MARK 14:21 - KARANU KABI SAMTAM

²¹ Kadapokii meinah sapfii mpou teinii mpou jangpii ryii kabam takumpii tai tangle, nlenii meinah sapfii mpougo schoi-choi kachiipii teinii kadaziikapii kamage tangpo! Mei teipou jangpii manaa m-mang kasunapou mpou jangpii bibwi tangle!”

MARK 14:21 Iomraidhean Croise

METIU 26:54

Nlenii teitiileponii, ai pat tang karamle sii tam kalei kabi rasam tei kada takumpii gongsang wotangpo?”

METIU 26:56

Nlenii Lungkakaling- meinii kabi rasam hang kikii ryii- kabam tei gongsang matutang karam jangpii aihang ai pat takle.” Teito boumeihang teinii mpougo toisii pakga takle.

MARK 14:20

Mpounii ahnyii dakii tamle, “Kok hangninii lung kikii n-gu kaswisii bah karengkai katupii keariisiinakhii kak kito mei hang- niniile.

MARK 14:22

Ahnyiinii mah chii kalei tinglang kak, Jisunii tiirok pangkii poisii riitasii hakalang tamle, tiirak takle, sateichii mpouboumei dakii pyiisii tamle, “Poilo, ai ai gu-tchiile.”

MARK 14:49

Tingnei tingneikii Inii gonyiigo Kaswisii Saraa kamaning kilungto ralipyiisii leile, ninado gonyiinii n-gu jum makle. Nlenii ai ai kabi rasam tei gong matwi matu tang karam jangpiile.”

LUKNII KARYII KABI RASAM JUKAMATI 22:22

Kadapokii Meinah Sapfii Mpou teinii Saraa nii maningda kabam tei taiswisanii tai tangle, nlenii schoi choikai kapyiipii jangpiinii kamagele!”

LUKNII KARYII KABI RASAM JUKAMATI 24:44

Sateichii mpounii ahnyii dakii tamle, “Inii gonyiigo kaswisii lung kalei kak, Inii gonyiigo kaswisii karashii kalu samkang hangtei aile, katunii, gu kaang kito Moses mah ajaitingshang kito, Lungkakalingmei sateichii tam kamatoi lhiibung kikii ryii kabam matum madum hangtei madou gong matu tangle.”

JONNII KARYII KABI RASAM JUKAMATI 19:28

Aitaito Jisunii tha hangtei aitoinii tiimashang takle katu tei tiwosii, kabi rasam tei kasangpii gong matwi matutang karam jangpii mpounii tamle, “I saryiile.”

TIILAMLWI KAPYIIMEI THA JUKAMATI 1:25

Mpoubam toutang karam ai mei hangna kak ki aito tapiigo nangnii kalaipyii bampo katu tei mati pyiilo.

TIILAMLWI KAPYIIMEI THA JUKAMATI 2:23

Saraanii reipii tisii kalei ninado mpoumah kamaning taiswisii, go- nyiinii kem katiimei bah kikii mpougo pyiitoi aisii jotpyiipii gisii krosh gamkii dhangsii gi aitakle.

TIILAMLWI KAPYIIMEI THA JUKAMATI 4:27

Kadapokii nangnii thao manuk kapyii goki kaleipii kamatei Jisu kaswisii Herotniido, Pontios Pai- latniido,