kadapokii gonyiinii mik ngoule, sateichii gonyii khoi sadoi bile, kadapokii gonyiinii shiile.

METIU 16:17

Teito Jisunii mpougo kheka- latle, “Simon Bar Jonah, nang sadoi bile!” “Kadapokii sating gamto kalei gu pfiinii supiinii, pum zainii ai godakii mati mangou kapyii tei makle.

MARK 3:23

Teipiinii ahnyiigo mpouda lat magongsii nda tiisii ahnyii dakii tamle, kada takumpii seitan-nii sei- tan go baatoipei wotangpo?

MARK 4:10

Jisunii mpou roinapii kalei tinglangki mpougo bam maguisii kalei mei teinii Jisu boumei keariisiinakhiigo kaswisii nda tiisii katam samtei dapei goposii Jisu dato n-nhiile.

MARK 4:2

Sateichii mpounii nda tiisii sam hangka ahnyiigo tam ralipyiile; ninado mpounii rali kapyii sam kiteito tamle:

LUKNII KARYII KABI RASAM JUKAMATI 8:10

Teito mpounii khekalatle, “Saraa mah Sating Sazyii mah kamakum sam hangtei tiwo kabui mah tei gonyii dakii pyii bam takle; nlenii kakimei dakiinii ahnyiinii ngousii ngousii ngoukasu, sateichii shiisii shiisii tikasu ndasam tiisii tamziile.

1 KORENMEI 4:7

Tanii n-go mei kakimei doito taamsii tiipyiipo? Nangnii doukalu mahlyiihang tei Saraanii n-go pyiimakpo? Bitakle, teitii leponii, nangnii doukalu hangtei luha kasu takumpiinii nangnii kada takumpii detdiwo tangpo?

2 KORENMEI 4:6

Tii mpat kareiki Saraanii kakhatle, “Kamyii kito kava tei vamatulo.” Aimah njoi Saraa ainii mpoumah kava tei nyii lung kitodo vamatule. Kava ainii Krista ju kito vakalei Saraamah pumtei kava tei nyiigo timatule.

IPISAMEI 1:9

Saraanii tii- tanglesii kamaning tei mpounii sat kalu tiitang karam kamakum kamaning tei nyii dakii matipyiile.

KOLOSIMEI 4:5

Gonyiinii tinglang kabi kadouta tei jum matousii, sabato kaleimei dateito gonyiinii sakaisii tatlo.

1 THESOLONIKAMEI 4:12

majungsii lungtang karam tiilung, mpou mpou mah tha tiitang karam, sateichii gonyii bahpii tha tiitang karam jangpii, nyiinii gonyiigo reipiinii tam kabam takumpii gonyiinii tiilo.

1 TIMOTHI 3:7

Mpounii nrou sangamsii seitan mah mphee kitei liit kasu tiisii, sabato kaleimei hangnii mpougo sadzyii ngariit tiisii kaleimei hangninii tang karamle.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.