MARK 16:1 - KARANU KABI SAMTAM

¹ Sateichii bam ntak piinei leimik tei sangsek-kii Meri Mekdolen, Jems pwi Meri ninado Salomi ahnyii teinii mangsii mpougo manukpyii tang karam manam kabi thao tei lyii wotakle.

MARK 16:1 Iomraidhean Croise

MARK 14:3

Sateichii mpounii Betani ki kabam kak, tiigyiira tchiisii kaleipii Simon kilungto mah chiisii kalei tinglang kak, sapwimei hangninanii kairum kabi mai kating thao kui- tubung hangninii poisii gongle; sateichii mpoupeinii thao bung tei tiipaksii mpou phyii gamkii rui- kaipyii takle.

MARK 14:8

Mpoupeinii tiikabuita tei tiitakle; poigoi tang karam jangpii mpoupeinii gu gamkii reipii thao manukpyii takle.

MARK 15:40

Sateichii sapwimei kangkado kak dhiihaisii jusii leile, ahnyii kaktei Meri Mekdolen, Jems kara- nupii nei Joseph pwi Meri ninado Solomi haile.

MARK 15:42

Sateichii tingkhii lamtei gong kado, bam ntak piinei leimik gong kasunii tiikakada piinei leimik katu taiswisii, katingmei hang kak kito adzyii ka-nroumei, mpouroi- piinado Saraa sating sazyii gongtang karam gotei koisii kalei Arimatiya mpfii Joseph tei gongle; mpounii kahing gasii Pailatda liitsanii Jisu mah pumrong tei khang wotakle.

MARK 15:47

Teito Meri Mekdolen ninado Joseph pwi Meri teinii mpougo goi kabam nitei ngou takle.

MARK 16:2

Hapta kito kareipiinei leimik tingchoi nukii leimik pat manoi ahnyii roubam kitei mangle.

MARK 16:8

Teito ahnyiinii nlai patsii roubam kiteito paktu takle; dapokii ahnyii tei ka-nchyiipii ninado sung gatakle sateichii ahnyiinii kahing jangteipii meida kado mah kado tam makle.

LUKNII KARYII KABI RASAM JUKAMATI 23:54

Sateichii ai-ai tiikakada piinei leimikle, sateichii bam ntak piinei leimik gongtunale.

LUKNII KARYII KABI RASAM JUKAMATI 23:56

Teito ahnyiinii nlaitu takle, sateichii kairum kabi pot ninado gam kamanuk thao tiikada wotakle, sateichii bam ntak piinei teinii ahnyiinii kakhatsam taiswisii bam ntak takle.

LUKNII KARYII KABI RASAM JUKAMATI 24:1

Nlenii hapta kito leimik karei piinei tingchoi nukii tiikada kabam kairum kabi pot tei poisii sapwimei teinii roubam kitei gong takle.

JONNII KARYII KABI RASAM JUKAMATI 19:25

Teijangpii saryiimei hangteinii tha hang ai tiitakle. Nlenii Jisumah krosh kuteito, mpou pwi ninado mpou pwi sanapei Klopas nou Meri ninado Meri Mekdolen tei satsii leile.

JONNII KARYII KABI RASAM JUKAMATI 19:31

Teito Jehudimei mah teimaham kajum meihang teinii ting gamkii dhangsii gikaleimei hangmah pi hangtei ahnyiigo laktui maleisii ahnyii mah pumrong hangtei krosh gamto poi m-mang maleilosii ahnyiinii Pailat dato khangle, dapodinchii ai ai jangmangii piineile sateichii gong kalei bam ntak piinei leimik ai arou tiisii kamatei piinei leimik katu taiswisii, pumrong hangtei bam ntak piinei leimik krosh gamkii mbam tang karam tei ahnyiinii marai makle.