MARK 16:19 - KARANU KABI SAMTAM

¹⁹ Aitiisii ahnyii dakii tam kalei tai Bangpii Jisugo sating gam pang makhii takle ninado mpounii Saraamah bah ajiilamto bam takle.

MARK 16:19 Iomraidhean Croise

MARK 16:20

Teito ahnyiinii mangsii bamhang kikii kabi rasamtei tampyii takle; Bangpiinii ahnyiigo kaswisii tha tii njoipyii takle, ninado kaswi kalei tiikamangou siiti hang teipiinii samtei tiisangting pyii takle. Amen.

LUKNII KARYII KABI RASAM JUKAMATI 22:69

Nlenii aitoi sekpiinii Meinah sapfii mpou teinii Saraa mah teimaham mah ajiilam pang teito bamtu tang takle.”

LUKNII KARYII KABI RASAM JUKAMATI 9:51

Jisugo Sating gam pangkhii tang karam tinglang tei gong sek-kii, mpounii Jerosalem ki kathang tatliit tang karam jangpii swi maningsii tatpat takle.

JONNII KARYII KABI RASAM JUKAMATI 13:1

Aitoinii kaakamaju mah takbai doi tei, Jisunii sazyii pouryii ai toisii tat tutang karam tinglang tei gongtakle katu titakle. Sazyii pouryiito kalei mpoumah sek katu meihang gotei sating kata mpounii lungsyiile sateichii mpounii ahnyiigo nlai katang tei lungsyiile.

JONNII KARYII KABI RASAM JUKAMATI 16:28

Inii Pfii dato gongle sateichii Inii sazyii pouryii aiki gong takle, nlailoisii Inii sazyii pouryii ai toi aisii Pfiida tat tutang takle.”

JONNII KARYII KABI RASAM JUKAMATI 17:13

Nlenii aitoinii Inii goda gongleile; sateichii ahnyiinii mpou mpou lung kito gumah ka-nta tei matwi mashangsii leimatu tang karam jangpii sazyii pouryiito samhang ai Inii tam leile.

JONNII KARYII KABI RASAM JUKAMATI 20:17

Jisunii mpoupei dakii tamle, “N-gu deng sulo, kadapokii Inii gu pfii bamki pi womakle rei, nlenii gukangsanamei hangda mangsanii ahnyii dakii tampyiilo, Inii gu pfiido gonyiipfiido, gu Saraado gonyii Saraado tiisii kalei Ah bam kitei pitune leitakle.”

JONNII KARYII KABI RASAM JUKAMATI 21:15

Ahnyiinii chiisang kaleitai, Jisunii Saimon Pitar dakii tamle, “Jon nah sapfii mpou Saimon, Nangnii aihangdoi aito kisii n-gu lungsyii makpo?” Mpounii Jisu dakii tamle, “Nle, Bangpii, Inii Bangpiigo lungsyiile katu nangnii tile.” Jisunii mpou dakii tamle, “Gu mah Jaonah meigo koichyii pyiilo.”

JONNII KARYII KABI RASAM JUKAMATI 21:22

Jisunii mpou dakii tamle, “Inii gong kasuta mpounii leikatu ai Inii kamaning kamazhii leponii, teiteinii godato kadatakum tangpo? Gutai swi wolo!”

JONNII KARYII KABI RASAM JUKAMATI 6:62

Teitiileponii meinah sapfii mpou teinii nubam kitei khii katu gonyiinii ngouleponii, kadale tang?

TIILAMLWI KAPYIIMEI THA JUKAMATI 1:22

nyiigo kaswisii bangpii Jisunii tatpat tatliitsii tinglang kaleihang kito nyiigo kaswisii tat kaleimei sapfiimei kak kito mei hangninanii nyiigo kaswisii mpounii ring kakhii mah sakchyii tiitang karamle.”

TIILAMLWI KAPYIIMEI THA JUKAMATI 2:33

Teijangpiinii Saraa mah bah ajiilam pang teikii poisagoi kapyii taiswisii sateichii rangii kamateigo pyiitang lesii riishii tiikabam tei Pfii dato doukalu taiswisii, gonyiinii aitoi ngou kalei ninado shiikalei ai mpounii rui mpat pyiile.

TIILAMLWI KAPYIIMEI THA JUKAMATI 3:21

Saraanii kamatei Lungkakalingmei mah mwi kito ndouto reipii tam kabam takumpiinii mpougo sating gamkii mbam tang karamle, mahlyii hang tiikaranu tinglang tei gong kasuta.

ROMMEI 8:34

Tanii tam mashyii tangpo? Taikapyii satei- chii teipyiiryiito katai kito ringkhiisii Saraamah bah ajiilamto bamsii nyiihang jangpii riita khangpyiisii kalei krista Jisu teipo?

KOLOSIMEI 3:1

Gonyiinii Kristago kaswisii ring- khii takle, Kristanii mpoumah sagongmah bam kito Saraamah bah ajiilamto bamsii kalei, sagoi gamto kalei mah pot hang gotei fiilo.

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

HEBRUMEI 1:3

Mpounii Saraamah pumtei kava tei seikalatsii leile sateichii mpounii nunuto kalei Saraamah jaitalui gotei njoichak thiile; Sazyii pouryiigo mpoumah teimaham kalei samkang teipii panglungsii leile. Sazyii pouryiimei mah kem jangpiinii kaleikapyii doukalu taito, dikaki teimaham, Sating gam Saraamah bah ajiilam teito mpounii bam takle.

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

HEBRUMEI 4:14

Saraa nah sapfii mpou Jisu, sating gam hang ki pitang kalu kadi kanat kajum tingdipii nyiimah kalei taiswisii, nyiinii tam ka-mpat tei sangtingsii jumde.

HEBRUMEI 6:20

Nyiihang tung tiisii Jisunii nyiidoi reisii teiki tei tat tutakle, sateichii Melkizedek taito adoidoi tiisii lung kadoihum kalei taiswisii kalui kaga kanat kajum Tingditupii hangninii tiiwo takle.

HEBRUMEI 7:26

Kadapokii ai kakum kamatei, tam kamashyiini kaga kahongrum kasu, kem katiimei hang dato poitaam kabam sateichii sating gam sung kisii poi kasagoi, kanat kajum Tingditupii hangninii nyiinii dou- tang karam sekle.

HEBRUMEI 8:1

Nyiinii tam kalei sam aikito kaang hangteinii aile: sating gam pumtei kava kadi mah sagongbam mah ajiilapangto kabam,

HEBRUMEI 9:24

Kadapokii kasang mah njoi kapoi, bahpiinii katii kamatei bam kitei Kristanii tatliit makle; nlenii sating gam sektei nyiitung tiisii Saraanii haikalei nitei gongtang karam jang- pii tatliit takle.

1 PITAR 3:22

Mpounii sating gam khiisii Saraamah bah ajiilamto bam takle. Sating gamlui hangdo, sating gam mah teimaham kajum hangdo, sateichii pumtei kalei hangdo, mpoukang nkang matu takle.