MARK 14:36 - KARANU KABI SAMTAM

³⁶ Sateichii mpounii tamle, “Pfii-o, gojangpiinii matum madum tiiwo kalak gale; peek ai gudato poitoi pyiilo; nlenii Inii kamaning kamarei tei sulo, nlenii nangnii kamaning kamarei teilo sii mpounii riitale.”

MARK 14:36 Iomraidhean Croise

METIU 26:39

Sateichii mpounii adoilam pang chengniikii tatpatsii mpounii sazyii- kii mpou-ju poi masuksii riitale. “Gu Pfii, mazhii leponii peek ai gudato poitoi seilo; teitii kido gumah kamaning kamazhii tei sulo, nlenii nangnii kamaning kamazhii teilo.”

METIU 26:42

Nlailoisii hangna kashang tiisii mpounii tatpatsii riita takle “Gu pfii, peek ai Inii sak kasuta gudato ma- jutu wolak leponii, gomah kamaning kamazhii tei tiimatulo.”

METIU 6:9

“Teipiinii gonyiinii aitiisii riitalo: ‘Sating gamto kalei nyii Pfii, Go zei kamatei tei matulo;

MARK 10:27

Jisunii ahnyiigo jusii tamle, “Meinahnanii ai ai tiipei wolakle, nlenii Saraa-nanii mah kado tiipei kalak gale.”

MARK 10:39

Sateichii ahnyiinii mpouda tamle, “Nle,” teito Jisunii ahnyii dakii tamle, “Inii kasak peek tei gonyiinii poisak tangle sateichii Inii dwi mpum kalu takumpii gonyiinii dwi mpum tangle;

MARK 14:37

Teito mpounii nlaigongle, ninado mpouboumei hangtum tei zyiisii kalei tei ngoutakle, teito mpounii Pitar dakii tamle, “Simon, nang zyiitu takpo? Gonyii n-gu kaswisii pungkado mik raksii bampei lak takde?

JONNII KARYII KABI RASAM JUKAMATI 12:27

“Aitoinii gulung kamage takle, sateichii Inii kadapei tam tangpo? Pfii-o, tinglang aikito n-gu keipyiilo. Makle, kaang aijangpii tinglang aiki ai Inii gongtakle.

JONNII KARYII KABI RASAM JUKAMATI 18:11

Teijangpii Jisunii Pitar dakii tamle, “Saryiikhang tei kanghet kikii kai ailo, gu pfiinii gudakii pyii kabam peek tei Inii saklakpo?”

JONNII KARYII KABI RASAM JUKAMATI 4:34

Jisunii ahnyii dakii tamle, “N-gu lang kamagong mpoumah kamaning kamazhii katii ninado mpoumah tha tiikamashang ai gumah chiitakle.

JONNII KARYII KABI RASAM JUKAMATI 5:30

“Inii gumah teimaham roina- piinii samah kado tiipei wolakle; Inii kashii takumpii, Inii samtak tiile; sateichii gumah samtaknii kasangle, dapochiinii n-gu lang kamagong mpoumah kamaning kamazhii tei supiinii gumah kamaning kamazhii tei Inii fiimakle.

GALATIMEI 4:6

Gonyii ai mpounah sapfiimei hangle katu mangoutang karam jangpii “Abba! Gu Pfii!” Sii saa ka-mpat, mpounah sapfii mpoumah rangii tei Saraanii gonyii lung kikii langkai pyiitakle.

PILIPIMEI 2:8

Mpounii lung manoile sateichii mpounii krosh gamto katai–katai pwidi mata tei mpounii katam kaswi mah pwidi tei tatle.

2 TIMOTHI 2:13

Nyiidato malum kabui tei galeponii mpounii malum kabwi tei taksupii leile, dapokii mpounii mpouroinapii mpougo mazhii kasu tei tiipei wolakle.

TAITAS 1:2

chuisang chuilei kasu Saraanii pyiitanglesii ndouto riishii tiikabam kalui kaga karing tei doutanglesii maning kamalum kito,

HEBRUMEI 6:18

Teipiinii ai tha hangna katunii, kalipei wokalak ninado Saraanii chuipeiwo kalak kaang ai leile. Teijangpiinii mpougo kaswisii nsungbam doukalumei nyiihang go nyiidoito kalei maning kamalum kiteito makhiipyii takle.